منتديات كلك غلا - تعال الشوق يذبحني تعال الشوق لك ولهان

تعال الشوق يذبحني تعال الشوق لك ولهان
تعال الدمعه مجروحه على خد السهر تعبر
تعال وشوف بعيونك على وجهي صدى الحرمان
على وجه الهوى الباكي ملامح غربتي تكبر
ابيك تعانق احلامي وتمسح دمعة الحيران
تضم الشوق بايدينك وتداوي جرحي لو تقدر
ابحكيلك عن ايامي ورداته حظي الخوان
اببكي لين مايبقى بعيني دمعتن تذكر
ابيك تطمن القلب الي من دنياه جد تعبان
تسلي وحدتي والليل اذا تسمح معي تسهر
ابفتح دفتر اشعاري واغنيلك شعر والحان
بيوتن قلتها لجلك عذوبة حرفها تقطر
احبك والغلا لجلك على كف الهوى سهران
احبك كثر نجم الليل وكثر الشوق لك واكثر
كثر ما بالقلوب هموم كثر مابالشجر اغصان
كثر ما لهفة عيوني على فرقاك ماتصبر
بزنزانة غلاك القلب سجين وحبك السجان
بداخل خافقي اسمك حبيبي بالغلا مسطر
فلا والله ياخلي يوصل مركزك انسان
غلاك اكبر من الدنيا وكل ساعه تمر يكبر