كتمت الهم في صدر السكوت وصاحت ضلوعي

[كاترينا]

حزين .. ومامعي غير .. العتب ومسامر دموعي ..
وتطيح من التعب .. تنهيدتي .. محد ٍ شعر فيها ..



كتمت..الهم في صدر السكوت ..وصاحت ضلوعي..
كأن الروح .. ياروحي .. تبيني .. بس ماابيها ..



على شارع أمل عمري .. وقفت وملني .. لوعي ..
الين .. أستوطنت ضيقة .. وبدت أول لياليها ..



يمر أسبوعي .. وقلب الحنين .. مخاصم أسبوعي ..
بي اللهفه .. على لمح المواصل .. تصفق يديها ..





لك الله .. يابعد ضيم السنين .. إجتاحني .. جوعي
وانا .. شبعان .. من مد الليال .. وماتخفيّها ..



خذ الصوت بطرف راس الورق .. وإستجمع جموعي ..
جموعي .. سالفة .. ونه .. سأمت لمين أوديها ..




أنا يدّي على خدي .. وعلى رجلي ظهر كوعي ..
وعلى وجهي ملامح غيبتك .. وشلون أخبيها ..



اذا غيم الهوى قصّر .. فاانا ماجف ينبوعي ..
على غصون الهيام اللي .. من احساسي مسقيّها ..



أحبك .. لو طغى جور الزمان .. ولاغدا طوعي ..
احبك لآآآآخر حدودي معك .. وإن طال تاليها ..


أحبك .. لكن ان البعد جبرني .. أكتب دموعي ..
وجيتك .. ماأبي غيرك .. يحس .. بـ حر ما فيها ..

[أمير بطبعي]

قصيدة راائعة بكل تفاصليها المرهفة


يسلمو كاترينا على الطرح

[شمـوخ الـروح]

أحبك .. لو طغى جور الزمان .. ولاغدا طوعي ..
احبك لآآآآخر حدودي معك .. وإن طال تاليها ..

سلمتي على نقلكـ الرائع
سطور جميله
لك اجمل التحايا

[أحبك بجنووون]

يعطيك العوافي على الطرح الجميل
ماننحرم جديدك وتواجدك
تحياتي لك