من شابه أباه فما ظلم

[BAYALA]

-فيه مرحلة فى عمر الطفل بيبقى فيها زى البغبغان بيقلد كل حاجة بيشوفها،بيقلد كلامنا وتصرفاتنا ،ساعات بنبقى فرحانين بدة وساعات بنبقى زعلانين.

-ليه الطفل بيقلدنا؟؟؟؟؟

١\ بيتعلم

أ: بيتعلم التمييز بين كونه ذكر او انثى ،فبنلاقى البنت بتقلد مامتها وهى بتحط الماكياج فى البيت،ونلاقى الولد بيحلق دقنه مع باباه.

ب: بيتعلم ردود الأفعال ،الطفل بيخزن ردود أفعالنا ويبدأ يستدعيها خلال المواقف اللى بيمر بيها

ج:بيتعلم الكلام واللغة، هتلاقى الطفل احيانا بيردد نفس عباراتك

د: بيتعلم اكتساب خبرات جديدة

٢\ المتعة،بيلاقى متعة فى التقليد

{استثمر فترة التقليد وكن خير قدوة لابنك}