ياحلو كلمـة سـم لا قلتلـي سـم ..... احسـهـا متمكـنـه بالحـنـايـا
وارجع اكرر غلطة الشوق وازهـم ..... وتردهـا وتبـذ كــل الخفـايـا
يا كم سمعنا سم يـا كـم يـا كـم .... لكن مـن شفاتـك تسـوي سوايـا
ارق من صوت العصافير وارحـم ..... من عاطفـة طفـلٍ يضـم الهدايـا
واعذب من الما باول الصيف واطعم ..... من بوسة اللـي صـادقٍ فالنوايـا
عطنـي علومـك بعدهـا لا تلعثـم ...... في ذمتي مشتـاق اشـوف الثنايـا
الليل توه وانـت يـا سيـدي عـم ...... كـل المكـان ملبسيـنـه مـرايـا
امر وقول اللـي تبـي يـا بعدهـم ...... شف صورتك غطت جميع الزوايـا
ترى الحياه ابدون حب وغـلا هـم ..... الحب نعمـه يـا رقيـق السجايـا
هذي يدينـي مـدت اكفوفهـا قـم ..... صافح يدينٍ جـت تشيـل التحايـا
ان طعتني قرب على صدري وضم ..... قلبٍ اللي عطـى مـا يمـن العطايـا
لا لا تفرق يا الغضـي غيـمٍ التـم .... قبل النفس يروي ظمـاك وظمايـا
ومن بعدها يا صاحبي فالحشـا نـم ..... غمض عيونـك لا تعـد الخطايـا
وان قلت انا يا سيـدي يـا بعدهـم ..... ما نيب كاذب وانت داخـل حشايـا