سالفه وقصيده

[العراب]

السلام عليكم ورحمه الله وبركاته

اخباركم ياحبايبي انشالله بخير

جبت لكم اليوم قصيده


قصيده لرجل عشق بنت وتزوجت وبعد فتره من الزمن انعزم عند جماعه وهو جالس جاء ولد صغير يلعب جنبه وقام يلعب معه وساله عن اسمه وعرف انه ولد حبيبته

قال هاذهي الابيات



هزتني الذكرى وانا بين الاجواد

ساعه عرفت اللي لفاني ولدها


طمرت احبه والغلاء فيني ازداد

شميت ريحه حبها في سندها

ضميته ب صدري على جروحا حداد

من غير مااشعر احسب اني بيدها

لديت لالماضي وهوبين الاياد

واقول ياحظه رضع من نهدها

سالته ودمع الوله فاض واقتاد

اسمك وشنهو ردلي من بعدها

مسما على اسمي مانست حب الامجاد

الله حسيب اللي حسدني وحسدها

مرت سنين كلها شوق تنعاد

في عيوني اللي عارف وش عددها

صدفه وفيها خير من الف ميعاد

لاضاق صدري رحت اناظر ولدها

[ضجة مشاعر ~]

:( تكسر الخاطر

يسلمووو

ما ننحرم من جديدك

[أمواج الشوق]

أحييك اخوي من القلب
نص شعري متميز لغةً و بوحاً و ذكريات
قرأت كلماتك الشعرية بشغف و حب
ورأيتها تعكس روحاً رقيقةً شفافةً تقف وراء
كل حرف و كلمة..
تحياتي القلبية لك

[انوثتي كاسيتها رجوله]

يعطيك العافيه