العيد قرّب وانت للحين ماجيت

[الحرف العنيد]

العيد قرّب وانت للحين ماجيت
والله مدري كيف أعيّد بدونك


اربع شهورٍ وانت غايب مادقيت
ولا رساله جتني من تيلفونك


اربع شهورٍ تدري كم فيها عانيت
عانيت فيها كثر رمشة عيونك


اربع شهورٍ بين جيتك ومريت
بيتك/ مكان اول لقانا/ ركونك


اروح وارجع وإن تقدمت رديت
اسوق قلبي واقصر الرجل دونك


وانا مكاني وأثرني ماتعديت
هذي شجوني جات تدعي شجونك


لوشفتني في غيبتك ويش سويت
فكرت مره مع خيالي اخونك


حاولت اخربها مع العقل وازريت
المشكله حتى خيالي يصونك


تعرفني إن حبيت من قلب حبيت
وكل ماتظن فيني اخيب ظنونك


يابن الآوادم طالت الغيبه ابطيت
شعري وشعوري والمشاعر يبونك


يكفي بأني بغيبتك صدق حسيت
بالشوق لأيام الغلا مع جنونك


اقسم قسم بالله من يوم صديت
والله مدري كيف حالي بدونك

[ماتهاب]

صح لسانك وسلمت يمناك يالغلا ..

والله يجمع كل المحبين في عيده السعيد ..

يأنتظار الجديد ..

لاعدمناك

[خوفي هزمني]

ابيات رائعه وجميله

راااااااائع اخي الحرف العنيد ومبدع بطرحك الرائع والمتميز

كتميزك الدائم والمتألق

لا هنت يالغلا ع الابدع الرااااائع

لك تحياااااتي ووودي

[كبيره بمعاناتي]

سلمت يمينك

[ضيعتني العاطفه]

لوشفتني في غيبتك ويش سويت
فكرت مره مع خيالي اخونك



حاولت اخربها مع العقل وازريت
المشكله حتى خيالي يصونك



تعرفني إن حبيت من قلب حبيت
وكل ماتظن فيني اخيب ظنونك

الحرف العنيد


دعني أنحي قلمي قليلا
أقف أحتراما لك
ولقلمك
وأشد على يديك لهذا الابداع
الذي هز أركان المكان
لله درك
فقد كانت حروفك كالاعصار
في ساحة المنتدى

[آسطوره]

عدت ايام العيد
واتمنى تم الوصال بين المحبين



ابيات روعه ,,,,راقت لي كثير







ارق تحياتي

ورودهـ