مدامي ميّته بيدك { تراها أسعد اللحظات }

[الشوق عطري]

على ذِيك الدروب اللّي / مِشت خطواتنا فيها
سرت أحلامنا عجلى وحلّت دونها حسرات


تلاشت ضحكة أحبابي / وجوٍّ كان محييها
توطّن بالحشا فرقا / وزادت بالصدر طعنات


طلبت { إحساس جمّعنا } يرد أيام نبكيها
يرجعنا لذاك النور / ونزرع بالفرح ضحكات

رجيت عْهود يالغالي حسبت إنّا نوفّيها
حسبتك ما تقاطعني وتتركني بدون صْفات

علامك ما ترد الصوت ..! وأشواقك تخبيّها..!!
علامك ما تجاوبني وتقتلني جفا وسْكات

حبيبي كان تسمعني ترى أيامي مجافيها
بعد ما غابت علومك هناها والأمل بالذات

وتخنقني حروفي صمت عجز بوحي يهدّيها
وتغزيني سهامك لين / أجرّ بداخلي آهات

تنطقني دموعي بوح عجز صمتي يداريها
وتفضحني براءة عين ملاها وقتها بدمعات

أنا من غابت طيوفك / وأحزاني أناجيها
أنا من زارني بُعدك كتبتك بالحنين أبيات

أنا في حبنا طفله / وأشواقك تناغيها
وصالك بسْ يرضيني / وقُربك أطيب الحّزات

تعال ونوّر أوقاتي / تعال وعلّتي إشْفيها
تعال وداو لي جرحٍ يزيد بْغيبتك ونّات

وربّي لو تبي عيني فداك العين وراعيها
لإنّك داخلي موطن وشوفك يبري العلّات

فداك الكون وأيامي فداك الروح وإنهيها
مدامي ميّته بيدك { تراها أسعد اللحظات }

[أمير بطبعي]

جميل الشعر لما يكون بتلك العذوبه المتدفقة
خطواتنا بتلك الاماكن الجميله تجاه الآخر


تقبلي وجودي أخت : الشوق مع تحياتي

[الشوق عطري]

الأجمل تواجدك بين أسطري
فهو شرف لي أعتز به ~
دمت أخي ودام حضورك
تحيتي وتقديري ~ْ}

[هيونه الحنونه]

يسلموووووووووو ع الموضوع الرائع
والى الامام..
تقبلي مروري..

ودي واحترامي.~

[الشوق عطري]

يسلمك ربي من كل شر ~
دمتي ودام حضورك~ْ}

[أنفاس الورد]

.
طلبت { إحساس جمّعنا } يرد أيام نبكيها
يرجعنا لذاك النور / ونزرع بالفرح ضحكات

(( مدامي ميته بيدك تره أسعد اللحظات ))


لقلمك ذوق آآخاذ .. ولهذه الابيات البريق الذي يتلالآ ببحر من المعاني والاحاسيس الرااائعه

دمتي ب خ ي ر

اطيب الامنيات

[الشوق عطري]

اشكر لك مرورك يالغلا
دمتي بود~ْ}