هل تحضر زفاف من أحببت ؟

[زمان الصمت]

[color="red"]بسم الله الرحمن الرحيم

أهلا بكم بعد انشغالي وانقطاعي لفترة وأحب أن أهنئ الجميع بقدوم عيد الفطر المبارك
وأقول لكم تقبل الله طاعتكم وجعلنا وإياكم من الفائزين المقبولين وكل عام وأنتم بخير وعيدكم مبارك

ومن خلال تصفحي لبعض المواضيع وجدت هذا الموضوع وأحببت ان أنقله لكم حتى أرى آرائكم جميعاً

أترككم مع الموضوع :

..++( هل تحظر زفاف من أحببت ؟ )++..

لكل شخص قصة حب عاش فيها ..
وتعايش معها بكل تفاصيلها وأحداثها ..
ضحك منها أيام وبكى منها بعض الأحيان ..
وسعد بها وحلق في عالم المحبين أيام وليالي ..
ورسم خطوط للحظات اللقاء ولكن ..!!!

بعضنا ختم هذه القصة بأجمل النهايات ..
وبعضنا انتهى حبه بالفراق .. وبزواج الحبيب .. من شخص أخر .

والآن توقفوا معي وفكروا بكل جدية !!!


إذا دعتك حبيبتك أو حبيبك إلى حضور زواجها أو زواجه !!..؟؟
هل سوف تحضر ؟؟
وبرر موقفك إذا رفضت واذكر السبب إذا وافقت الحضور ؟؟


أتمنى أن يكون النقاش بكل جديه



لكم وافر احتراماتي

زمان الصمت :)[/

[ماتهاب]

طرح اكثر من رائع ..

،
.
،

بالنسبة لي .. راح احضر زفافه وارقص بعد وابارك لأهله وأبارك للعروس ..


صح الموقف من اصعب مايكون لكن هذا قدرنا واللي مكتوب لنا .. بعدين هذي فرحته لازم افرح معاه ..


بس الاصعب بعد الزفاف والايام الجايه اللي مااقدر اتواصل معاه ..


والله لايفرق حبيبين يارب ..

،
.
،

يعطيك العافية اخوي ..

لاهنت

[شموخ أنثى]

إذا دعتك حبيبتك أو حبيبك إلى حضور زواجها أو زواجه !!..؟؟

هل سوف تحضر ؟؟

لا طبعا

وبرر موقفك إذا رفضت واذكر السبب إذا وافقت الحضور ؟؟

أنا من النوع الحساس مرة ما راح أقدر أتحمل أشوفه مع غيري و الله أموت قهر

تسلم أناملك على الطرح

لا عدمنا جديدك

تقبل ظهوري

[حكايه]

رايي من راي ماتهاب

راح احضر وارقص وافرح من فرحته

دامه هو يبيها خلاص هذا النصيب

والي بالقلب بالقلب

يعطيك العافيه اخوي

ونبي رايك

[شيخ بإحساسه وذوقه]

بصراحه هذا موقف صعب جدا مو إي شخص يقدر يتمالك نفسه فيه
أكيد ما راح احضر حتى لو هي طلبت مني احضر
صدقوني شئ صعب لمى أتذكر الإيام الحلوه اللي عشناها مع بعض
وانا في حفل زواجها ..

لكن بدعي لها إن الله يوفقها في الدنيا ويسعدها في حياتها .

تحياتي

[شروق]

طبعا رح احضر زفافه واهنيه

هو اللي اختار ومن حقه

واكيد هو موقف صعب وممكن اكون موجوده والدمعه بعيني

لكن ربي ماكتبها

وسلمت الايادي على الموضوع

[شروق]

صراحه حسيت انه من جد موضوع صعب

لا مارح اقدر احضره ابدا

توقعت اني قويه بس مااعتقد ابدا

وسامحني عل تغيير ردي

بس يوم زواجه بيكون يمكن يوم وفاتي

لانه من جد موقف جدا صعب

الله لايوقع احد فيه

وسلمت الايادي يارب

[عذب الليالي]

والله ماراح احضر لاني ماراح اقدر اتمالك نفسي فيه

تقبل مروري

[فهد]

احضر وارقص على عرسها ههههههههههههه طبعا مو هز بس نسوي عرضه شي وهي قسمه ونصيب وراح اتمنى لها التوفيق والله يصبرني معني ماعندي حبيبه الحين اذا وافقت على حبي اكيد ماراح احضر مسوي فيه مضحي وشكرا

[إبتهال الروح]

موضوع حساس

من وجهة نظري اقيم حضوري على حسب اسباب الفراق

اذا كانت اسباب الفراق خارج إرادة الشخصين مستحيل احضر

لان صعب علي اشوفه فاحتفال بداية حياه جديده مع انسانه غيري

لكن لو كان اختلاف بيننا او تخلي طرف عن الاخر راح اعتبر كل شي انتهى

وبحضوري اوصل له رساله انه لا يشكل لي اي اهتمام ,,,




وجهة نظر ,,,

[إبتهال الروح]

زمان الصمت موضوعك أثار عصبيتي

لدرجة اني نسيت اكتب لك


مشكـــووور على موضوعك


ههههههههــ

ننتظر مواضيعك الساخنه

تقبل مروري

[زمان الصمت]

ماتهاب
شموخ انثى
عذبة الصفات
عاشق هواها
شروق
عذب الليالي
فهيييييييييد قصدي فهد نسيت احسبه جنبي
ابتهال الروح
مشكورين على مروركم العطر لموضوعي والله يجمع كل الحبايب مع بعضهم والله لا يحطكم في هالموقف ومشكورين على تفاعلكم الشيق مع الموضوع.
مع أطيب التحايا
زمان الصمت