منتديات كلك غلا

روحـي لك اشتاقـت وقلبـي تمنـاك=يانبــض شـريـان الغـلا والـمــوده

نذرت كل العمر بـس همـي رضـاك=يكبــر غــــلاك بداخلــي مـن يـلـده

انتــي أميرة والحسـن مـن حلايـاك=منــك وفيـك الزيـــن ماصـــار نــده

أناأشــهد أنـك مثـل نـور القمـر ذاك=حتـــى القمــر يغــار ليا شاف خـده

لــن القمــر يغيـب مـع دور الأفـلاك=وخــــدك يشــع بكـــل وقـت ويـرده

اعيش عمــري كيــف ماكـان ويـاك=لك الغــلا والحــب والشــوق حـــده

ومهما إبتعدتي يا حياتي أنـا أبغـاك=لو طـال جـزره لازم يجيـب مــــــده

إن غبتي عني داخل القلـب مرسـاك=بصدري سكنتي يا الغلا ولـك مـرده

أرخص حياتـي كلهـا مـن فدايـــــاك=وصرح ٍ بنيتـه داخلـي مـن يهــــــده

لايــطول ياعمــري عذابـي بفرقـاك=ماصار قلبك ضـد ولاصـرت ضــــده

نـاديت لك في عالـي الصـوت أرجاك=سمعني كل اللي سكن بأرض جده

علي تدلع ما سمعتيني وش جاك=مايقطــع حبـال الوصـــل كـود شـــده

شوقـي ينــادي يالحبيبــه و ينخـاك=قلبي مــكانـك منـهـو غــيرك يسده