مرت ايام السعاده مادريت
انها لحظات من عمر السنين
غافلا فيها وفي دربك مشيت
واخر المشوار صرتي تكذبين

يا ماخذ الدنيا وساعة صدر .. ومزاح .. وضحك
علمني كيف اتخلص من الضيق واضحك وابتسم
لا صرت ما تلقى صديق ٍ يحتويـك وينصحـك
في وقت ما تاخذ به امْن الأصدقا .. غير الإسـم
تخيّل إنك فـي مكانـي وانـت كـل ٍ يجرحـك
والهم (كسرة خبز) ما بينك وبينـك .. تنقسـم
والناس حولك تذبحك .. من زود ماهي تذبحـك
ما باقي الا يوسمون الطعن في ظهرك .. وسـم
وان جيت تشكي قالوا: اسكت بس والله يصلحك
الجرح جرحك .. والبلا بلواك .. والأمر انحسـم
والصبر لو ما كل جنب ٍ في منامـك .. ريّحـك
البال ماهي راحته من راحة .. اعضاء الجسـم
ولاّ انت يومك رحت تشكي وش معاك ومربحـك
من واحد ٍ بالعجـز وانـواع التخـاذل ..يتّسـم
يقسم لك إنه لو درى في ضيقتك .. ما يفظحـك
والمشكله يمشي ويفظح فيك .. ويضيع القسـم
تفرض عليه المصلحه .. لو ما يذمك .. يمدحك
يعني كأنه لوحةٍ حسـب المصالـح .. ترتسـم
وتضيع ما تدري من اللي لا نخيتـه .. يمنحـك
الوقت صكاته كثيـر .. وطبـع صكاتـه دسـم
والقهر .. لامن جيت تفرح .. ما تلاقي مطرحك
في عالم ٍ من ضيق صدر اهله .. تدوّر للنسـم
فإن ضاق صدرك وسّعه ياشيخ .. واقلبها ضحك
معك الحياه بتبتسم .. بس إنت الاول .. إبتسـم

اسجل حضوري بهالابيات


من يوم حاكيتـــه وأنا ميته فيه
..........صدفـــة بلا ميعـــاد قصة غلانـــا



دوم أتصبر وأحسب الوقت وأجيــه
........ودي أسولف لـــه ولاأحد معانـــا



أصغي لكل ما يقولـــه ويحكيـــه
........والوقت يجـــري ولانحسه خذانـــا

قد قال أبوي اللي على نهجه مشيت ولا إنحرفت
كن أولا وإترك مكان اللي يلي للي يلي

من كثــــــــر صدماتي في عزيزين...........صرت انتظر صدماتي من ظلالي

اللي يبينا عيت النفس تبغيه

واللي نبيه عيا البخت لا يجيبه ..