#1
|
||||||||
|
||||||||
ياعظيمه
يا عظيمه كل شيٍ له حـدود ولـه نهايـه لكن انتي ماوقفتي عنـد حـدّك ياعظيمـه . استلذّيتـي بطعنـاتـي واخذتيهاهـوايـه كن ما لك حربـةٍ توجـع وطعنـاتٍ أليمـه . آه ليتـك مـا تماديتـي بطعنـات البدايـه لين صار لكل طعنه فالحشـا معنـى وقيمـه . الله يبيحك ولكن كيف فـي أغـرب روايـه تكتبين الحب كذبـه والهـوى دقّـه قديمـه . وانتي اللي كل ما لـدّت عيونـك فالمرايـه ما لمحتي الا اليتيم اللي خذت قلبـه يتيمـه . واليتيمه فاليتامـى مالهـا حـق الوصايـه الوصيّه عودها الغـض ونوايـاه السليمـه . لكن انتي صار لك حق الوصايـه والولايـه واستبدّيتي وشدّوا البدو واضحيتـي مقيمـه . ما رحلتي لين حطّمتي بمـا فيـه الكفايـه عاقلٍ حب الجنون وصوت نارك في مشيمـه . استبحتي حرمة المجنون بـادراك وعنايـه والتفتّي له بعقلك وارتكزتي فـي صميمـه . امتلكتي غايته لو كـان مالـه فيـك غايـه وانتصرتي في عيونه واعترف لك بالهزيمـه . من كثر ما يعشقك ماقال لك بالحـب رايـه خايف الأيـام لا تطلـع عواقبهـا وخيمـه . في طريقك كل ماكنّه لمـس درب الهدايـه تاه ودروب الحيـاة المستقيمـه مستقيمـه . تايهٍ بصري ومـن جابـه لبيـت الله تايـه عذر من غمّض بعين وعينه الأخرى كريمـه . فدوتك مافات من ليّام واللـي عـاد جايـه يا بعد عمرٍ مخاسيره معك عنـدي غنيمـه . أنتي الفارع بقـد وجـد واسمـاء وكنايـه من عشق مثلك يجوز من الهوى وشداد ريمه . ليه لا وانتي بحسنك في ذوات الحسن آيـه لا ذهب لا ماس لا ياقوت لا احجارٍ كريمـه . شاعرٍ له مع هل الرايـات فالمرقـاب رايـه كل ماهبّـت هبوبـك فلّهـا قـدر وحشيمـه . سامحك من ألف باء الذنب الى مالا نهايـه واستباحك عن خطـاه وكـل طـقٍ بتعليمـه . يوم قلتـي أعطنـي حرّيتـي أطلـق يدايـه ما ذخر عن وجهك الا طعنتينٍ فـي صميمـه
المصدر: منتديات كلك غلا dhu/dli |
أخر 5 مشاركات راعي الجرح | |||||
المواضيع | المنتدى | المشارك الاخير | الردود | المشاهدة | آخر مشاركة |
سراب اللال | ๑۩۞۩๑ للقصائد مـذاق ๑۩۞۩๑ | 2 | 1514 | 06-26-2009 04:43 AM | |
اقتلهم وعش في سعاده | ๑۩۞۩๑ عـام .. مساحه حره ๑۩۞۩๑ | 6 | 1363 | 06-26-2009 03:46 AM | |
اكتب بطاقتك الرياضيه هنا | ๑۩۞۩๑ عالم الرياضه ๑۩۞۩๑ | 33 | 3905 | 06-23-2009 12:25 AM | |
لمني بشوق واحضني | ๑۩۞۩๑ جوالك وما يخصه ๑۩۞۩๑ | 10 | 2395 | 06-22-2009 10:28 PM | |
هيئة الامر بالمعروف والنهي عن المنكر | ๑۩۞۩๑ النقاش الجاد ๑۩۞۩๑ | 10 | 2557 | 06-20-2009 05:26 PM |
مواقع النشر (المفضلة) |
الكلمات الدلالية (Tags) |
ياعظيمه |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|