منتديات كلك غلا - ما كنت ناقص صدمة اخرى في حياتي واصدموني

ياصدمتي في اكثر احبابي وياخيبة ظنوني
ياضيق صدري لاذكرت اني عليهم ماكذبت

ياطعنة خلتني انسى من سبايبها طعوني
ياجرح ماله طب حتى لو اقول اليوم طبت

البارحة والله يكون بعون احاسيسي وعوني
أحاول اهرب من عمايلهم ولكن ماهربت

ماكنت احس اني انا انا..وان هذا الكون كوني
امر في حالة ضياع ..وشبه غيبوبة ..وكبت

احباب!! اي احباب ذول اللي على موتي خذوني
الظــاهر اني شبت ..وانا مابعد شـــبت

سألت نفسي هم يبوني صدق؟؟والا مايبوني؟
اجبت نفسي وليتني على سؤالي مااجبت

اللي لهم مدة وهم في داخلي واستغفلوني!
ياما استغلوا طيبتي معهم وكل اللي وهبت

وهبتهم قلبي..وشعري..وكل ماحولي ودوني
تعبت معهــم بس ماكني رغم هذا تعبـــت

شعرت فعلا بالعذاب وغصة الدمع بعيوني
قربتهم مني وانا اللي كنت احسب اني قربت

عشانهم قررت ابيع اللي من العالم شروني
عشانهم بطلت لعب ..وليتني والله لعبت !!

مادامهم ماقدروا صدقي ومعهم جرجروني
لو ادري اخرها كذا من اول الدرب انسحبت!

احبابهم واجد! ولا ادري ليه بالذات خدعوني
مع ان عمري ماخدعت انسان او حتى قلبت!!

ياقوها صدمة!وانا لون الغدر ماهوب لوني
وربي ماانلام لو بعد الذي سووه غبت..

ماكنت ناقص صدمة اخرى في حياتي واصدموني!
مصدوم خلقة لين مات الحب فيني وانعطبت

اللحين مدري كيف اعاملهم وهم ماقدروني؟؟
مااستوعبوا اللي كتبت من الجروح وماكتبت

الله يجازيهم على استنزافي وحرقة جفوني
ماكنت حاسبهم يبيعون الغلا يومي حسبت

اثر الغلا مني! لاني كنت معطيهم جنوني
لكني اعلنها صريحة تبت والله ثم تبت

ماعاد لي رغبة اجدد في علاقتهم طعوني
خسرت في هذا الطريق اضعاف ضعف اللي كسبت

احسن لي ابعد واشتري نفسي ولا خيبة ظنوني
ان طبت من جرحي والا جعلني مايوم طبت!!!!