https://www.klk-gla.com/vb/data:imag...VC64KkYSez/9k=

طاجنرز فى الفرن

المقادير

"3 اكواب من الرز البنى – 4 اكواب من الكوسة المقطعة مكعبات- فلفل أحمر – فلفل أخضر – 2 مكعبات مرقة – بصلة كبيرة مقطعة مكعبات – ملعقة صغيرة من الملح – كوب من الحليب خالى الدسم - 3 ملاعق كبيرة من الدقيق – زيت زيتون – جبنة كريمى – سجق شرقى "

طريقة التحضير ..

-سخنى الفرن على درجة حرارة عالية، وابدأى فى تحضير الوصفة.

-فى حلة على النار انزلى بمكعبات المرقة والمية السخنة لحد ما الشوربة تتعمل انزلى بالرز المغسول وحاولى النار تكون هادية علشان الرز يستوى فى وقت أسرع.

-فى طاسة انزلى بزيت الزيتون وبعدين السجق الشرقى، وقلبى كويس وانزلى بالملح ومعاه كمان الفلفل الألوان لحد ما المكونات تستوى كلها.

-فى طاسة تانية انزلى بزيت الزيتون والدقيق لحد ما يتحمر وضيفى اللبن تدريجى وعليهم الجبنة والملح لحد ما القوام يكون متجانس ومش تقيل قوى.

-هاتى طاجن فخار وانزلى بالرز وعليه السجق وفوق الوش انزلى بخليط اللبن بالدقيق أو البشاميل ودخليهم النار على درجة حرارة متوسطة لحد ما الوش يحمر وقدميه سخن مع السلطة الخضراء.

-سندوتش الباذنجان المشوى

المقادير

"ثوم مفروم – ¼ كوب من المايونيز – ملعقة صغيرة من عصير الليمون – ثمرة من الباذنجان متوسطة الحجم – زيت الزيتون – ملعقة صغيرة ملح –شرائح التوست- جرجير – شرائح طماطم – ملعقة صغيرة من الفلفل الاسود "

طريقة التحضير ..

فى بولة صغيرة اخلطى التوم المفروم مع المايونيز وعصير الليمون وزيت الزيتون والملح والفلفل.

-على الشواية حمرى الباذنجان والتوست لحد ما لونهم يبقى احمر وابدائى اعملى الساندوتش اللذيذ.

افتحى طبقة من التوست وافردى جزء من خليط المايونيز وعليه الباذنجان وعليه طبقة تانية من المايونيز والطماطم والجرجير ومن فوق الوش عليهم طبقة تانية من التوست المحمر على الشواية.