منتديات كلك غلا

منتديات كلك غلا (https://www.klk-gla.com/vb/index.php)
-   ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)
-   -   ماني نبي الله سليمان يا طير (https://www.klk-gla.com/vb/showthread.php?t=63279)

نواف 04-06-2023 03:41 AM

ماني نبي الله سليمان يا طير
 
ماني نبي الله سليمان يا طير
أنا مسافر وأنت ضعفك دعاني

ودي أخدمك بس لو قمت بتطير
لذلك اسمع قبل لا أبرح مكاني

أرزاقنا بيدين واللي التدابير
وهقواتنا وراء سهيل اليماني

صحيح طحت وقمت واقدامي تسير
لكن قسم بالله لازلت أعاني

اللي عطيته خير ما جابلي خير
واللي معلمه الرمايه رماني

غنيت له من غاب عني مقادير
وراح ونسى غاليه ذاك الأناني

طول وسجلته على الكشف تاخير
يمكن حداه العارض اللي حداني

لكن مواري صدته هالسنة غير
ولا قبل لو زعل رد بثواني

معقولة إنها قصة الدلو والبير
بعد استباح حدود عوج المحاني

ومعقولة إن اللي حصل كان تخدير
يبغى ينسيني وراح ونساني

لكن على ما قيل يالله عسى خير
مالله كتب لمواصله عمر ثاني



All times are GMT +3. The time now is 01:47 PM.

Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا

This Forum used Arshfny Mod by islam servant