منتديات كلك غلا - ياللي تبي بعض النصائح والامثال..

منتديات كلك غلا (https://www.klk-gla.com/vb/index.php)

- ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)

- - ياللي تبي بعض النصائح والامثال.. (https://www.klk-gla.com/vb/showthread.php?t=33278)

ياللي تبي بعض النصائح والامثال..

ياللي تبي بعض النصــائح والامثـال
..............، من شـاعر نفسـه مايامن جهلـــها

عمـره صــغير وعاش في الوقت رحال
..............، وسود الليالي غرته طول املها

وده يعدل ميلت الوقت لامـــــــــال
..............، وده بأمور واجــده مــــا وصلـــهــا

لكني ي نشــاد في الحــال في الحاال
..............، أخذ العلوم اللي يفيدك مثلهـــــا

لاتنهر السـائل ولاتكفـح الفــــــــــال
..............، وأن مرتك زله رفيـق احتملهــا

لاتنـــطح الجـــــاهل ولاتـطرد الذال
..............، وأحذر هـذور السالفه لانقلــها

ودور بفعلك مع هل الطـــيب منزاال
..............، واليـا جفتك الدار دور بدلــــها

وإْن جيـت في مجلس خصومات وجـدال
..............، أحذر حماقات النفـوس وزعلها

خلك على الصـــامت ولو عال من عـال
..............، وان شـاوروك فكلمــت الحـق قلها

وإن حدتك بقعاء من الجـال لـ الجــال
..............، مايرتكي لـ حمــولها الا جمــلها

أنص الرجـــال اللي لهم ذكر وأفعــال
..............، والي نقض عسرات الاريـاء فتلها

كم طيـب حظه شكى قله المـال
..............، ومدت ضعيف الرابعه ماقبلــــها

وكم شـيخ قــوم شـيخته شيخت ريـال
..............، أبطت مجالس عزوته مادخلها

وكم شـيخ قـــوم يرخص المـال والحـال
..............، وأن مالت الكفـه بربعـــه عـدلها

الرجل يبقى ذكر مع كل الاجيـــال
..............، ولا النفــوس تمــوت لاحــــــــان أجلها

ومامات من خلف ورى مــجده عيال
..............، أن كان ربي بــ الهــدايه شملهـا

وبنــت الرجـال اللي عطوهـــا لك رجال
..............، لاتستهين بهــا وتجـحد عملهــا

أن كـان جازت لك على قـدر وجلال
..............، احفـظ لها المعروف وأسمـح زللها

وأن كان ماجازت على كل الاحـوال
..............، بنت الرجـال استـر لها بيت اهلـها

للشآعر / فهد القحطآني .~