منتديات كلك غلا - على طريق الامل

على طريق الامل

على طريق الأمل ما تتعب إخطانا _
لو تتلف أعمارنا / من دون أمانينا .

ما دامنا عارفينٍ / وش نوايانا ؟! _
الله على اللي به الصالح يقدّينا .

نمشي على كيفنا / وندل ممشانا
وإنماشي اللي على العزة / يماشينا .

واللي بلتْه الظنون / إنه من أعدانا _
حنا كرام الفعايل / ما تعادينا .

أوضح من الشمس / ممشانا ومبدانا _
تبور الأيام / ما بارت مبادينا .

ولا نخون الوفا / لا زآل مسرانا _
حنا نموت / ووفانا عايشٍ فينا .

فينا حياً / حافظٍ بوجيهنا مانا _
وإنحشِّم اوجيهنا / من قبل أسامينا .

واليا ارتكينا / عرفنا وين مركانا ؟! _
بأهل الوفا / ألف بـالميّة هقاوينا . . .