قصائد أعجبتني (اهداء للرحال )

[عِطْرُكِ أَنْفَاسي]

السلام عليكم ورحمة الله وبركاته


هذه ثلاث قصائد أعجبتني حبيت انزلها في موضوع واحد وأهديها للمشرف المميز


الرحال وأتمنى انها تعجبه وانها ماتكون مكرره


القصيدة الأولى

تـبـي الـفـراق ,, حــاضــر وأبــشــر بـعــزك

ماطـلـبـــت ,, إلا راحــتــــي وراحـة بــالـــي

تبي تـهـدني ,, لا والـلـــه أنا إللـــي بـهـــدك

ومـــدري بـهـــــدك ,,, ؟! ولا بــهـد حــالــي

مـن عـقـب مـاكـنـت أعشـقــك وأحــبـــــــــك

من عـقـب مـاكـنـت عـزي ورأس مـــالــــي

تهـددني بــالـفـرقا ,, ملعون أبو جد جـــــدك

واللــه لأخـلـيـك والفرقــا أشـــــــــوالي

الـبـــــاب ,, قــدامــــك ومـقــدر والله أردك

والـمـوت قــدامــي يـرأف ,,, بــحــالــي

ياأجـبــرك تــبــقــــى ولا أسويها وأهـــــدك

وبالـحـالـتــيــن الـمــوت وربــي أشــــوالـي

مجـبــور أدوس قـلــبــي قــــدام قــلــــــبــك

مجـبــور أدور عـنـــد غـيــــرك حــــــلالــي

وأنـــت روح وزيـــد وزيــــــد بصــــــــــدك

وأنا لي الله وحظي الأسود وشين فــــالـــي

دام الفـراق أخــتــيــــارك وأصبح بيــــــدك

أنـا بـعـد كــرامــتــي غالية عندي يالغـالي

وإن جاك أحد وقال تــراه لسه يحــبــــــك

لاتصـــدق تــرى مـــاعـــدت فـــي بـــالــي

لاهي ولامية بـنـت ياقـلبـي تــهــــــــزك

وإن راحت جـو غيرهــــا واللــه يصفالـي

تبي الفـراق ,, حاضــر وأبشــر بـعــزك

ومدري أنا بهـــدك ولا بــهـــــد حــــالــي




القصيدة الثانيه

مات الجمر وقلوب الاحباب حيه
والموت لا ماتت قلوب الحبايب

ياشيشتي لو فيك ذنب وخطيه
معاك احس إني عن الناس غايب

العام كانو لي من الاصحاب ميه
وقت الرخا لكن جفو بالنوايب

لاهنت ياقلبن شكا من خويه
كم راس من طعن الاصحاب شايب

مرات اقول ان الخبل ياهنيه
لقيتهم يشكون ظلم القرايب

ومرات اقول النذل لارّحم حيه
واثر النذل في بعض الاوقات صايب

يانفس شيليها على السامريه
شيلة طرب ماعاد فيها طلايب

وشلي بتنبيه القلوب الخليه
وحنا بها الدنيا دروب وركايب

ابا اتغزل في هذيك البنيه
بنت" تفل القلب فل الذوايب

كم بعثرتني وجمعتني هنيه
بنفس المكان الي جمعنا غرايب

ياضعفها معهم وعندي قويه
منها غدا ثلثين قلبي خرايب

مرباعها بين العيون الشقيه
ومقيلها بين الجروح العطايب

ما اقول يذبح زينها بس هيه
تلفت لها عود" عن الحب تايب

ولا اقول مغروره ولاهي خليه
فيها دلع طفلٍ يلاعبه شايب

جمال (نجد) وفتنتن (حايليه)
وش جمع الثنتين فيها عجايب

إذا اقبلت بين احسناتٍ وسيه
ياكثر ذنبي بين طيب وغصايب

وإذا ادبرت في دمعتينٍ نديه
قلب" معاه وقلب بالصدر ذايب

راح العمر مابين روحه وجيه
وياكثر غلطاتي ولاني بهايب

شب الجمر مادام الاشواق حيه
وطف العتب والعمر ضحك ومصايب

للشاعر حمد السعيد

القصيده الثالثه


سر ياقلم وانفض جروح السنين***الصمت صدر راعيه ماهو شمالي
عسى يالحظات الموادع تموتيـن***ونبقى مع منهو حبيـب وغالـي
أنا لامني شفت دموع الموادعيين***عروق قلبي تنصلي فوق صالـي
لحظات فرقهام سقتنا من البيـن***من عقبهم جتنا سـود الليالـي
روح الموادع قطعوهـا بسكيـن***لين اختفت عنه ذيـك الأزوالـي
دقايـق وأقفـوا عنـه متعديـن***آه وأنا أشهد هم كبـر الجبالـي
دموع غزيرة تهطل مـن العيـن***تعاقبن جيشين بميـدان القتالـي
من عقبهم همي بجوفـي مكيـن***آواه لجت شمس الضحى للزوالي
والليل جانا ضيف ثقيل وشيـن***يجيب لي أحزان عـزّي لحالـي
يلوح طيف خلاني حيـن وحيـن***وأذكر أوقات علهـا لـي بتالـي
لهزني الشوق وخذانـي حنيـن***تخنقني العبرة ودمعـي شلالـي
جرح المفارق ياجرحي اللي دفين***شلتـك بأعماقـي ألا عزتـالـي
يالايمين أهل التوجـد مخطيـن***قلب العنا غيـر قلـوب خوالـي
يادنيتي من لامني بنوحي تكفين***عساه يشرب نفس كاسي زلالـي
اما حياة بـلا مفـارق غالييـن***أو احفروا قبري مانـي مبالـي



مع خالص احترامي ومودتي