|
غريبةة ه العالم يلعن امك صارت مديحة ؟؟
بصراحه فيـه موضوع شدني واحنـا غافلين عنه من جد .. ما تلاحظون إن كلمـة [ يلعـن أمـك ] إنتشرت إنتشار غريـب و مريب .. وصار اللي يقولها عــااادي جـدآ .. كانه قايـل [ السـلام عليكم ] ..! و الأغرب إن اللي تنقـال له عـادي عنده ..!! كيـف ترضى على أمك ؟! و ليش ؟! ... و حتى بعض البنـات’ اللحين بالعكس عندهم يلعـن أمـك مدحه ..!! أو هذا تعبير عن الحماس في سالفـةٍ مـا ! مثـلآ .. يجي واحد يقول : والله أمس سويت كذا وسويت كذا .. يجي الثاني يقول : يلعـن أمـك ياشيخ ..!! و إذا قال لـه [يلعـن أمـك ] مـدّ هالخشه شبرين كأنه قايل له شعر يمدحه ..! و إلاّ بعض الشبـاب .. واحد يسأل الثـاني : وش رايك باللاعب الفلاني ..؟ يقول : يلعـن أمممممممممه يلعـب من جد ..! طيب أبي أفهـم .. وش دخل أمــه بالموضوع ..؟! آللعن : هو آلطرد وآلآبعآد عن رحمة آلله ..!! للأسف الشديد إن الكلمـة هذي منتشره عندنا إنتشار كبيـر .. و الآن حاصله مع الشباب في جلساتهم .. فلان : وينك أمس يلعـن أمـك ؟ علان : أبد رحت مع فلان الله يلعـن أمه . فلان : ليه ماقلتلي إنك بتروح معه الله يلـعن أمـك أنت ويّاه ؟ علان : وش دراني إنك بتروح يلعـن أمك ! فلان : ههههههههههههههههه . علان : هههههههههااااااااي . << مآخذينهآ فلله وسسعة صدر ..!!! ولاَ كأنه صار شي ...!! وللأسف إنها تقريبـآ أكثر كلمـة تنقال هالأيام .. وكم واحد تسأله عن هالكلمه .. بيقول لك : عاده ..! هذا جـواب اقبح من ذنب .. مافيه شي تتعود عليه وإنت تدري انـه خطاء ولا تقدر تخليه ..! يمكن إنت تغفـل أو تـتـغـافل عن الذنب اللي تحصلـه من هالكلمـة ..! بس لا تنسى و إنت تقول هالكلمـة أنك تسوي شيء من الكبــائـر .. أنت تخيلت معي ..؟! كبـائـر الذنـوب ..!! صحّ عنه صلى الله عليه وسلم أنه قال **من الكبائر شتم الرجل والديه قالوا : يا رسول الله وهل يشتم الرجل والديه ؟ قال : نعم يسب أبا الرجل فيسب أباه ويسب أمه فيسب أمه ** راوه مسلم . وش رآيكـم ..؟ وش الحل لهذي المشكلـة الخطيرة ..؟ يعني لهـالدرجـة مافيـه إحترام ولا تقـدير للأم ..؟! | أتمنى نتناقش بالموضوع بعقلانية | |
رد: غريبةة ه العالم يلعن امك صارت مديحة ؟؟
يعافيك ربي على موضعك يالغلا من جد هالكلمه اسمعها كثير والاحظ كثير من البنات اذا كانت متحمسه او في نقاش معاك تطلع منها هالكلمه عفويه ولا تحس فيها لانها تعودت عليها ... الحل للمشكله انا من وجهة نظري ان الانسان لازم يتحكم بلسانه ويحاول يختار كلماته بااسلوب وذووق الحوارله ادب والكلام فن عبر عن نفسك بااحترام ليش هالكلمات السوقيه .. امزح واضحك ونقاش وتكلم بكل حريه بس خل عندك حدود بسيطه وتذكر الا ماترضاه على نفسك لاترضاه على الناس ترضى احد يقول لك (يلعن امك ) لو مزح ..! وفي النهايه الله يهدي الجميع وتقبلي مروري مع كل الشكر مودتي |
رد: غريبةة ه العالم يلعن امك صارت مديحة ؟؟
الله يهدى الجميع
ولو كل واحد اتوجهتله الكلمه ووضعلها حد ماكان اتجرؤؤ فيها وانتشرت لكن اشكاال تشبه بعض واتلاقت مااظن الناس الواعيه العاقله تكون منتشره بينهم هذه الكلمه تحياااتي لروحك يوسفيه آسطورهـ |
| All times are GMT +3. The time now is 05:49 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا