ياحزنها :::::
ياحزينه ! دوريني في زوايا الياس... في ياس المدينة ! دوريني في ملامح وجهك الدافي وقولي .. :قولي : وينه !http://www.funytime.net/vb/images/estefham.gif شاعر ٍ ماحبّته بنت وبكى ! شاعر ٍ مانسّته بنت وشكى ! شاعر ٍ يركض ورى الأحلام والأحلام تهرب من يدينه ! دوري عنّه دخيلك فـ المرايا .. في وجيه أحلىالصبايا ! في النوايا ! في الزوايا ! في الهدايا ! فـ الزهور اللي تحبّك .. فلها مع ياسمينه ! دوري عنّه دخيلك في صباحك ! في دموعك .. وانشراحك ..! وسط حزنك ! وارتياحك .. وسط دفتر مل مننزفه ومن دمعات عينه ! دوريه ..! فالوجيه اللي تنادي فالغيابات الوجيه ! فالحنين اللي أبيه وفالأنين اللي يبيه ! ولابكى حزنه عليه ! ولابكيتي تذكرينه ... دوريه ! في عيون أطفال مرّوا ... وابتسامه ! وسط صمته .. لاجفا صوته كلامه ..! وسط دفترك الحزين .. يوم كنتي تكتبينه .. يوم صرتي تشطبينه ! دوريه .. لاغفى سمعك على صوته ونام ! فـ السكوت وفـ الكلام ! فـ الحمام اللي بصدره يوم طيّر لك حمام ! في ملامح صبح بارد كان بيدك تشعلينه ! أسألي عنه .. يدّينك ! واسألي بينك وبينك.! كيف مرّ فـ يوم عينك لين مات احساس عينك ! وانتي عينه !! ياحزينه .. !http://www.funytime.net/vb/images/estefham.gif . . و... آتنفّس رغم هذا الضيق في صدر المدينة ..! وآتبسّم حتى لو مابه ..... عصافير وأغاني ! وانتي أنتي .. مثل ماأنتي ..ولكنّك حزينة ! تربكين الدمع ويل الدمع من ضيق المحاني ! صح أنا مااخترت اكون إنسان يمكن تعشقينه ! بس انا ماخترت أكون إلا معاك انسان ثاني ! كنت اقول البحر ماينشد عن هموم السفينه ! صرت أقول اللحين دلوني على وجه المواني ! آه .. واللي خالق ٍ بي صوت يصعب تسمعينه ! ماقطفتك ( لحظة ٍ حلوة ) من أغصان الثواني ! أشبه احساسي ولاأشبه هذاك اللي ... تبينه ! شاعر ٍ من ضعت عندك ضاع يوم إنه لقاني ! أشبه اللي مرّ في صدري وانا مدري حنينه مثل هذا الفرح ..... هذا الجرح لامنّه بكاني ! أنسكب لك شي مثل المي ! يمكن تشربينه ! وارتوي بك شعر.. مثل الشعر لامنّه .. دعاني ! مثل هذا الحزن هذا الحزن لامرّ بـ سكينه ! مثل هذا النور مثل شعور من يدّي .. خذاني ! مثل هذا اللي يدوّر في يدينك .. عن يدينه ! مثل هذا اللي يمرّ اللحين كل اللي .. قراني !! مثل هذا اللي يحث خطاه ماتلحق .. سنينه ! مثل هذا اللي تشوفي كيف لو شفتيه جاني !http://www.funytime.net/vb/images/estefham.gif شاعرك لو ماتنفّس ضاق به صدر المدينة شاعرك لو ماتبسّم .... كان مارفّت أغاني ! أفتحي قلبك وشوفي وش ورى دمعات عينه يمكن تحسيّن باللي ماقوى ... ينطق لساني ! لايمر ّ الحزن مثل اللي يمرّ .. وفي يمينه ! قلب ماتنبض سنينه مثل .. نبضات الأماني ! من يقول الصبح هذا صبح ! واشياءه حزينه ! من يقول الناس مثل الناس ماحس ّ بحناني ! الحزن ماهو مثل ماشعر واحسّك .. تشعرينه ! الحزن لاجيت ادور لك وانا اجهل مكاني ! . . ياحزنها ! رتّل معي تنهيدتي لاجف ّ فوقي مزنها ! . بركات الشمري ::::: |
رد: ياحزنها :::::
أمير بطبعي
رااااائع ما طرحت اهنيك على طرحك المميز الذي استوقفني كثيرا تحيـــــــــــــــــــاتي |
رد: ياحزنها :::::
صح بوحك وصح نزفك طرح مميز واختيار رائع تحياتي |
رد: ياحزنها :::::
كاترينا
عطرك انفاسي منورين المكان شاكرلكم تواجدكم وتعليقاتكم |
رد: ياحزنها :::::
يعطيك الف عافيه طرح مميز ودي ــا~" |
رد: ياحزنها :::::
انتقاااء مميز ..من شخصيه هاويه لشعر وقواافي القصيد
دمت بود ورودهـ |
رد: ياحزنها :::::
رووووووووعه
يعطيك العافيه على هذا الطرح الجميل ماننحرم جديدك وتواجدك تقبل طلتي |
All times are GMT +3. The time now is 08:57 AM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا