ياللهّّللشاعر سطام الشلفانّّ!!

[ذات الشهد]

http://sphotos.ak.fbcdn.net/hphotos-ak-snc1/hs117.snc1/4856_1170502946516_1346255408_454337_6478007_n.jpg (http://www.facebook.com/photo.php?op=2&view=global&subj=86688007840&pid=454324&id=1346255408&oid=86688007840)



رآآآئعه جديدهـ من روائع شاعري سطام الشلفان التميمي ,,



يالله ياللي تجلي الهم والياس ..
يالواحد اللي عالم ابكل طاري .
اعوذبك من كل وسواس خناس..
يوسوس بصدري ..لياجيت ساري .
البارحه سجيت مع كم هوجاس ..
في ليلتن ..والنوم ماله طواري .
ادعي ..لناسن .. واااتحسب على ناس .
حشمتهم اقصت حشمتي واعتباري .
كنت احسب ان الهرج للطيب مقياس ..
واشوف كل الناس واحد ..اثاري !!
الناس واحد ز. لكن العرق دساس .
يكشف لك اصناف اللحى بالمواري .
فان جيت بتراهن ..فراهن على راااس ..
ضاري ولاجت ساعة الجد ..ضاري
شف مدحك الياصار ..ماهو على ساس
مثل الشهاده ..في عيون ..انتحاري .
طهور ياحظي ..ومليون لاباس ..
دام الخطا ..من هقوتي .. واختياري
عفت الرفيق .. اللي مثل باقي الناس ..
اللي لياطاب الفعل .. مايجازي ..
ودرب الغرام اللي بلا طهر واحساس ..
سرن .. يخص اثنين .. والكل داري !!
فيه البنات اللي مثل حب الالماس ..
ماهم جواري بس .. مثل الجواري .
اليا ضعف ايمان ..وازداد الافلاس..
ياماشرف ينباع ..لحساب جاري .
في مجتمع صنفين ..مترف ..ومحتاس
وهذا مهو عن حال هذاك ..داري .
ذا من صباح الله ورى القوت عساس ..
وهذا خلقه الله يقوم العصاري .
وانا ..ذبح صدري ..كثر حبس الانفاس ..
برتاح من صبري واسوق اعتذاري .
ابعتذر لي عن خطا حشمة اجناس ..
حشمتهم اقصت حشمتي واعتباري .
الى متى وانا اصفق اخماس باخماس ..
حتى يميني اشتكت .. من يساري .
طهور ياحظي ومليون لا باس ..
انا الخطا .. من هقوتي .. واختياري


سـطام الـشـلـفـان

http://i34.servimg.com/u/f34/11/89/82/48/31_11417.gif