الذل في صورته صح

[تعبت الظلم واجحافك]

إجرح وأنا بَبْكي على قلبي إجرح
مادام لي قلبٍ يسامَحْك في الحال
قلبٍ يسامح وانت تجرح ويَدْمح
أبكيه؟ولاّ أبكيك؟ ولاّ ابكي الحال؟
قلبٍ على ذكراك يمْسِي ويصْبَح
صَبرَه طويلٍ لكن مْعاندِك طال
قلب ٍ تركتك فيه تسرَح وتمرَح
مِحتاج..حكّمْ داخل القلب.. محتال!
لو تدري المجروح وشلون يفرح
وقَفْت له مِن دَهشتِك. وقفة إجْلال
يفرَح. فرَح. مترقّب الموت. إذا أصْبَح
وهو بظنّه تالي الليل رحّال
ولاّ فرح. خاسر تجاره. بمرْبَح
فرحة غريقٍ .ساقه الموج للجال
لاشاف وجهك باسمٍ وانت تجرح
أو شافك بجرحه مع الناس تختال
ودّك تشوف الذلّ.في صورته صحّ ؟
شف دمعة الفرقا..على خدّ رجّال
ولاّتشوف الذلّ في صوره أوضح ؟
شف بسمة المقتول. في وجه قتّال


أعجبتني ونقلتها لكم

[..خلاص ابرحل..]

روووعه يسلمو اخوي
تقبل تحياتي

[تعبت الظلم واجحافك]

الروووعة مروركـ يالغلا ..
لا عدمتك أختي ودمتي ..

[شيخ بإحساسه وذوقه]

ودّك تشوف الذلّ.في صورته صحّ ؟
شف دمعة الفرقا..على خدّ رجّال


والله جبتها على الجرح .

يعطيك ألف عافيه أخوي

تحياتي

[آسطوره]

قلب ٍ تركتك فيه تسرَح وتمرَح


ياليت كل من نحبه يكون يستاهل درجة الحب لكن حياة الحب دائما نهايتها مرره


وجهة نظر وتقبلهاا

يسلموووووووو ع النقل الرااائع

[دمعة الحب]

دوماً تأتي بأجمل الكلمات وأكثرها روعة
وسطورك تحمل حروفٍ تناثرت برقة وجمال
أشكُرك على تلك السطور
لآعدمتك

[أنفاس الورد]

يفرَح. فرَح. مترقّب الموت. إذا أصْبَح
وهو بظنّه تالي الليل رحال




تحملت اكون غلطان وانا اللي معي الحق

تحملت اكون اللي ظلم نفسه وهو ساكت



تقبل مروري ..تحياتي