قصيده حفظتها عن ظهر قلب
بسم الله الرحمن الرحيم
هذه القصيده أخواني حفظتها عن ظهر قلب لمافيها من معاني جميله وعاطه رقيقه ولن أطيل الكلام انتم أقرؤوها وأعطوني رايكم بها البارحة كن الفضاء غرفـة انعـاش وانا المريض الـي حياتـه كسيفـه والهـم ذيـب ٍ للمعاليـق عـراش والقلب شيخ ٍ واعضم الحزن ضيفه واليا نشدنـي واحـدٍ قلتلـه مـاش مابـه جديـدٍ للقـديـم بنضيـفـه ياليتها ضيق ٍ فـالأرزاق واعتـاش اعتاش لو ما القى بعمري وظييفـه وليت السبب حب ٍ للأطراف رعاش كـم ٍ وليـف ٍ ماحصلـه وليـفـه مير البـلا لاشفـت للديـن نهـاش امن النفـوس الحاقـدات الضعيفـه ومن عادتي لا جبتها جبتهـا كـاش والي زعل يزعل على كيف كيفـه هذا جوابٍ عاجل لطـاش ماطـاش يخزي وجه ناصر ويخـزي حليفـه مانقبل الصـوره بتفكيـر حشـاش لأهل القلوب الطاهـرات الشريفـه لا عاش من يشتم هل الدين لا عاش ولا عاش من يشهر على الدين سيفه ذولا هل التوحيد يالغـادر الغـاش ريفك وريف الي خذا الوقت ريفـه اقلوبهم بيضا وابيض مـن الشـاش وافعالهـم عنـد المعـادي كليفـه ذولا رجال الدين يا*** الاحـواش الله مكرمـهـم بمـلـه حنـيـفـه ولا انت ضايع بايع الديـن ببـلاش بصيرتـك بيـن البصايـر كفيفـه بكره ليا جتك المنيه علـى فـراش ومرت حياتك قدم عينـك عصيفـه وحسيت في روحك تراقى مع الجاش ودموع عينك فـوق خـدك ذريفـه عرفت بأنك مرتكيلك علـى قشـاش وانك ضلمت اهل القلوب النضيفـه في وقتها مالك من الموت منحـاش بيحاسبـك راع العـدل والنصيفـه ولحدن بمرمش لا توفيـت برمـاش جيفه ومن يبكي من النـاس جيفـه؟ ان عشت يا خفاش وان مت خفـاش مايفقـدك غيـر العقـول الخفيفـه وختامهـا مانـي بجايـك برشـاش لأنا بحكم اهـل السيـوف الرهيفـه مير افهم الموضوع ياطاش ماطاش واترك تفاهـات اليهـود السخيفـه للامانه منقوووووووووووووووووووول |
قصَيدهـ رآئَعهـ
يسلمو فآبريَ تقَبُل تَوآجُدي |
صادق الشاعر نايف لأن طاش فيه أستهزاء بالدين
يعطيك العافيه فابريجاس على النقل الرهيب تحياتي لك،،،، |
الله يسلمك حنو وأسعدني مرورك الجميل وأشكرك أخوي القناص على ردك الرائع
|
قصيدة رائعه كروعه صاحبها
تسلم يمناك يااخوي دمت في حفظ الرحمن |
يعطيك العافيه أخوي الحنون على الرد الجميل ماننحرمش منك
|
شكلك من كثر ماتسمعها بالجوال حفظتها هههههههههههه
قصيده قمة بالررروعه والارووع كاتبهااا يعطيك العافيه على النقل الراائع |
يعطيك العافيه عذوبه على الرد والتوقع الصحصح دمتي بود
|
|
يعطيك العافيه أخوي قول وفعل ع الرد الجميل
|
All times are GMT +3. The time now is 09:40 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا