يابنت يالي من ورا العام تبكين = لا ترتجيني راح قلبي نساكي
اذكر زمان آقف على الباب تكفين = ردي علي وتعشقين اهتلاكي
واروح مزري وانت تضحك وتسلين = منك لقيت الهم ما اقوى شقاكي
لعبت بافكاري وشتتني لين =صاب الضلوع العوج منك ارتباكي
مغير اهوجس وين ووين وبعد وين = القاك واضحك معك واملك غلاكي
واثري عليك ارخيص ولكم محبين = دون الحشا حطيتهم لك مراكي
غروك بالضحكه وحطو سكاكين = في وسط قلبك يطعنون بحشاكي
حتى رجعتي بين ذكرى وتحزين =ولا عليك الهم ساكن خفاكي
تبغين صاحبك المعنى وذا الحين = يرجع عليك وصعب يرجع معاكي
ماني من الي يتركونه لبعدين = عافك ضميري يوم حس بدهاكي
خلي من اغواك وتفنن ابتزيين = وجهه عليك ايفك عظمى بلاكي
الصاحب الي معه رحتي تشاوين = حتى بلاك وسم غدره غشاكي
لا ترتجيني لو بكيتي ترى سنين = عافك ضميري مايدور ولاكي