|
نقاش ساخن الزواج ام الدراسه
السلام عليكم السالفه ومافيها انه وانا في الدوام جرى حوار بيني وبين اصحابي عن موضوع الزواج والدراسه لذلك حبيت نتاقش في الموضوع وارجوا منكم ابداء ارائكم ومناقشة هذا الموضوع الزواج ام اكمال الدراسه؟ نعلم ان هذه الايام المعيشه والغلا عائق كبير امام الكثير من الشباب المقبلين على الزواج ورواتبهم التي لا تكفي لسد ايجارات السكن هل يضطر الى الزواج بالدين او ينتظر الى متى ؟؟ أغلب العوائل يرفضون تزويج بناتهم في مرحلة الدراسه فلديهم الدراسه أولا ومن ثم الزواج !! هل وجهة نظرهم صحيحه ؟؟ أم أن الدراسة ليست عائقا لزواج الفتاة حيث انها تستطيع التوفيق بينهما ؟؟ وهل الشهادة الدراسية اكثر ضمانا لمستقبل الفتاة من الزواج ؟؟ وهل الزواج في سن مبكره السبب في حالات الطلاق حيث يكون أحد الزوجان غير مهيأ لتحمل المسؤليه ؟ وحل المشاكل؟ كذلك انشغال الفتاة في الدراسه قد يلهيها عن واجباتها اتجاه زوجها وبيتها ؟ فيحدث الانفصال من اول مشكله اوخلاف..؟؟ وايضا الانشغال هل يسبب غيرة لدى الرجل من الدراسه؟ وأي سن تكون الفتاه....أكثر تهيأ لتحمل المسؤليه......؟؟ وهل يؤيد زواج الفتى وهو على مقاعد الدراسه؟؟ولماذا ؟؟ وهل تؤيد الفتاة التي تترك دراستها لأنها با عتبارها لم تستطع أن تجمع بين الأمرين؟؟ فماهي ارائكم ووجهات نظركم ..................؟ ننتظركم جميعا للنقاش حول الموضوع ولكم اطيب التحايا زمان الصمت :) |
شوف انا بصراحة طالبة بدرس دحين و حابة ابدي رأي في الموضوع
هما الاتنين مهمين الزواج و الدراسه بس الاهم للرجل الدراسة لانو من غير دراسة و شهادة ما هيقدر يفتح بيت او يشتغل و البنت كمان لازم تدرس و يكون عندها شهادة و السن المميز للبنت هوا لمن تخلص جامعة و كل شي بعدين تفكر بانها تتزوج والولد لازم من جد يكون مخلص كل شي وكمان يكون بيشتغل عشان يقدر يفتح بيت و يكون اسرة والبنت لمن يكون عندها شهادة تتقدر تساعد زوجها في الشغل و والمصاريف والاشياء هاذي انا هذا راي يا زمان الصمت مع تحياتي و احترامي لك شيمو :) shEmo ########################### |
اول شي يعطيك العافيه يازمان الصمت عالموضوع ..
انا من وجهة نظري مو مع تزويج البنت وهي تدرس لانه ناااادر تجي بنت تقدر توفق بين الاثنين .. حتى لو تزوجت وهي تدرس شرط ماتكون بأول دراستها الجامعيه يعني تكون بأخر سنه لها اوك .. لكن لو مخلصه ثانوي ومادخلت جامعه مابوه مشكله تتزوج وتوسع صدرها :D وهل الشهادة الدراسية اكثر ضمانا لمستقبل الفتاة من الزواج ؟؟ ان جينا للواقع ايه اكثر ضمان لانه كثير من الزواجات تفشل وبالاخير البنت مافي شي بينفعها غير شهادتها وبالأصح وظيفتها .. وهل الزواج في سن مبكره السبب في حالات الطلاق حيث يكون أحد الزوجان غير مهيأ لتحمل المسؤليه ؟ وحل المشاكل؟ ممكن :confused: وأي سن تكون الفتاه....أكثر تهيأ لتحمل المسؤليه......؟؟ البنت تتحمل مسؤوليه ابكر من الرجال يعني من بدري بس انا بالنسبه لي احسن سن لزواج البنت .. وتكون فاهمه فيه وعااااقله ومو على اي شي تطقها زعل هو من 23 وطالع .. وهل يؤيد زواج الفتى وهو على مقاعد الدراسه؟؟ولماذا ؟؟ لاااااااااااااااا لاااااااااااا جد مايعجبني بالله من بيصرف عليه هو وزوجته ... مو حلوه كل شوي يطق وجهه لأبوه وامه يعطونه مصروفه .. وهل تؤيد الفتاة التي تترك دراستها لأنها با عتبارها لم تستطع أن تجمع بين الأمرين؟؟ طبعا لا .. وياكثرهم عندنا تركوا الدراسه عشان العرس لانهم من تزوجوا قضوها رسوب وبعدها تركوها .. وتقدر البنت تأجل الزواج سنتين ثلاث الى ماتخلص وش المشكله يعني واذا الرجال يبيها بيوافق وعسل على قلبه :D :D |
موضوع يستحق النقاش .. يعطيك الف عافية ..
الصراحة البنت اذا تزوجت وهي تدرس بالجامعة انا اشوف عادي .. بس بشرط تكون قد هالشئ .. يعني على حسب البنت في بنات يقدرون يوافقون بين الدراسه والزواج وفي بنات لا .. وهل الشهادة الدراسية اكثر ضمانا لمستقبل الفتاة من الزواج ؟؟ اكييييييييد .. شهادتها اهم من الزواج .. يكفي انها متى ماحتاجت للوظيفة حصلت شهادتها سندها .. وفي هالزمن الشهاده اهم من الزواج .. وهل الزواج في سن مبكره السبب في حالات الطلاق حيث يكون أحد الزوجان غير مهيأ لتحمل المسؤليه ؟ وحل المشاكل؟ ممكن .. وأي سن تكون الفتاه....أكثر تهيأ لتحمل المسؤليه......؟؟ انا اشوف ان الزواج افضل سن له .. من 24 وفوق وهل يؤيد زواج الفتى وهو على مقاعد الدراسه؟؟ولماذا ؟؟ لا والف لا .. من بيصرف عليه وعلى بيته .. صعبه كل شوي قاط وجهه عند امه وابوه .. وهل تؤيد الفتاة التي تترك دراستها لأنها با عتبارها لم تستطع أن تجمع بين الأمرين؟؟ لا طبعا .. تدرس وخلص الجامعة .. والزواج لاحقة خير عليه .. تسلم يالغلآ ع الطرح .. لاهنت |
اقتباس:
يسلمك ربي اخت شيمو على تواجدك لك وافر احتراماتي زمان الصمت :) |
اقتباس:
يعطيك العافية أخت الغلا على تواجدك لك وافر احتراماتي زمان الصمت :) |
اقتباس:
الله يسلمك أخت ما تهاب على التواجد لك وافر احتراماتي زمان الصمت :) |
يعطيك العافيه يازمان الصمت عالموضوع الرآآئع
من وجهة نظري متي جآآء الرجل المنآآسبَ لهآآ الذي يخاف الله فيهآآ تتزوج بس بشرط أن تكون بسن قآآدر ع تحمل الحيآآة الزوجيه وليس شرط تضع الشهآده عآآئق أمام الزوآج فكم من فتآآة تزوجة وأكملت دراستهآآ بعد ذلك مثل أختي تزوجت وهي بالثآآنويه واكملت درأستهآآ الجامعيه والان هي تحضر المآآجستير ولكنَ أهم شرط هو الرغبه بالحصوول ع الشهآآده وموآفقة الزووج بالتعليم وعدم الووقوف في طريقهآآ ((( وجهة نظر لا غير)) وهل الشهادة الدراسية اكثر ضمانا لمستقبل الفتاة من الزواج ؟؟ نعم ضمآآن لهآآ للحيآآة ،،ولكن ليس أضمن من الزوواج لان سنة الله بالحيآآة وحلم كل فتآآة بالاستقرآآر وهل الزواج في سن مبكره السبب في حالات الطلاق حيث يكون أحد الزوجان غير مهيأ لتحمل المسؤليه ؟ وحل المشاكل؟ نعم وأي سن تكون الفتاه....أكثر تهيأ لتحمل المسؤليه......؟؟ السن شرط اسآآسي بالزواج ولكن الاكثر الاهميه هي مدي ثقآآفة الفتآة من هذه النآآحيه وأفضل سن عندي هو (( 22)) وهل يؤيد زواج الفتى وهو على مقاعد الدراسه؟؟ولماذا ؟؟ هنآآك رآآئين الاول / لا الافضل ان يكون مؤظف عند الآغلبيه والرآئ الثآني/ في شبآب بقدرته الزوآج والعمل بالمسآآء أو يكون ميسوور الحآآل لا يمنع فكم شااب ع مقعد الجآآمعه أفضل من شااب ع كرسي أدآآره (( وجهة نظر لا غير)) وهل تؤيد الفتاة التي تترك دراستها لأنها با عتبارها لم تستطع أن تجمع بين الأمرين؟؟ لا واكيد لا بد ان تفكر جيدآآ اننا زمن الثقآآفه والعلم والشهآآده عز لهآآ العزيمه أهم شئ بالحيآآة طلمآآ انت تنظر الي اعلي سوف تصل ،، واخيرآآ أشكرك ع طرحك وتقبل وجهة نظري المتوآآضعه ودمت بخير |
اقتباس:
سلمت اخت حنوونه على التواجد واختلاف وجهات النظر لا يفسد للود قضية لك وافر احتراماتي زمان الصمت :) |
يعطيك العافيه اخوي زمان الصمت
موضوع قمة بالررروعه من وجهة نظري الرجل يحتاج للدراسه والوظيفه اكثر من البنت وهذا الشي معروف والبنت دراستها وتعليمها بعد مهمه بس الزواج اهم لها والمعروف ان الزواج ستر للبنت .. والبنت الشاطره تقدر توفق بين دراستها او وظيفتها والزواج وللاسف نسمع كثير ان اغلب المشاكل من البنات الي يتزوجون وهم صغار يمكن عدم التكافؤ او بعض البنات ماعندها الخبره الكافيه بالحياة ماقول الكل البعض لان الحمدلله في بنات تزوجوا وهم صغار وماشاءالله الله موفقهن بالنهايه شي مقدر ومكتوب ونصيب الله يوفق الجميع ويزوج بنات المسلمين ويزوجني :) هع اشكرك اخوي زمان جزيل الشكر |
| All times are GMT +3. The time now is 03:06 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا