BAYALA
10-20-2017, 01:22 AM
هل هو مدح أم تشجيع ؟؟
في مقولة لرادولف دريكورز بتقول " الأطفال يحتاجون إالي التشجيع كما يحتاج النبات إلي الماء". و ده معناه إن التشجيع مهم جدا ،ومن غيره صحيح الطفل مش هيموت ،و لكنه هيذبل.
و بما إن التشجيع مهم أوي كده، مهم إن الأباء يقدروا يعرفوا معناه وإزاي يفرقوا بينه و بين المدح المطلق.
هل هو مدح أم تشجيع؟؟
* المدح هو التعبيرعن الحكم بالموافقة أو الإعجاب المطلق بشخص أو بشيء ما، مثال: "الله ايه الرسمة الحلوة دي" ، "برافو انت شاطر جدا" ، "هايل انت كسبت كل أصحابك"
* أما التشجيع فهو العمل علي تقديم الدعم ، الثقة،والتحفيز أو الأمل لشخص ما. الهدف منه هو التركيز علي جهد العمل نفسه وعلي المجهود أكثر من الشخص. مثال "انت رسمت الرسمة دي ازاي؟ ازاي أخترت الألوان؟" أو مثلا "اممم انت رسمت الرسمة دي لوحدك، ايه أكتر حاجة عجباك فيها؟" أو "انت فعلا تعبت أوي و اتمرنت كتير عشان تكسب، انت فعلا تستاهل تكسب"
* في بحث عمتله الدكتورة كارول دويك، دكتوراه من جامعة ستانفورد الأمريكية، أكدت إن المدح ضار بالأطفال. هي بحثت و لقت إن المدح بيقلل من خوض التجارب والتحديات (risk taking). الأطفال اللي اتعودوا علي المدح بيختاروا انهم يقوموا بمهام أسهل في المستقبل لأنهم بيخافوا من التحدي والوقوع في الخطأ؛ وده بسبب خوفهم من فقد الكلام الحلو اللي كانوا بيسمعوه. أما الأطفال اللي كانوا يبتشجعوا باستمرار علي مجهودهم ، كان عندهم استعداد أكبر للتحدي و خوض تجارب ومهام جديدة عليهم.
* دريكورز بيأكد علي تشجيع الفعل وليس الفاعل. يعني مثلا بدل ما نقول "برافو إنك جبت النمرة النهائية، أنا فخورة بيك" أفضل نقول "مبروك، انت فعلا تعبت و تستحق الدرجة النهائية". فرق بسيط بس فعال.
* يمكن تكون الفكرة جديدة ومش مستساغة علي اللي جربوا المدح واشتغل معاهم كويس وجاب نتايج هايلة وسريعة ، بس هل هم فعلا فكروا في التأثير علي المدي البعيد ؟؟
* المدح مش بيحفز بل بالعكس، لأنه بيحول الطفل إلي إنسان مدمن للقبول والإستحسان من اللي حواليه، بل ممكن يشك في نفسه و قدراته لو ملاقاش القبول دة. الطفل اللي بيتعود علي المدح بيفضل يعتمد علي الآخرين عشان يقيم ذاته ، حتي بعد ما بيكبر. أما التشجيع فبيساعد علي التفكير الذاتي (self reflection) و تقييم الذات (self evaluation) ودي مهارات ضرورية للخوض في الحياة.
* و نرجع تاني للنقطة السابقة وإن الأطفال بيحبوا المدح؛ و مين ميحبوش (أنا كمان بحبه) !! لأنه عامل زي قطعة الحلوي، القليل منها طعمه حلو و لذيذ بس لو أكثرت منها هتسببلي في مشاكل ..
طب ايه الحل ؟؟ الفهم الصحيح للفرق بينهم
* اللي عنده استعداد يغير من المدح إلي التشجيع، هيشعر في البداية إن كل كلمة لازم يفكر فيها قبل ما يقولها و يشوف وقعها علي المدي البعيد هيكون ايه علي طفله، بس بعد كدة هيصبح التشجيع عادة.
* في بعض الاسئلة اللي ممكن تساعدنا أثناء الموقف اختار المدح ولا التشجيع ؟؟
1- هل أنا بحث الطفل علي تقييم ذاته ولا الإعتماد علي الآخرين ؟
2- هل أنا كدة بحترمه و لا بنزهه عن الخطأ و بحسسه بالكمال ؟
3- هل أنا كدة بسمع وجهة نظره هو ولا وجهة نظري أنا ؟
ييجي بعد كدة .. كيف أشجع طفلي ؟؟
التشجيع هو إنك تساعد طفلك ينمي الجرأة؛ الجرأة إنه يكبر و يتعلم و يجرب و ميكنش همه بس رأي الناس فيه.و دة اللي هيخليه يقدر يقاوم، يستمتع، يكون سعيد بذاته ، متعاون في مجتمعه، و زي ما ديكورز قال "يكون عنده الشجاعة إنه مش مثالي"ويتقبل دة بإيجابية ويبقي عارف إن الأخطاء فرص للتعلم و النمو https://www.facebook.com/images/emoji.php/v9/f4c/1/16/1f642.png:)
* هناك بعض الأدوات في طرق التربية الإيجابية بتساعد علي تشجيع الطفل مثل:
- الإجتماعات الأسرية للنقاش: و فيها بيتعلم الطفل إنه يسمع ويقول المجاملات وازاي يفكر ويعمل عصف ذهني لحل المشكلات.
- الأسئلة الفضولية: بمعني اننا نخليهم يفكروا بدل ما نديهم الحلول علي الجاهز.
- كبر شوية - let it go – مش لازم محاضرات و تقييمات عند كل خطأ عشان ثقته متتهزش.
- بين له إيمانك به عشان يقدر يؤمن بنفسه لأنك في الأول و الآخر ملاذه الآمن ومرايته اللي بيشوف فيها نفسه.
- الوقت الفردي- عشان تتأكد من ان حبك واهتمامك فعلا واصلين له.
الإستخدام الجيد للتشجيع بيتطلب من الآباء (والكبار عامة) بعض السلوكيات مثل الإحترام، الإهتمام بوجهة نظره، و الإجتهاد في توفير فرص التعلم للطفل و تطوير قدراته و مهاراته، مما سيؤدي إلي ثقته بنفسه رغما عن أي كلام سلبي يوجه له من الآخرين ..
و دمتم سالمين ، مرتاحين وواثقين https://www.facebook.com/images/emoji.php/v9/f4c/1/16/1f642.png:)
في مقولة لرادولف دريكورز بتقول " الأطفال يحتاجون إالي التشجيع كما يحتاج النبات إلي الماء". و ده معناه إن التشجيع مهم جدا ،ومن غيره صحيح الطفل مش هيموت ،و لكنه هيذبل.
و بما إن التشجيع مهم أوي كده، مهم إن الأباء يقدروا يعرفوا معناه وإزاي يفرقوا بينه و بين المدح المطلق.
هل هو مدح أم تشجيع؟؟
* المدح هو التعبيرعن الحكم بالموافقة أو الإعجاب المطلق بشخص أو بشيء ما، مثال: "الله ايه الرسمة الحلوة دي" ، "برافو انت شاطر جدا" ، "هايل انت كسبت كل أصحابك"
* أما التشجيع فهو العمل علي تقديم الدعم ، الثقة،والتحفيز أو الأمل لشخص ما. الهدف منه هو التركيز علي جهد العمل نفسه وعلي المجهود أكثر من الشخص. مثال "انت رسمت الرسمة دي ازاي؟ ازاي أخترت الألوان؟" أو مثلا "اممم انت رسمت الرسمة دي لوحدك، ايه أكتر حاجة عجباك فيها؟" أو "انت فعلا تعبت أوي و اتمرنت كتير عشان تكسب، انت فعلا تستاهل تكسب"
* في بحث عمتله الدكتورة كارول دويك، دكتوراه من جامعة ستانفورد الأمريكية، أكدت إن المدح ضار بالأطفال. هي بحثت و لقت إن المدح بيقلل من خوض التجارب والتحديات (risk taking). الأطفال اللي اتعودوا علي المدح بيختاروا انهم يقوموا بمهام أسهل في المستقبل لأنهم بيخافوا من التحدي والوقوع في الخطأ؛ وده بسبب خوفهم من فقد الكلام الحلو اللي كانوا بيسمعوه. أما الأطفال اللي كانوا يبتشجعوا باستمرار علي مجهودهم ، كان عندهم استعداد أكبر للتحدي و خوض تجارب ومهام جديدة عليهم.
* دريكورز بيأكد علي تشجيع الفعل وليس الفاعل. يعني مثلا بدل ما نقول "برافو إنك جبت النمرة النهائية، أنا فخورة بيك" أفضل نقول "مبروك، انت فعلا تعبت و تستحق الدرجة النهائية". فرق بسيط بس فعال.
* يمكن تكون الفكرة جديدة ومش مستساغة علي اللي جربوا المدح واشتغل معاهم كويس وجاب نتايج هايلة وسريعة ، بس هل هم فعلا فكروا في التأثير علي المدي البعيد ؟؟
* المدح مش بيحفز بل بالعكس، لأنه بيحول الطفل إلي إنسان مدمن للقبول والإستحسان من اللي حواليه، بل ممكن يشك في نفسه و قدراته لو ملاقاش القبول دة. الطفل اللي بيتعود علي المدح بيفضل يعتمد علي الآخرين عشان يقيم ذاته ، حتي بعد ما بيكبر. أما التشجيع فبيساعد علي التفكير الذاتي (self reflection) و تقييم الذات (self evaluation) ودي مهارات ضرورية للخوض في الحياة.
* و نرجع تاني للنقطة السابقة وإن الأطفال بيحبوا المدح؛ و مين ميحبوش (أنا كمان بحبه) !! لأنه عامل زي قطعة الحلوي، القليل منها طعمه حلو و لذيذ بس لو أكثرت منها هتسببلي في مشاكل ..
طب ايه الحل ؟؟ الفهم الصحيح للفرق بينهم
* اللي عنده استعداد يغير من المدح إلي التشجيع، هيشعر في البداية إن كل كلمة لازم يفكر فيها قبل ما يقولها و يشوف وقعها علي المدي البعيد هيكون ايه علي طفله، بس بعد كدة هيصبح التشجيع عادة.
* في بعض الاسئلة اللي ممكن تساعدنا أثناء الموقف اختار المدح ولا التشجيع ؟؟
1- هل أنا بحث الطفل علي تقييم ذاته ولا الإعتماد علي الآخرين ؟
2- هل أنا كدة بحترمه و لا بنزهه عن الخطأ و بحسسه بالكمال ؟
3- هل أنا كدة بسمع وجهة نظره هو ولا وجهة نظري أنا ؟
ييجي بعد كدة .. كيف أشجع طفلي ؟؟
التشجيع هو إنك تساعد طفلك ينمي الجرأة؛ الجرأة إنه يكبر و يتعلم و يجرب و ميكنش همه بس رأي الناس فيه.و دة اللي هيخليه يقدر يقاوم، يستمتع، يكون سعيد بذاته ، متعاون في مجتمعه، و زي ما ديكورز قال "يكون عنده الشجاعة إنه مش مثالي"ويتقبل دة بإيجابية ويبقي عارف إن الأخطاء فرص للتعلم و النمو https://www.facebook.com/images/emoji.php/v9/f4c/1/16/1f642.png:)
* هناك بعض الأدوات في طرق التربية الإيجابية بتساعد علي تشجيع الطفل مثل:
- الإجتماعات الأسرية للنقاش: و فيها بيتعلم الطفل إنه يسمع ويقول المجاملات وازاي يفكر ويعمل عصف ذهني لحل المشكلات.
- الأسئلة الفضولية: بمعني اننا نخليهم يفكروا بدل ما نديهم الحلول علي الجاهز.
- كبر شوية - let it go – مش لازم محاضرات و تقييمات عند كل خطأ عشان ثقته متتهزش.
- بين له إيمانك به عشان يقدر يؤمن بنفسه لأنك في الأول و الآخر ملاذه الآمن ومرايته اللي بيشوف فيها نفسه.
- الوقت الفردي- عشان تتأكد من ان حبك واهتمامك فعلا واصلين له.
الإستخدام الجيد للتشجيع بيتطلب من الآباء (والكبار عامة) بعض السلوكيات مثل الإحترام، الإهتمام بوجهة نظره، و الإجتهاد في توفير فرص التعلم للطفل و تطوير قدراته و مهاراته، مما سيؤدي إلي ثقته بنفسه رغما عن أي كلام سلبي يوجه له من الآخرين ..
و دمتم سالمين ، مرتاحين وواثقين https://www.facebook.com/images/emoji.php/v9/f4c/1/16/1f642.png:)