منتديات كلك غلا - بخرج عن النص..واليله بخربها

طيب تعالي بقول الشعر لعيونك
بخرج عن النص..واليله بخربها

جمر الشفايف..وثلج البرد بسنونك
وسود النواظر تباها في هدايبها

بالشرمحي ..من سنه من دهر مجنونك
ياويل قلبي ..على فلت ذوايبها

صدرك يبين هيام وشوق وظنونك
تبي حصانً يجي يمك يهذبها

كل العذارى على حسنك يحسدونك
من حقدها شف من الغيره لهايبها

ثقل الردايف على ممشاك ينخونك
من مابها خطوتك بانت تعايبها

والخصر كنه محل ويطالب مزونك
يرجي سحاب المطر تلفي هبايبها

لك في خفايا خفوقي ناس ينعونك
تبكي من الشــوق..ومجافا حبايبها

ياليت لي قلب..يقوى قاسي طعونك
ماكان عيني شكت لك من عطايبها

حسبي على اللي وقف من دوني ودونك
وخلا دموعي ..تحدرلك سكايبها

لا مر ذكرك بيوت الشعر يهوونك
جت لك جحافل غلاها مع كتايبها

أفواج حبري على القرطاس يهدونك
روحً..جسدها تعلت لك نصايبها

خذها حلا لك وكل البيض يفدونك
هي عند بابك ..ترجل عن ركايبها

وداعتك حطها في وسط ..مكنونك
وحفظ غلاها..كمآ روحك سويبها

http://www.guryat.com/vb/images/smilies/hrt.gif