منتديات كلك غلا - قصيده لمساعد الرشيدي اخترتها لكم

كلك تعــــــــالي غلا ولا ارجعي كلك
بعـــض الغلا منك ما يستاهل الجيه

طالت وانــا في رجــــا ليتك ويا علك
اوراق بالـــــذكرى و اوراق منسيه

ما بــل ثوبك مـــطر شـوقي ولا بلك
لو علتك من سحاب الـروح وسميه

ليه امشي الدرب دامـه ما يوصل لك
تخاف رمضا الضياع اقـــدام رجليه

يا بنت تو الهـــوى ما صرت انا خلك
للحين ما زالت الصـــــــوره رماديه

ومازال بعض الغموض الشره يحتلك
وشلون انا اعشقــك على الــــــــنيه

اشـــوفك هنــــاك قدامـــــي ولا ادلك
صعب الكتابه ليــا صــار الورق ميه

ان كان شـــمسك تساومني على ظلك
ما عــــاد ابي منك لا شمسٍ ولا فيه

امـــا تـــــعالي لــقلبٍ فـــــزلـك كــلك
ولا اتركيني ما ابـي لك بالهوى جيه

.. .. .. ..كبوة حصان

لا عــاد تـــنشد ما بـقى عـــــندي علوم
كـــــل العلوم المبـــــطيات تــخبرها

ما جــــــــيتك اشكي ميلة الوقت مزحوم
نفســي ليا ضاق المدى ما اخسرها

ياصاحبي كنت امس كنت امس محشوم
واليــــــوم هــج بجيتك واختصرها

خـلــك بعيد ابعد من العــــــــــام للــيوم
وادنى من احـــلام النجوم وقمـرها

بعــض الكــلام اللي تحــليه مســـــموم
وما كــل كـــف صافحتك تغــــدرها

كــــم طــيب ســــــاقـته الاقــدر لرخوم
ويا كــثر ناس تــنخدع في صورها

والحــر ما يشــــره على خـــنعة البـوم
الله رفع شـــانه ووطا قـــــــــدرها

لــــــو جــيتني كنك على الوجه ملطوم
بعــض الخـطايا عذرها مـا غــفرها

عنـــدي تساوت هرجــة العــذر واللوم
هــــذيك ما ابغاها وذيـــك احتقرها

زلــه وعـــدت ما حدتــني عــــن النوم
مرت ســلام وبـعد الله كـــــــدرها

انــا اعتبرها كبـــوة حصـــــــان ويقوم
وانت اعــتبرها زي مــا تـعتــبرها

.. .. .. ..

راعي الجرح