|
سيارتك بشارع الإعتراف ..
السلام عليكم ورحمة الله وبركاته
مساكم الله بالخير صبحكم الله بالخير <<< كلن بوقته الموضوع هو عباره عن اسئله تطرح للعضو المرشح والرجاء من الجميع المصداقيه في الاجابه ملاحظه / كل واحد يرشح من يدور بالموتر بعده ( قصدي يجلس بغماره الإعتراف ) هع:D نبدا بالاسئله 1/ وش هـــي سيـــارتك ووش لونــــــــــها ؟ 2/ وش نــــوع كفراتك ؟ 3/ تحب التعديــــل .. اذا نعم وش عدلت في سيارتك ؟ 4/ قد فحطت بسيارتك؟ 5/ آخر مره غسلتها ؟ 6/ مــــن علمك السواقه ؟ 7/ اول سيــــاره سقتها ؟ 8/ اول سيــــاره لك ؟ 9/ اول مكان رحت له بسيــــارتك ؟ 10 / اول حادث صار لك ( وان شاء الله مافيه)؟ 13/ ويــــن توقف سيارتك فيه داخل البيــــت ولا في الشــــــارع ؟ 14/ شـــخص ودك دايـــم يجلس معك قدام ؟ 15/ آشخاص ودك دايـــم تطــــلع معهم ؟ 16/ لـو أحد طلب سيارتك يروح فيها مشوار قريب تعطيه ولا لا ؟ 17/ احسن وأشين شي في سيـارتك ؟ 18/ بنروح رحله بسيـــارتك مين تختـار من الاعضـاء يركبـون معك ؟ 19/ سياره تحبها ؟ ...... سياره تتمناها ؟ 20 / سياره لفتت انتباهك من سيارات الأعضاء ؟ انتهت الاسئله وأول عضو يرد بعدي طبعا يقول رايه باللعبه بعدين يختار العضو اللي يجلس بغماره الإعتراف ..:p تحياتي مـنـقـول |
يعطيك العافيه عذوبه
ع الطرح الرائع متحمسه اشوف الردود تقبلي وجووووووودي |
غيبتك يالغلا طيب اختاري احد
:) |
تسلمي عذوووبه على الطرح الرائع
فكره حلوه مره احس ان غيبتك بتختارني واحساسي مايخيب ابد :) عشان كذا ببداء انا خخخخخخ تحياتي لك عذوووبه تقبلي تشطيفي ،، |
1/ وش هـــي سيـــارتك ووش لونــــــــــها ؟
سيارتي كامري اسود 2/ وش نــــوع كفراتك ؟ ميشلان 3/ تحب التعديــــل .. اذا نعم وش عدلت في سيارتك ؟ لا 4/ قد فحطت بسيارتك؟ احياناً خمات يعني :) 5/ آخر مره غسلتها ؟ قبل 3 ايام 6/ مــــن علمك السواقه ؟ اخوي نوعاً ماء الاغلبيه اعتمدت على نفسي 7/ اول سيــــاره سقتها ؟ سيارة جيب للوالد 8/ اول سيــــاره لك ؟ نيسان 200 إلـ 9/ اول مكان رحت له بسيــــارتك ؟ بيت خالي :) 10 / اول حادث صار لك ( وان شاء الله مافيه)؟ هما حادثين بس الحمد لله الاول صدمني هندي على السياره اللي تشيل البلاط الرافعه :) 13/ ويــــن توقف سيارتك فيه داخل البيــــت ولا في الشــــــارع ؟ عند باب البيت ومظلات السيارات عندنا محد يوقف فيها ديكور بس هههههههههه 14/ شـــخص ودك دايـــم يجلس معك قدام ؟ قناااااص 15/ آشخاص ودك دايـــم تطــــلع معهم ؟ قناص ومبارك وعبدالعزيز ومحمد هههههههههههههههههههه 16/ لـو أحد طلب سيارتك يروح فيها مشوار قريب تعطيه ولا لا ؟ مو اي احد اذا خويي عادي تفداه واحد مااعرفه مااعطيه 17/ احسن وأشين شي في سيـارتك ؟ احسن شي فيها انها ماتروح للورشه اشين شي ان اغلبية اللي يستخدمونها مراهقين 18/ بنروح رحله بسيـــارتك مين تختـار من الاعضـاء يركبـون معك ؟ قناااص الغلا مشغول في حاله رفقاء الدرب :) واذا فيه احد بيروح غيرهم يدفع الله لايهينه خخخخخ 19/ سياره تحبها ؟ ...... سياره تتمناها ؟ سياره احبها لكزس سياره اتمناها مافي بالي شي مليت من السيارات ههههههههه ابي ناقه :) 20 / سياره لفتت انتباهك من سيارات الأعضاء ؟ سيارة قناص سيارة المغامرات الصالون خخخخخخ اختار بعدي قنااااص اركب <<< يفتح الباب لقناااص :) |
هههههههههههههههههههههههههههههههههههههههههههههههه
حلووووووووووووووووووه الي بيروح معك يدفع انا ابروح اوب دافعه شي بانتظارر قناااصوووه |
موضوع جميل جداً وتشكرين عليه عذبه
واشكرك وحيد على هالنكبه اللي حطيتني فيها هههههههههه بسم الله نبداء 1/ وش هـــي سيـــارتك ووش لونــــــــــها ؟ جيب سفاري لونها ذهبي 2/ وش نــــوع كفراتك ؟ ههههههه عاد توي مركبهم بس مدري وش نوعهن 3/ تحب التعديــــل .. اذا نعم وش عدلت في سيارتك ؟ على حسب اذا شي حلو أعدل 4/ قد فحطت بسيارتك؟ أيام زمان كنت مسوي سعد مرزوق على غفله ههههههههه ايام المراهقه بس اللحين عاقل ههههههه 5/ آخر مره غسلتها ؟ البارح فالليل 6/ مــــن علمك السواقه ؟ من رصيف الى جدار الى شجره لين تعلمت من كيفي هههههههه 7/ اول سيــــاره سقتها ؟ وارد العراوي ههههههه ددسن 8/ اول سيــــاره لك ؟ بعد ددسن هههههه 9/ اول مكان رحت له بسيــــارتك ؟ شعيب النخيل هههههههههه والله ماذكر اللي بالامس تبون اذكر اللي قبل سنين هههههههههه 10 / اول حادث صار لك ( وان شاء الله مافيه)؟ أول حادث لي على سيلرة عمي وكنت توي متعلم ورايح أودي أخواني للمدارس هههههههههه ونزلت أختي الاخيره عند مدرستها وديورت بسرعه بدون انتباه والا صوت البريك هههههه ويقشعني هاك القشعه ويطلع واحد من جيراننا هههههه بس الحمد لله سالمين كلنا. 13/ ويــــن توقف سيارتك فيه داخل البيــــت ولا في الشــــــارع ؟ اذا كنت مستعجل أو باخذ شوي واطلع اوقفها برى واذا كنت بنام او ماني برايح مكان اخليها داخل وبعدين انلحست من السؤال العاشر الى 13<<واحد مدقق هههههه 14/ شـــخص ودك دايـــم يجلس معك قدام ؟ وحيــــد المزاج 15/ آشخاص ودك دايـــم تطــــلع معهم ؟ اذا طلعات للبر بآخذ وحيد ومجبور ورومانتك والباقين اللي مافيه امل يطلعون للبر ههههههههههه 16/ لـو أحد طلب سيارتك يروح فيها مشوار قريب تعطيه ولا لا ؟ أكيد مثل وحيد اذا خويي بعطيه واذا ماعرفه لا ههههههه 17/ احسن وأشين شي في سيـارتك ؟ أحسن شي فيها أنها ماتغرس فالبر هههههههه وأشين حاجه فيها السي دي خربان خخخخخخخخخخخ 18/ بنروح رحله بسيـــارتك مين تختـار من الاعضـاء يركبـون معك ؟ ماخلي خوياي ههههههه وحيد والغلا ومشغول بس اذا احد بيركب الله محييه<<مسوي أخلاق هههههه 19/ سياره تحبها ؟ ...... سياره تتمناها ؟ وهل يخفى القمر ((بنوراما)) اتمنى العافيه والسياره مو اهم شي ههههههههه 20 / سياره لفتت انتباهك من سيارات الأعضاء ؟ والله بصراحه كل سيارات الاعضاء حلوه ومافيه شي لفت انتباهي بس اللي احبها سفينة نوح ((سياره ملقبينها كذا)) هههههههه وللمره الثانيه اشكرك عذبه على الطرح الرائع واشكرك وحيد على النكبه وأختار من بعدي يالبى قلبه تعبت الظلم وأجحافك هههههههه |
أشكرك عذوبة على هالموضوع وأشكر أخوي القناص على إختياري / وش هـــي سيـــارتك ووش لونــــــــــها ؟ فورد أخضر 2/ وش نــــوع كفراتك ؟ والله الظاهر ميشلان مالي خلق أنزل للسيارة اشوف الفاتورة 3/ تحب التعديــــل .. اذا نعم وش عدلت في سيارتك ؟ لا والله أنا مهمل شوي وماعدل إلا إذا خربت 4/ قد فحطت بسيارتك؟ أذكر زمان فحطت وقعدت السيارة تلف بي لف الله لايوريكم ولاوقفت إلا على لفة واقف عليها أخوي الكبير ومسكني وسوى بوجهي مسرحية وللحين ماسك نفسي 5/ آخر مره غسلتها ؟ قبل يومين 6/ مــــن علمك السواقه ؟ أخوي علمني في البدايةوبعدين تعلمت من نفسي 7/ اول سيــــاره سقتها ؟ برضه سيارة أخوي كانت هايلكس 1991 8/ اول سيــــاره لك ؟ هايلكس 9/ اول مكان رحت له بسيــــارتك ؟ والله ماذكر بصراحة 10 / اول حادث صار لك ( وان شاء الله مافيه)؟ كان زمان أول حادث خفيف كنت أنا ونواف رايحين للبر وكنت مسرع وفقدت التوازن بالسيارة وطمرنا على زبرة تراب تكرمون وبالموت نزلناها وبعدها توالت الحوادث هي حادثين الثاني برضه انا ونواف عمود كهربا فكك لحياني ورجع سنوني اللي قدام لحد حلقي والحادث الثاني كان برضه عمود كهرب (( تخصص مواصير كهرب )) وفي هالحادث بغيت أودع الدنيا بس ربكم ستر والحمدلله ومانسيت للحين كان ليلة عيد الفطر 1420 وجلست في المستشفى 16 يوم 13/ ويــــن توقف سيارتك فيه داخل البيــــت ولا في الشــــــارع ؟ لا بصراحة في الشارع 14/ شـــخص ودك دايـــم يجلس معك قدام ؟ بصراحة الكل على الراس والعين مافيه أحد اتمناه معين 15/ آشخاص ودك دايـــم تطــــلع معهم ؟ والله كثير وبالأخص أصدقائي إلا القناص إذا كان بيروح للبر لازم ياخذ شهر يحاول فيني ههههههههههههههههه 16/ لـو أحد طلب سيارتك يروح فيها مشوار قريب تعطيه ولا لا ؟ أكيد بعطيه ومن طيب نفس 17/ احسن وأشين شي في سيـارتك ؟ مافيه بصراحة شي أحس إنه مميز الا هاليومين توي مركب سي دي عقدني المسجل خرب وغيرته وماشوف بصراحة شي شين يخليني دايم مركز عليه 18/ بنروح رحله بسيـــارتك مين تختـار من الاعضـاء يركبـون معك ؟ طبعا أصدقائي القريبين والجميع على الراس والعين حياكم وبالخصوص عذبة شكلها حاطه الموضوع تبي تروح تفرفر يالله بناخذك ولاتزعلين ههههههههههههه 19/ سياره تحبها ؟ ...... سياره تتمناها ؟ والله انا أحب البي أم دبليو بس ماذكر إني تمنيت سيارة معينة 20 / سياره لفتت انتباهك من سيارات الأعضاء ؟ سيارة القناص سبحان الله لايقه عليه تقول ماصنعوها إلا له أختار بعدي قول وفعل |
ههههههههههههههههههههههههههههههههههههههههههه
اكيد ابي افرفر معكم اجل القناص سيارته لايقه عليه اكيد رقبه مطاطيه له سياره خاصه ههههههههههههههههههههههههههههههه منورررين وبانتظار قول وفعل |
ههههههههههه شفت ياتعبت
السحليه مسويه ماسكه علي شي ههههههههههههههه الحمد لله ان الله ستر عليك من مواصير الكهرب هههههههههههههههههه وننتظر قول وفعل |
| All times are GMT +3. The time now is 05:42 PM. |
Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا