منتديات كلك غلا - مــآعاد له في هاتفي رمز وارقام

مليت من دنياي والحظ ماقاام
حظٍ بلاني فيك مالله يديمــه
اخر مشاوير الليالي والايام
سيطر علي الوقت غدر وضليمه
هذا السنه والعام واللي ورى العام
ماهي مثل باق السنين القديمه
سجيت عن نفسي وعانقت الاحلام
مغرم وياقرب الغريم لغريمه
بالحب يوعدني وانا اقول قدام!!
الجــو صـافي والنوايا سليمــه
كم يوم لجل ارضيه سجيت الاقدام
الحب شامخ والمشاعر عظيمـه
وامن الوفى خليت قلبي له اقسام
قسم ٍ غلااا والقسم الاخر حشيمه
ولا صحيت الا وانا بين الالغااام
ثلاااث مافيهن رحوم ورحيمـه
الحب والفرقى تقل طعنت احسام
طيحـه عواقبها عليـه وخيمــه
وحزنٍٍ لو أنه يسكن عيون الايتام!!
كان الحياه امن السعاده يتيمــه
استرجع الذكرى مثل عرض الافلام
والقى التعازي وأنتصــآر الهزيمه
قلبي سجين امع الروابع والاوهام
الجرح ينزف والمشاعر عقيمــه
غيري يضيق ويسهر شوي وينام
الضيق لحظه والسعاده مقيمـه
وانا بعيد امن الملذات ما دام..
اللي يغطيني من الحزن غيمه
براقهااا فيـه المأآآسي والالآآم
ويـصرخ رعدها بالجروح الأليمــه
......
مــآعاد له في هاتفي رمز وارقام
ولا عـاد للجوال والرقم قيمـه
قولو . له اني قبل لاعرفك عزام
ولا عاد باقي منك صبـر وعزيمـه
وش لون من حبك تهجره وينضـآم!!
ترضي متاهات الزمان وتضيمـه
واللــه ما ارجي غير خلاق الانام
كيف ارتجي من باعني بالنميمه !؟؟
صحيح لا زال الغلا فيك لــزام
لكن تمنعني كرامـه وشيمـه
ترى سواتك في تعذيب وإجرام
مـع إني ادري ما انت قد الجريمه
خليتني بين الروابع والاحلام
الجــرح يصرخ والمشاعر عقيمه
حتى خذيت دروس من روس الاقلام
اللي من الواقع عطتني قسيمه