منتديات كلك غلا - صحيح حنا إنتهينا بس صدقني..........

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - صحيح حنا إنتهينا بس صدقني.......... (https://www.klk-gla.com/vb/showthread.php?t=28828)

صحيح حنا إنتهينا بس صدقني..........

تدري متى بتعرف قدري وتفقدني
لا رخصت نفسك لشخص ما يراعيها

بكره لا هملوك الناس تذكرني
وتقول عزاه عيني من يداريها

ما دام غيري على قلبك مشاركني
وشو له أعلق الأمال وأبنيها

يكفي إنك رحلت ومنت عايفني
هذا عزا النفس من كثرة بلاويها

أهديتك دموع من طعنتك تحرقني
وإنت اللي تستاهل الدنيا وما فيها

وأهديتني جرح موجهني وعاجبني
لأن الهدايا على مقدار مهديها

صحيح حنا إنتهينا بس صدقني
إنك تبقى هوى روحي ومغليها

مفضوح راعي الهيام ونظرته تغني
ملامحه واضحه في وجه راعيها

لكل داء دواء لو هو متعبني
إلا محبتك عيت من يداويها

إن قلت علمني إنسى لا تعلمني
دنياي لا من نسيتك وش تاليها

فارقتني وضحكتك عيت تفارقني
والله يلعن أبو الفرقى وطاريها

ما أقدر أفكر بغيرك وإنت عارفني
عشان حاجه بقلبي مقدر أخفيها

أخاف لا حبني غيرك وعاشرني
يشوف صورتك في عيني ويوحيها

نشدت عنك وسمعت اللي يفرحني
ويرتاح صدري من هموم يحاتيها

تعرف وشعلى الفرقى مصبرني
إنك بخير وحياتك متهني فيها

°°°°°