منتديات كلك غلا - ليتك تفهمين

ليت لي قلب نفس قلبك
يقسى
يجرح
يطعن
ليتني كنت نفسك
انسى العشره
اقسى
اعيش حياتي
من غير الانسان اللي سكن روحي
تدري وش اصعب شعور ؟:
لما اكون وفي ومخلص لك وصاين حبك
وتعتبرني انسان اتعجب فيك وبحبك
والشعور اللي يجرح و يذبح ؟
اني ميت فيك واعتبرتك كل شي بحياتي
وانت تعتبرني ولا شي بحياتك
راح مني اللي كنت اعتبره كل حياتي
راح مني اللي كان كل احلامي وامالي
راح مني ولا جبر خاطري بكلمه
راح مني ولا راعا شعوري
راح ولا حاس بحرقة قلبي
راح عني وروحه باقيه بروحي
خلاني مع الذكريات عايش
و صرت من دونه وحيد مع الذكريات والامي
ما كنت اظن انك تبيع العشره اللي بيننا
ماكنت اظن يصير يوم حبنا اهو يوم فراقنا
وين الوعود اللي كنتي توعديني فيها ؟
- تبقين معاي طول العمر ومحد يفرقنا
- تكونين ي و محد ياخذج مني
- اكون بقلبج ومحد مشاركني
وين الكلام اللي كنتي تقولينه ؟
وين راح وعدك انك ما تروحين عن عيني ولا دقيقه
وين وعدك انك ماتنسيني لو شنو كانت الظروف اللي تحدنا على الهجران؟
وين الوعد انك ما تبيعين العشره اللي بيننا ؟
تركتيني في هالدنيا اللي
عذبتني جرحتني طعنتني
كان كلامك انك ما تتركيني اعيش الدنيا لوحدي
اهديت لك روحي وقلبي وعمري و حبي
وانتي اهديتيني هم والم وجراح
ما صرتي تذكريني ليش كل هالقسوه يا اغلى من روحي
تمنيت الموت و انتي بعيده عني
صرت ااكره اتعايش بهالدنيا من غير شوفتك واسمع صوتك
وين الوعد يا نظر عيني والوفا والاخلاص وين راحوا