ذابحني غلاك
10-28-2017, 11:04 PM
معظمنا متخيل انه بيقدم خدمه عظيمة لأولاده بالكارتون ولكن فى الواقع هما ممكن يتعلمو منه حاجات كتير غلط وكمان نوصل لمرحلة الخطر... خطر من الكرتون!! ازاااى؟ دا مسلى جدا للاطفال، ازاى هيكون فى خطر؟!!
طيب حضرتك تعرفى ان توم وجيرى مصنف من أكتر الكرتون العنيف
- صدمة!!.... دا احنا الكبار بتفرج عليه بس لو ركزنا شويه مش هنلاقى غير عنف وحركات ملهاش هدف وكمان غباء فى التصرف.... واكيد قابلنا أولاد بينطوا زى توم وجيرى وفى حد عبقرى بيفكر ينط مثلًا من سور بلكونة... وفى اللى بيحب يقلد سوبر مان.
دى قصص واقعية.. دى كارثة وصل أولادنا لها.. الكارتون ضيع أولادنا بدون وعى ولا إدراك مننا.
الكارتون تأثيره خطير بكل معانى الكلمة، مش بس المواقف اللى قلتها؛ لا دا بيأثر فى الذكاء والقدرات واللغة لانه بيقلل العمر العقلى للطفل بالنسبه لعمره الزمنى...
ودى من أخطر وأبشع تأثيرات الكارتون على أولادنا واللى كان لازم أبدأ بيها علشان أقولكم لازم وقفه ضد كل دا.
بس الموضوع مخلصش لحد كدا.... لسه فى تأثيرات كتييييير خطيرة ومعظمنا يا اما عايشها يا اما شايفها قدامه؛ وهى حالة انخفاض قدرات أولادنا مش بس الأكاديميه، لا اللغوية والأدائية واليدوية والعقلية والإجتماعية..و...و.. وأقول ايه تانى...
منقدرش ننكر ان حالات فرط الحركة بقيت أعدادها مذهله، وكمان نقص الانتباه اللى اتسبب فى مشاكل نفسية كتير لأولادنا وأدى لاحساسهم بالنقص وضعف ثقتهم بنفسهم، ودى أبسط تأثيراته
فى الحقيقة أنا مش عارفه أتكلم عن ايه ولا ايه ولا عارفه اتكلم ازاى علشان أوضح كم الخطر اللى ولادنا عايشين فيه.
أتمنى تكون الرسالة وصلت، وعلشان أأكدها هجملكم التأثيرات السلبية للكارتون على أولادنا...
الخيال السلبى - التوحد - ضعف اللغة - تأخر الكلام - التهتهه - ضعف الانتباه - فرط الحركة - ضعف القدرات العقلية - ضعف المهارات اليدوية... ياااه كتير أوى
.
طيب هنعرض المشكلة بس، لا هنقول لحضرتك الحل...
لأن ببساطة حضرتك أم، محتاجة ترتاحى ويكون ليكى وقتك اللى بتحققى فيه راحتك أو نجاحك، بس واجب علينا نقولك بلاش استسهال.. بلاش موضة الكارتون اللى الولاد بتقعد قدامه بالساعات من غير ما يطلعوا صوت ونقول ياااه ارتحت من زنهم وطلباتهم، وتشكرى جارتك ولا قربتك اللى قالت لحضرتك على الحل العبقرى دا... بس مش تنسى انهم مش هينفعوكى بأى حاجة لما ابنك يحصله أى حاجة سلبية من اللى قلناها أول المقال.
.
طيب ايه الحل؟
الحل ببساطه هو ان أولادنا ممكن يتفرجوا على التليفزيون بس بشكل مفيد، يعنى أفلام كارتون بتحكى قصة، بلغة واقعية ونخلى الأولاد يحكوا الفيلم، ولو بيعرفوا يكتبوا نشجعهم يكتبوا ملخص عن الفيلم دا، وننمى مهاراتهم اللغويه وثقتهم بنفسهم.
كمان الأغاني اللى بتنمى اللغة عند الأطفال سواء عربي أو انجليزي أو الأغاني اللى بتعرف الأولاد أجزاء الجسم مثلا يعنى؛ المقصود الأغاني التفاعلي.. شغليها لطفلك وخليه يغنى ويتفاعل وغنى معاه.
ألعاب تنمية المهارات اللى الأولاد بينشغلوا بيها كتيير وبتنمي فيهم قدرات عقلية وابداعية ويدوية كبيرة، تقدرى تستخدميها وتصنعي بنفسك لابنك الألعاب اللى تنمى مهاراته من أدوات بسيطة فى بيتك.
فى الأول والآخر انتي كأم عليكى عبء كبيييير وضغوط كتير ومقدرينها جدااا؛ ولكن لاننا بنبحث ونكتشف كل يوم الجديد فى عالم التربية، واجب علينا نعرفك السلبى والبديل الإيجابى؛ لانك كأم تستحقى تكونى قد المسئولية ومتحسيش أنك قصرتى مع أولادك وأنتى بتخدى حقك فى الراحة لمواصلة المسيرة الجميلة.
أتمنى تكون رسالتنا وصلت...
طيب حضرتك تعرفى ان توم وجيرى مصنف من أكتر الكرتون العنيف
- صدمة!!.... دا احنا الكبار بتفرج عليه بس لو ركزنا شويه مش هنلاقى غير عنف وحركات ملهاش هدف وكمان غباء فى التصرف.... واكيد قابلنا أولاد بينطوا زى توم وجيرى وفى حد عبقرى بيفكر ينط مثلًا من سور بلكونة... وفى اللى بيحب يقلد سوبر مان.
دى قصص واقعية.. دى كارثة وصل أولادنا لها.. الكارتون ضيع أولادنا بدون وعى ولا إدراك مننا.
الكارتون تأثيره خطير بكل معانى الكلمة، مش بس المواقف اللى قلتها؛ لا دا بيأثر فى الذكاء والقدرات واللغة لانه بيقلل العمر العقلى للطفل بالنسبه لعمره الزمنى...
ودى من أخطر وأبشع تأثيرات الكارتون على أولادنا واللى كان لازم أبدأ بيها علشان أقولكم لازم وقفه ضد كل دا.
بس الموضوع مخلصش لحد كدا.... لسه فى تأثيرات كتييييير خطيرة ومعظمنا يا اما عايشها يا اما شايفها قدامه؛ وهى حالة انخفاض قدرات أولادنا مش بس الأكاديميه، لا اللغوية والأدائية واليدوية والعقلية والإجتماعية..و...و.. وأقول ايه تانى...
منقدرش ننكر ان حالات فرط الحركة بقيت أعدادها مذهله، وكمان نقص الانتباه اللى اتسبب فى مشاكل نفسية كتير لأولادنا وأدى لاحساسهم بالنقص وضعف ثقتهم بنفسهم، ودى أبسط تأثيراته
فى الحقيقة أنا مش عارفه أتكلم عن ايه ولا ايه ولا عارفه اتكلم ازاى علشان أوضح كم الخطر اللى ولادنا عايشين فيه.
أتمنى تكون الرسالة وصلت، وعلشان أأكدها هجملكم التأثيرات السلبية للكارتون على أولادنا...
الخيال السلبى - التوحد - ضعف اللغة - تأخر الكلام - التهتهه - ضعف الانتباه - فرط الحركة - ضعف القدرات العقلية - ضعف المهارات اليدوية... ياااه كتير أوى
.
طيب هنعرض المشكلة بس، لا هنقول لحضرتك الحل...
لأن ببساطة حضرتك أم، محتاجة ترتاحى ويكون ليكى وقتك اللى بتحققى فيه راحتك أو نجاحك، بس واجب علينا نقولك بلاش استسهال.. بلاش موضة الكارتون اللى الولاد بتقعد قدامه بالساعات من غير ما يطلعوا صوت ونقول ياااه ارتحت من زنهم وطلباتهم، وتشكرى جارتك ولا قربتك اللى قالت لحضرتك على الحل العبقرى دا... بس مش تنسى انهم مش هينفعوكى بأى حاجة لما ابنك يحصله أى حاجة سلبية من اللى قلناها أول المقال.
.
طيب ايه الحل؟
الحل ببساطه هو ان أولادنا ممكن يتفرجوا على التليفزيون بس بشكل مفيد، يعنى أفلام كارتون بتحكى قصة، بلغة واقعية ونخلى الأولاد يحكوا الفيلم، ولو بيعرفوا يكتبوا نشجعهم يكتبوا ملخص عن الفيلم دا، وننمى مهاراتهم اللغويه وثقتهم بنفسهم.
كمان الأغاني اللى بتنمى اللغة عند الأطفال سواء عربي أو انجليزي أو الأغاني اللى بتعرف الأولاد أجزاء الجسم مثلا يعنى؛ المقصود الأغاني التفاعلي.. شغليها لطفلك وخليه يغنى ويتفاعل وغنى معاه.
ألعاب تنمية المهارات اللى الأولاد بينشغلوا بيها كتيير وبتنمي فيهم قدرات عقلية وابداعية ويدوية كبيرة، تقدرى تستخدميها وتصنعي بنفسك لابنك الألعاب اللى تنمى مهاراته من أدوات بسيطة فى بيتك.
فى الأول والآخر انتي كأم عليكى عبء كبيييير وضغوط كتير ومقدرينها جدااا؛ ولكن لاننا بنبحث ونكتشف كل يوم الجديد فى عالم التربية، واجب علينا نعرفك السلبى والبديل الإيجابى؛ لانك كأم تستحقى تكونى قد المسئولية ومتحسيش أنك قصرتى مع أولادك وأنتى بتخدى حقك فى الراحة لمواصلة المسيرة الجميلة.
أتمنى تكون رسالتنا وصلت...