منتديات كلك غلا

منتديات كلك غلا (https://www.klk-gla.com/vb/index.php)
-   ๑۩۞۩๑ للقصائد مـذاق ๑۩۞۩๑ (https://www.klk-gla.com/vb/forumdisplay.php?f=23)
-   -   وداعـة الله مابـقـى للـغـلا روح (https://www.klk-gla.com/vb/showthread.php?t=62896)

نواف 08-14-2020 03:54 AM

وداعـة الله مابـقـى للـغـلا روح
 
وداعـة الله مابـقـى للـغـلا روح
وش حيلتي والعشق ينـزف وريـده


سامح حبيبك وانت معفي ومسمـوح
لكـن طلبتـك تسمـع اخـر قصيـده


قصيدة(ن) خذها على شيـك مفتـوح
من واحد(ن) ماقد نشد عـن رصيـده


فقير مـال ولكـن انـه غنـي روح
ويملـك مفاتيـح الحيـاه السعـيـده


لـو ان قلبـه لاخفـق كلـه جـروح
ولاهو من اصحـاب القلـوب البليـده


يحزن لحزن الناس ويسـج وينـوح
ويفرح لكل النـاس لـو هـي بعيـده


ومن منطلق سـر العلاقـات والبـوح
بعلمـك شـي(ن) عسـى تستفـيـده


يمكن تمرك ساعة الضيـق وتـروح
وتقـول عـدت والليـالـي مـديـده


وانـا اقـزر ضيقـة فراقـك مـزوح
هذي سنـه والعلـم عييـت اصيـده


عقبك قصيدي يسجعه نايـح الـدوح
وعقبـك تـرى ماللشرايـد شريـده


وعقبك لو اخفي ضيقة الصدر مفضوح
كلـه لعيـنـك يالمـهـاة الفـريـده


مضرم عليك ودلـة وصالـك تفـوح
فـي جنبهـا جمـر وتحتهـا وقيـده


والحين تبغى الوصل والا تبـا تـروح
بعد سمعـت اغلـى واخـر قصيـده


All times are GMT +3. The time now is 03:04 PM.

Powered by vBulletin® Version 3.8.9
Copyright ©2000 - 2024, vBulletin Solutions, Inc.
adv helm by : llssll
new notificatio by 9adq_ala7sas
دعم وتطوير نواف ا

This Forum used Arshfny Mod by islam servant