|
للبيع مكينة خياطة
السلام عليكم ورحمة الله وبركاته كيفكم وش اخباركم ان شاء الله تمام وكويسين الا على طاري الدباب :) وش السالفه هاليومين العالم طايحين في مكاين الخياطة ؟ مدري من لعب عليهم وقال فيها زئبق ؟ :D كل ماخشيت منتدى لقيتهم محتفلين :D .. اللي يقول والله وجت قيمة الفكسآر واللي يناااقز .. بيروح يعلم امــه واللي مكلم عمه حاجز ثلاث مكاين استخدام نظيف على يد عجوز من ساعه فكتها من الوكاله الحين باللهي هالمكاين اللي صنّعوها مايدرون ان فيها زئبق ؟؟؟ وراء ماخبوا الزئبق عندهم طيب ؟؟؟ والا الزئبق مايظهر فيها الا بعد مايخيطون فيها روب عجيّز بشرط تكون لابسته سنه ...! ثم بعدها تبداء مرحلة الخياطة .. وإنتاج الزئبق ...! عموما للجادين فقط .. هذي صورة المكينه ... وتراها دفع رباعي 8 سرندل :cool: http://up2.m5zn.com/photo/2009/4/12/...mg9l9k.jpg/jpg من يشتري منّي .. مكيـنـة الخياطة .... مضمونة الزئبق .. مع مكرةَ الخيط اشتـر وعنك الفقر .. يفك ارتباطه ..... وتصير تاجر دون دراسة وتخطيط اللي يبي الغنـاة .. ترا ذي إحـاطة .... واللي بغا الفقر يخاوي المشآغب وعبيط قبل لا انسى .... الى متى وحنا مطارد وراء الاشاعات ؟؟؟؟ تحياتي لكم |
صادق عااشق لمتي ونحن كذا
يسلمو ع الطرح وتقبل تواجدي |
هههههههههههههههههههههههههههههههههههههههههه
كذبة ابريل الله يشيلهم بس هالكذبة كانت قوويه بشكل مو طبيعي يعني انتشرت وللاسف فيها حلف بالله يجيك واحد يقول والله فلان باعها ب70 الف ومواقف كثيره صارت بصراحه تموت ضحك عاد الى متى احنا ورا الاشاعات هاذي ترجع لك واحد اذا تفكيره تمام وصح ماراح يركض وراها بس مثل هالكذبة العالم بقووه مشت وراها ومثل ماقلت اغلب المنتديات تتحدث بهالموضوع انصح كل عجوز تحتفظ بمكينتها هع ولاتصدق كذبة ابريل |
هههههههههههههههههههههههههههههههههههههههههههههههههه ههه
والله العظيم شئ يموت من الضحك.. ومواقف لايحسد عليها الصراحة قوووووووووويه .. والله العالم مدري وش جاه شلون صدقت مدري .. يالله ننتظر حلقه لطاش ماطاش .. عن مكينة الخياطه .. هههههههههههههههههههههه تسلم يالغلا ع الطرح لا هنت مع خالص شكري .. |
ألف شكر لكم على هالمرور الرائع
ولا بعد مو بس 70 ألف أعرف لكم واحد وقف على حراج للمكائن الخياطة يحلف بالله أن في وحده راحت 100 ألف . شي غريب والله تحياتي لكم |
سبحان الله كذبوا الكذبه وصدقها
مساكين العالم ماعندهم شي الله يسامح اللى كان السبب بس والله انا مامحزني بالسالفه الا تعشموا والفقراء والله صدق شي يحزن الله يسامح اللى طلع هالاشاعه يعطيك العافيه تقبل وجووووووووودي |
يسلمووووووووو على المرور الرائع
|
يسلمو على الطرح الرائع
عرف ناس باعوا المكينه 80 الف الاوائل روابح بس الشعب السعودي مشكله يصدق كل شي طلع كله الكلام كذبه ما فيها زبق احمر ولا اخضر تسلم يمناك تقبل توووواجدي |
| All times are GMT +3. The time now is 09:07 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا