مناة الروح
علام طيفك شاغل الذهن والبال=يحلا بدر لامن ظهر في تمامه تعال وادحر بالغلا كيد عذال=واملك عروق القلب دامك مرامه نضمى ونشرب من حلا الوقت فنجال=نروي ضمانا ونهتني بالسلامه يحق لي افرح و انا فيك مختال=ويحق لك فالعشق ترمي سهامه اغليك وافهمها ترى الوقت قتال=يقطع ويملك فرحنا من حسامه ناظر حياة الي دعو حبه اهبال=قيس الذي صاغ العشق في كلامه ذنبه هوى ليلاه بجنون واخبال=حتى لذيذ النوم جافى منامه مات وبقى علمه لنا يضرب امثال=عقب القهر والضيم شاف الملامه جيتك ترى بالقلب مطرح ومنزال=لك يامناة الروح ياول غرامه لا لا تبادل حبي بصد واهمال=وان كان قصدك بالصدود الكرامه فيك الامل ماخب والظن لازال=هات الجواب وهاك نص العلامه ياكيف طيفك يشغل الذهن والبال=يحلا بدر لامن ظهر في تمامه |
رد: مناة الروح
.. صح بوحك سجين ع جزل الابيات ومجمل حرووفك مميزه طاب يومك بخير |
رد: مناة الروح
ياهلا وغلا عشقك خفوقي اسعدني مرورك الراقي كوني بالقرب دوووم |
All times are GMT +3. The time now is 03:40 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا