منتديات كلك غلا

أكابر والهوى يكشف خفايا خافق ٍ يغليه
واصد ولهفتي تجبر عيوني تطرد خياله
احبه ياهوى والشوق فيني ماسكن يدعيه
وله وسط الحشى منزال ماهدوه عذاله
هلا بك سيد جروحي هلا بالي ذكر مغليه
هلا بالي طيوف الشوق جابتني على باله
بعد ماطول غيابه دعاني وقلت له لبيه
الا يالبني كلي عسى فال الفرح فاله
غيابك اتعب احساس ٍ تغرب في دروب التيه
يعاني قسوة الحرمان وصوت الجرح مواله
يهلي بك خفوق ٍ جمر ودك مابرد يكويه
ولا مل انتظارك يوم ولو ضاقت به الحاله
حبيبي لو طعنت القلب هواك بدنيتي اشريه
ولو زادت جروح القلب قربك حيل يحلاله
سقاني قلبك الاحساس وعلمني الهوى بيديه
ومشاني دروب الشوق وسهرني على جاله
أحبك كثر ما ردد خفوقي في غيابك ليه
تونى صاحبي ياليل حرمني فرحة وصاله
أحبك سر لو يخفى حروفي للملا تبديه
أحبك حلم لحفني وطوقني بسلساله
تعال ولملم جروح ٍ بقلب ٍعنك ماتثنيه
متاهات الجفا مادام هذي الروح مياله