آخر 10 مشاركات
|
|
|||||||
|
|
أدوات الموضوع | انواع عرض الموضوع |
|
#1
01-02-2013, 12:41 PM
|
|||||||
|
|||||||
®°•.¸. رفضت أسكن صدور الناس،،وجيت أسكن وسط صدرك ®°•.¸~من تأليفي~
بسم الله الرحمن الرحيم السلام عليكم ورحمة الله وبركاته اقدم لكم روايتي الثالثه تحت عنوان ابدا بسم الله الجزء الأول شخصيات الرواية عائلة ابو فهد فهد:عمره 24 سنة حنوون وطيب يتعاطف ع طوول مع أي احد لدرجة ان اصحابه يسبونه بالخبل ما يحب الجمعات وما يمون ع كل شلته بس مع صديقه المقرب له احمد صباح:اخت فهد متزوجة وعندها بنت صغيرة عمرها سته شهور واسمها ليان صباح حبووبه ودايم فهد عندها لو صار له مشكله ولا تورط لأنها اخته الكبيرة وتفهمه ابو فهد:حنوون ع ولده وبنته حييل لدرجة انهم يميلون له بمشاكلهم اكثر من امهم وهو طيب وما يحب الهواش ويحل كل شي بتفهم ام فهد:طبعها حاار حنونه ع اولاده وشديده من خوفها عليهم تحب انهم يسمعون لها بكل شي وما تحب يعارضونها ... عائلة ابو احمد احمد: عمره 25 سنة اكبرواحد وهو صديق فهد المقرب وهو اللي متولي عائلته بعد ما مات ابوه حنووون حيل ع اخته واخوانه وما يحب يضايقهم خالد: عمره 24 سنة طبعه حااد وبسرعه يعصب وما يميل لأجواء العائله أغلب وقته مع اصحاابه وما يحب يكون مسؤل عن شي وكل ذا بسبب موت ابوه ولا قبل وفاة ابوه كان بعه مرح وحبوب سعود: عمره 23 سنة يدرس بالجامعه تخصصه طب حبووب دايم يمزح وراعي مقاالب يميل لعايلته اكثر من الخرجاات ويحب الجمعاات والفلة والونااسه روان:اصغر وحده عمرها 19 سنه فرفووشه وهي اللي دايم تغير الجو للأحسن تمييل للتجمعاات وحنوونه واذا شافة احد من اخوانها متضايق ما ترتاح لين تعرف وش فيه وتساعده ما تستغني عن امها اببد في كل شي ومع كل هذا مريضه بالفشل الكلوي l ام احمد:حنوونه حيل ع اولادها وهمها كله انها تسعدهم وما تشوفهم متضايقين متعلقه ببنتها روان بشكل مو طبيعي ومدلعتها حيييل تخااف عليها من مرضها وداايم تتضايق اذا جا ببالها انها يمكن بأي وقت تفارقها ... عائلة ابو أريج اريج:بنت عم رواان وبنفس سنها داايم بالطلعاات هالعائلتين مع بعض روان دايم معاها وترتاح لها من بين بنات عمها ريم:اخت اريج اكبر منها بسنه حبووبه وطيبه ... نورة:بنت عم فهد ملامحها حلوووه حييل عايلتها غنيييه بس مغرووره وما تعطي أي احد وجه واي احد ما يعجبها تستحقره رغد:صديقة رواان تموووت فيها حييل من الإبتدائي وهم مع بعض وداايم اذا تضايقت روان من شي تكون عندها وهي نفس الشي <<لبااهم ... البداية =) ببيت ابو احمد احمد جالس بالصالة ودوبه راجع هو وروان من المستشفى بعد الغسيل روان طبعا بغرفتها وع سريرها ضغطها منخفض وفاقده وعيها جزئيا <<طبيعي هالشي بعد الغسيل وامها بالمطبخ وتسوي لها عصير وقلبها يتقطع ع بنتها اللي كل ما ترجع من الغسيل مهدوود حيلها خالد باقي نايم لأنو امس سهر مع اصحابة لين وقت متأخر وسعود بعد ناايم دوبه راد من الجامعه ام احمد تقول لأحمد وهي خارجه من المطبخ:حرام عليك يبه ليش توديها بعد المدرسه ع طول هي مهلوكه من الدوام وبعد تهلكها بالغسيل احمد:يمه شفتي امس بالليل شلون تعبت عشان فوتنا موعد غسيلها اللي راح ما يصير امه طلعت الدرج وهي تقول:الله يفرحني بعافيتها راحت لها بغرفتها وجلست وجلستها وصارت تشربها العصيير روان فتحت عيونها وقالت بتعب:يمه مو الحين تعبانه ابي ارتاح امها:اشربي حبيبتي ضغطك منخفض ما يصير روان شربت العصير بتعب ورجعت نامت وهي مهدوود حيلها وحتى مريول المدرسه ما مداها تبدله خرجت امها من عندها وراحت تصحي خالد فتحت باب الغرفه والنوروهي تقول:خالد قوم حبيبي ما يصير طول الوقت نايم خالد غطى وجهه باللحاف وهو يقول:يمه ما نمت زين امس تكفين بس شوي امه:قووم طيب صلي الظهر سحبت ع الدوام وبعد بتسحب ع الصلاه قووم خالد بتعب:يممه طييب بس شوي واقووم امه:خلاص الساعه ثنتين بيفوتك الوقت قوووم سحبته بقوه وقومته وهو قام بكسل وراح للحمام خرجت من غرفته وراحت لغرفة سعود فتحت الباب وهي تقوول:سعود حبيبي صليت الظهر سعود وهو يحط المخده ع راسه:ايه يمه تكفيين خليني اناام امه وهي خارجه وتقفل الباب:نوم العافيه حبيبي راحت وجلست بالصاله والضيقه باينه بوجهها طالع فيها احمد وقال:يممه ليه متضايقه امه بحزن:روان مقطعة قلبي ودي نلقا لها متبرع بسرعه والله خايفه عليها احمد بضيق وبعد هو شاايل همها:ما عليه يمة الله بيسرها لنا امه:الله يسمع منك شوي قالت:هالرجال اليي خطبها يعرف انها تعبانه احمد:ما اضن يمه بس بقول له واذا رضي الله معاه واذا رفض بكيفه امه:الله يعديها ع خير تنهد احمد وسند ضهره وهو يقوول:ياااارب يسرها علينا ... ببيت ابو فهد فهد نايم بغرفته وله نص ساعه من يوم ما رجع من الدوام شوي الا جواله يدق طنش وما رد عليه ورجع دق مرة ثانيه وما رد وثالثه وبرضو ما رد والمره الرابعه قام وهو معصصب حييل وشاف لقاها اخته صباح تدق رد وهو متنرفز:الو صباح:هلا حمود اخباارك فهد وهو يفرك وجهه بتعب:تماام شفيك داقه بهالوقت صباح:ليه لا اكون ازعجتك فهد بقهر:لا بس صحيتيني من النوم صباح:هههههههههه بالله كم لك نايم فهد:صبوحه اخلصي وش عندك بموت نوووم صباح:بس بغيت اقلك طفشاانه اليوم وابي اجي عندكم فهد:طيب ما يصير تدقين ع البيت وتقولين هالكلام لأمي ليه انا!! صباح بصحك:ههههه حبيت اسمع صوتك وحشتني فهد:طيب هاه سمعتيه يلا مع السلامه صباح:ههههه مع السلامه قفلت الخط وهو حط الجوال وجا بيرجع ينام الا امه فتحت الباب وهي تقول:يلا يبه قووم الغدا جاهز فهد دخل راسه تحت الوساده بقهر وقال:يممااااااااه بتغدا بعدين خليني انام امه بضيق:فهدووه قوم ابوك ما يرتاح الا اذا شافك مرتز ع السفرة فهد وهو يجلس بقهر:زيين قمت اصلا طار النوم امه:يلا بس الله يهدييك قام ودخل الحمام وبعدها راح وجلس يتغدا مع اهله شوي قال له ابوه:بتخرج اليوم مكان فهد:مادري بشوف احمد اذا بيطلع ولا مشغول ابوه:زين اذا ما بتخرج ابيك تمر للشركه وتوقع اوراق بدالي فهد:متى؟ ابوه:بعد المغرب فيه اجتماع مع الموضفين بروح له انا وانت خلص اللي قلت لك فهد:يبه ما تقدر تحطه بيوم ثاني ابوه:لا يبه روح اليوم قدها اوراق وترجع فهد:زين ... باليوم الثاني بالصباح روان قامت من النووم وكعادتها تعبااانه وهي خارجه من الحمام الا احمد بوجهها وقال لها:بتداومين اليوم؟! روان:ايه احمد:رورو انتي تعبانه شلون تداومين توك مغسله امس روان:طفش وش اجلس بالبيت اسوي ع الأقل بالمدرسه اغير جو شوي احمد:زين ارتاحي بس اليوم عشان لا تتعبين زياده روان بطفش:ياربيي خلاص حمود اذا حسيت نفسي تعبانه بتصل عليك احمد:رورو ما يصير روان:تكفى والله بمووت طفش وبعدين آخر سنه ومابي اغيب كثير يمكن ما عاد اشوف صحباتي بعدها احمد حزن لها وتنهد قال:زين واول ما تتعبين كلميني روان بفرح:طيب لبست مريولها وصارت تتجهز وهو خرج وراح للصاله وشاف خالد جالس ويفطر وسعود بيده ملزمه ومنهمك فيها وقال:خويلد انا بروح تأخرت ودي روان المدرسه خالد بضيق:شلون تداوم امس مغسله احمد وهو خارج:هي مصرة خلاص وديها خالد:فاضي انا للمشاوير احمد طالع فيه وقال:خالد سلامات مين بيوديها اجل خالد:زين زين توكل مو فايق لهواشك بعد سعود:اقلب وجهك انت وياه انا بوديها احمد ضحك ع هالمداخله وقال:سعود لا يطول لسانك سعود:الا بجد محد فايق لكم اذا ع روان انا بدويها بس اسكتو خالد وهو يقوم ويخرج:احسن ما سويت مو فايق لدلعها مع الصباح احمد طالع بخالد وهو خارج وقال:انت مو فايق لأحد اصلا الله يعينك ع نفسك خرجو وراحو لدوامهم سعود قاعد بالصاله وبيده ملزمته شوي الا نزلت روان وهي تقول:وين احمد سعود قفل ملزمته وقام وهو ياخذ كوب القهوه ويقول:راح لدوامه انا بوديك روان اخذت شنطتها وقالت:زين يلا خرجو ووداها لمدرستها وهي نازله قال:رورو روان:هلا سعود:لا تنسين اذا حسيتي نفسك تعبانه كلمي أي واحد منا روان وهي تقفل الباب:طيب نزلت ودخلت للمدرسه في المدرسه اول ما دخلت شافه صديقتها رغد جالسه مع الشله مشت لين عندهم وقالت:صباح الخير بنات اخباركم البنات:هلا صباح النور رغد:رورو شلون جيتي اليوم!! روان ابتسمت وقالت:وش اغيب اسوي الحمد لله مو تعبانه رغد:روان بس امس دوبك مغسله روان:اقول اسكتي بس قومي خلينا نمشي رغد قامت معاها وصارو يمشون ويسولفون شوي قالت روان:رغد تخيلي جاني عريس رغد:جد وافقتي ولا شلون روان:لا مادري يقول يبي يشوفني اول وانا بعد ابي اشوفه بس بنفس الوقت مابي احس مو مرتاحه ابد للزواج رغد:لييه؟! روان:مادري اقول ما اتزوج الا لين ازرع عشان اقلها ارتاح وما اجلس زي الحين استنى الموت بأي لحظه رغد:حياتي روان لا تقولين كذا وربي قلبي يعورني مو متخيله اني افقدك روان غصت وقالت:لالا تخيلي لأنه بيصير وربي صرت اعد ايامي ع يدي رغد بضيق وبكوتها بحلقها :روان بس اسكتي حتى لو انتي حاسه بهالشي لا تقوليلي مابي اعرف روان سكتت ودموعها بعيونها وقالت:بنفس الوقت احس جو البيت متوتر من يوم ما جا هالرجال اخواني كلهم مو مرتاحين بالذات احمد وامي بعد مادري شلون قلق رغد:مو عشان شي حياتي صدقيني بس خايفين عليك روان تنهدت وقالت بضيق:متى افتك من خوفهم علي من اهون شي خلاص ابي احس ولو مرة اني بخير رغد:ما عليه حياتي كلنا حاولنا نتبرع لك بس الله ما قدر كل أنسجتنا ما طابقت ع انسجتك روان سكتت ودموعها بعيونها وقالت:ودي والله تكون عمليتي بكرة وارتاح من الغسييل والله مرة عذااب هو وحده رغد:بس روان انسى خلاص ان شاء الله تلقين متبرع روان وهي تمسح دموعها:إن شاء الله شوي جات المراقبه ودخلتهم للمبنى وراحو ع فصولهم وبدت الحصص ... احمد منشغل بدوامه ومعصصب حيييل لأنه اننكرف ع وجهه شوي الا جواله يدق وع طول رد من دون ما يشوف وهو يفكر انها روان:هلا روان فهد:هلا حمود سلامات انا فهد احمد وهو يتنهد:سوري بس كنت انتضر اتصال من روان فهد:اهاا شكلك قلقان عليها احمد:ايه حييل دوبها امس مغسله واليوم اصرت الا تداوم وخفت تتعب فهد:الله يعينك ويشفيها يارب زين داومت انت اليوم احمد:ايه انا الحين بالدوام يا شيخ غااثني فهد:هههههه اليوم فاتني ما صحيت بدري وكبرت الوساده احمد:هههههههه اصلا ما تهتم له اساسا فهد:هههههه يلا بس قلت لو انك مو مداوم نفطر مع بعض احمد:ماعليه نعوضها يوم الأربعاء ههههه فهد:هههههههه يلا فمان الله احمد:فمان الله ... روان خارجه من المدرسه بتروح البيت ركبت السيارة مع احمد وحطت شنطتها بتعب جنبها احمد طالع فيها وقال:تعبتي رورو روان وهي تتنهد وتسند راسها:اييه انهلكت احمد:لو سمعتي كلامي ولا داومتي روان بطفش:لا بس بيمديني ع الغياب احمد ابتسم وهو يعرف سبب تعلقها بالمدرسه وقال:طيب اذا عشان صحباتك اعزميهم عندك بالبيت عادي روان تنهدت وقال:بعضهم اهاليهم ما يرضون ولا عادي عندي احمد يبي يسأل عن رغد وقال:طيب صديقتك اللي دايم معك اهلها يرفضون؟ روان:قصدك رغد لا عادي هي بس اقصد باقي البنات احمد ارتاح وقال:زين رورو لا تتعبين نفسك كثير روان بضيق:طيب احمد كمل طريقه ووصلو للبيت ولقيو امهم جهزت لهم الغدا احمد:يمه خالد رجع امه:ايه رجع قبلك شوفه نايم احمد:ليه ما يتغدى امه:تغدى قبلكم رجع معصب وجهزت له غداه واكل ونام احمد بملل:اصلا هو طول عمره معصب روان وهي تتذكر قبل ما تمرض وقبل ما يموت ابوها خالد ما كان كذا كان دايم يضحك ويستهبل ويمزح وكان هو وسعود دايم مع بعض بمقالبهم وهبالهم بس مرض ابوها وقرب يموت بدا يتغير وتغيير طبعه اكثر عقب موت ابوه ومرضها قالت بضيق:حمود خلود ما كان كذا تتذكر شلون كان هو وسعود احمد:اييييييييه تغيير حييل بس يبي له احد يفهمه لأن طبعه صار حااد حييل وما اضن في احد يتحمله امه:الله يفرجها من مات ابوك وحنا من مشكله لمشكله احمد وهو يقوم بضيق ويطلع لغرفته:روان كلمني حمد اليوم يقول بيجي يشوفك <<حمد الرجال اللي يبي يخطبها روان بقلق:متى؟! احمد:اليوم بعد المغرب روان بقلق:ياربييي ليه اليوم قامت لغرفتها وما قدرت تنام طلعت كل ملابسها وصارت تبي تختار والوان المك اب وحوووسه بالنهايه رمت كل شي بملل ع سريرها وكانت تعبااانه حييل وقالت وهي ترمي نفسها ع مخدتها وتنعس:بتعّب نفسي بالنهايه بيرفض مين بيتزوج وحده عندها فشل كلوي خليني بأحلامي بس ... بعد المغرب فهد يدق ع احمد يبي يطلع معاه بس احمد اعتذر عشان حمد بيجي يشوف روان فهد قاعد بالبيت وطفشاان احمد مشغول وما راح يطلع معاه والشباب دقو عليه وما يبي يحتك فييهم ابد فسللك لهم اما ببيت احمد وصل حمد وروان بغرفتها وبرضو مربووكه وقاعده تحووس بأغراضها شوي جلست وصارت تبكي دخل سعود وشافها وقال بضحك:سلامات رورو شفيك تبكين حمدووه تحت بالمجلس يستناك روان بعصبيه وهي ترمي الروج من يدها:باقي مو جاهزه سعود ضحك وجلس ع سريرها وهو يقول:ليه معصبه طيب شوي شوي كسرتي الغرفه روان جلست بقهر وقالت وهي تبكي:مابي اشووفه مابي خلااااص سعود:يا بنت الرجال بالمجلس يلا بس اجهزي بسرعه روان بقهر:مابييي سعود عرف انها مرتبكه ومتوتره وقال:طيب قولي وش معصبك روان بعصبيه:شعري مو مزبوط والفستان مو عاجبني كل شي مو حلو مابي يشوفني كذا سعود وهو يلعب بشعرها:بالعكس والله يجنن والفستان بعد حلوو مرة لو انا الي بشوفك كان طرت فيك هههههههه روان بقهر:وانت وش يعرفك بهالأشيااء اه بس ياليت عندي اخت كان ساعدتني شوي سعود بإستهبال:اصير لك اخت واخو واللي تبينه بعد روان:سعود مو رايقه لك سعود وهو يضحك ويزبط شعرها:رورو يلا والله انك قممر روان كملت تجهيزها بسرعه وخرجت وراحت للمجلس شوي سعود وقف قدامها قبل لا تدخل وقال بضحك:رورو شفيك فكي حواجبك كأنك داخله تضربين الرجال روان وهي تبتسم:زين احمد موجود سعود:ايه تبيني ادخل معاك بعد روان:هههههههه ياليت بعد وخالد معاك سعود:هههههه لالا خالد بيعصب ع الرجاال روان:ههههههههه دخلت وهي مبتسمه بس استحت تطالع بحمد وعيونها ما فارقت عيون احمد وهو مبتسم لها جلست جنب احمد وقبال حمد حمد ما نزل عيونه من عليها وباين من نضراته انها عجبته حييييل كان يبي يتكلم بس ما يدري ليه فجأه راحت كل الجرأه اللي كانت مع احمد قبل ما تدخل روان منزله عيونها ويادوب ترفعها وترجع تنزلها وبدت ترتبك ويبان الخوف بوجهها ... روان قامت بتخرج بعد ما قال لها احمد هالشي بس قال حمد:لحظه خلاص انا بجد ابيك بس ابي اسمع رائيك فيني الحين مافيني انتظر احمد كان يبيها تخرج عشان يقول له انها تعبانه عشان ما تكون رده فعله قدامها بس هي وقفت وصارت تطالع بحمد واحمد وهي ما تدري وش تقول وقطع هالصمت احمد وهو يقول بقلق:حمد حتى لو عرفت ان عندها فشل كلوي روان انقهرت من احمد وقالت بخاطرها:اوووووووووه هالمرض كابوووس بحياتي متى ارتاح منه لا حموود مو قدامي مابي انصدم حمد يوم سمع كلام احمد صار يطالع بروان ويقول بصدمه:فشل كلوي !!! روان تجمعت دموعها بعيونها وهي تكره نفسها اذا تذكرة انها مريضه بهالمرض وصارت تقول بخاطرها بقهر:ليه كذا يا احمد ليه قدامي وهي خارجه بسرعه ما تبي تسمع وش بيقول قال حمد وهو يقوم ويعطي احمد حق شوفته:لا معليش اخوي ابتلش فيها انا لالا الله يستر علينا وعليكم روان سمعت كلامه وصارت تمشي لغرفتها بقهر وتبكي اما احمد صار يطالع فيه بقههر ويقول بخاطره:في اسلوب ثاني يا حقييييير! خرج حمد من البيت واحمد راح للصاله وشاف امه وع طول قالت له:شفيها روان تبكي ووش قال حمد تنهد احمد بضيق وقال لأمه:وينها الحين امه وهي توقف قدامه:احمد قو لي وش قال لها احمد قال لأمه وامه قالت:ياربييي وش هالمشااكل قام احمد وهو طالع سعود كان نازل وباين انه مستغرب وقال لأحمد:وين رايح احمد:لروان بغرفتها صح؟ سعود:ايه ومعصصبه حييل قبل شوي بغت تاكلني احمد طلع لغرفتها ودق الباب وهو يقول:روان افتحي شوي بكلمك روان وهي تبكي:مابي اكلم احد مابييي وخرو عني احمد بحزن:روان قلت افتحي روان بعصبيه:مااااااااااااااااااااابيييييييييييييييييي احمد انقهر منها ونزل وهو نازل خالد دوبه راجع من عند اصحابه لاحظ ان جو البيت كئيب وكلهم مستائين قال بإستغراب:هاه مصيبه جديده ؟! احمد وهو يجلس بقهر:انثبر شوي مو ناقصينك خالد طالع فيهم كلهم وجوههم مقلوبه وقال:سلامات روان فيها شي سعود:مادري خرجت من عند حمد واحمد وهي معصبه ودخلت غرفتها والحين معصصبه حييل خالد طالع بأحمد وقال:قول وش فيها حمد قال لها شي؟ احمد بقهر:رفضها .. ما يبيها خالد وسعود مع بعض:لييييه؟ احمد:عشان الفشل الكلوي سعود:طيب روان كانت متوقعه هالشي غريبه انها تنرفزت لهالحد احمد وهو مقهوور من حمد قال:لأنه قال بوجهها مابي ابتلش فيها الله يستر علينا وعليكم خالد عصب وقال: وانت ساكت وما قلت شي احمد بعصبيه:وش تبيني اقول خالد بعصبية وبصوت عالي:من الأساس اصلا انا نهيتك عنه هالخسيس مو مرتاح له من يوم ما شفت خشتك وانت بوجهك مصر وجع ان شاء الله والحين تقول بإيش ترد عليه لا ومسوي انك انت الحنيّن عليها وبالنهايه تنكبها كذا وبكل بساطه وش تبيني اقول وجججع احمد سكت وما رد عليه وسعود بعد كان معصب من احمد بس سكت وما تكلم وامهم صارت تهديهم روان بالغرفه يوم سمعت صراخ خالد قامت وفتحت الباب تبي تسمع وش يقول بعد ما سمعت كلامه خرجت من غرفتها ومشت للصاله وهي تمسح دموعها وتبي تخاصم خالد خالد يوم شافها قال لها بنفس العصبيه:وانتي ليه تنكدين ع نفسك عشانه خليه مع نفسسه مو ناقصين نكد احنا فينا اللي يكفينا احمد طالع بخالد وقال:ياهيييييييييييييييه معصب روح مع نفسك هناك ما تفك حرتك فيها خالد:ع تراب الحين طلع لك لسان وينه قدام حمد بلعته وانطميت احمد وهو يدفه ويخرجه من الصاله:اقلب وجهك ولا تتكلم معاي بهالطريقه خالد خرج وهو مقهووور ومعصب احمد راح وجلس مع روان وصار يكلمها ويهديها ... بعد العشاء احمد كان ضايق صدره حييل ودق ع فهد اللي ما صدق خبر من الطفش وخرجو يغيرون جو فهد قاعد هو واحمد ع البحر احمد جالس وساااكت ما يتكلم وضااايق صدره حييل فهد يبي يخفف عنه وقال:احمد شفييك احمد بقهرما صدق احد سأله مقهووور ويبي يفضفض:حمدووه الحقيير وقال له كل اللي صار ع روان فهد طالع فيه وقال:ما عليه لا تضايق نفسك عادي هالشي وانت المفروض ما تقبل انه يشوفها ابد بعد احمد مو معقوله ان اي احد يقبل يتزوج مريضه بالفشل الكلوي احمد:ما توقعت يسوي كذا ابد وسكت شوي وقال:قلت يمكن يتبرع لها حمد لأنه كان متعلق فيها حيل فهد طالع بأحمد بإستغراب وقال بعصبيه:تستهبل انت يعني كل ما جا واحد بتوريه اختك عشان يحن عليها ويتبرع لها لو عرفت هالشي روان قسم بالله لتفضل الا انها تموت ع حركتك هاذي لو انا مكان خالد بعد كان ذبحتك احمد صار ساكت شوي قال:فهد مو هذا قصدي بس هي تعبت حييل من الغسييل ما تصدق قد ايش متحطمه من كل شي والطريق اللي تعرفه للمستشفى ولا البيت ولا المدرسه فهد مو متحمل اشوفها بهالحال ابد توقعت حمد يسويها مو معناتها اني بعرضها ع كل واحد بس حمد ما توقعت تكون ذي رده فعله ولا كنت بقول له قبل لا يشوفها انها تعبانه فهد بقهر:برضو غلطااااان ومليون غلطااان انت تعرف حالتها زين ما يحتاج هالشي والتبرع ما راح يجي كذا لو كان بيتبرع كان راح للمستشفى وخلص كل شي وطمنكم احمد ضاق صدره زياده وقال بقهر:كل يوم يمر ع روان تتعب اكثر واكثر حتى لو كانت تكابر وما تقول لنا يبان بتصرفاتها انها خلااص رااايحه تجمعت دموعه بعيونه وهو يقول:هالألم تقاسيه وحدها وتخبي عنا عشان ما نقلق بزيااده ما اقدر انام الليل اذا مريت بجنب غرفتها وسمعتها تتألم وفوق هذا كله تكابر وتحاول تبين لنا انها بخير وتبي تعيش حياته طبيعيه سكت شوي وكمل وهو يمسح دموعه:هي اكثر وحده كانت فرحانه بحمد لأنها حست ان احد عاملها كأنها مو تعبانه كل اخواني كانو يقولون لي ارفضه وما ازوجها لين ما تزرع كليه بس شفت الفرحه بعيونها وما حبيت انكد عليها قلت خليها تعيش اخر ايام حياتها بفرح بس زادها حمد كئابه فهد حزن كثييييير ع صديقه وقال وهو يربت ع كتفه:احمد رزقها عند ربي وهو الي قدر لها كل هذا الله اخذ منها كليتينها راح يعوضها خيير خلاص ادعو لها وان شاء الله الله بيفرجها احمد سكت وصار مسرح بالبحر وبراسه تدوووور كل هموومه وقال بخاطره بقهر:الله يرحمك يبه شلون كنت متحمل هذا كلله ... فهد رجع للبيت وهو حزناان حييل ع احمد وع حالة روان اللي كل مالها تتدهور اكثر واكثر انسدح ع سريره بضييق وصار يفكر فيهم شوي دخلت امه وهي تقول:وينك ليه تأخرت فهد:كنت مع احمد ما تأخرت كل يوم اجي بنفس هالوقت امه بضيق:زين الحين قول لي وش قلت بسالفه نورة فهد تنهد بضيق وقال:المفروض ما عاد تسأليني في هالشي امه:لا بسألك واللي براسي بسويه فهد انقهر وقال وهو يجلس بعصبيه:ماراح اتزوجها ولا ابيها امه بعصبيه:وش فيها طيب وش يعيبها فهد وهو ما يتمالك نفسه من العصبيه:لا بالله وش يعيبها بعد ذييك الحقييره انا اتزوجها مستحيييييييييل لو على موتي بس لا عاد تجيبين سيرتها ابببد ابوه سمع صراخه وجا وهو معصب لأن فهد يصرخ على أمه وفتح باب الغرفه وهو يقول بعصبيه:لا ترفع صوتك ع امك ولا تكلمها بهالطريقه فهد سكت وصار جالس بعصبيه ع سريره امه قفلت الموضوع لأن ابوه ما يدري به وابوه قال بعصبيه:هاذي نهاية تربيتي تكلم امك بهالطريقه يا قليل الأدب طرااااخ<<فهد اكل كف ع وجهه من ابوه وامه دفة ابوه عنه وخرجته برى الغرفه وصارت تخاصمه عشانه ضربه فهد عصب وقفل باب غرفته بقوه وبالمفتاح وخلى امه وابوه يتخاصمون برى انسدح ع سريرة وهو مقهووووور ويقول:نوورة ما بقى الا هي والله لو اتزوج عبدة تكرونيه ولا اتزوجها مالت عليها وع وجهها مو عشان حلاتها وغنى عائلتها اتزوجها واخلااقها زي الزفت وبعدين بعد احنا اغنى منها ومن اهلها وجعع شبعان فلوس مو محتاجها نكد بحياتي ... باليوم الثالث روان تتجهز عشان تروح للمستشفى تغسل احمد جالس بالصاله ويستناها شوي قال:رورو بسررعه مواعد فهد ومابي اتأخر عليه روان وهي تنزل الدرج:زين زين مو طاير فهد هههههه احمد ضحك وقال:بسرعه جد والله تأخرت نزلت وركبو السياره وهم بالطريق للمستشفى احمد يطالع بروان وهي مسرحه شوي قال:رورو بإيش تفكرين روان انتبهت وقالت:هممم لا ولاشي احمد:صدق !! ليه سرحتي طيب؟ روان ضحكت وقالت:قلت ولاشي احمد ضحك وكمل طريقه وصلو للمستشفى ونزلو واتجهو لغرفه الغسيل وكالعاده جلست روان ع الكرسي وبدت الممرضه تغرز الإبر بجسمها وهي تتألم بصمت خلصت الممرضه شغلها وشغلت جهاز الغسيل جلس احمد وصار يطالع بروان وهي عيونها بالأنبوب اللي يسحب دمها من جسمها وشوي شوي بدت تفقد وعيها وبدا ضغطها ينخفض قالت وهي بالحيل تتكلم:حمود احمد:هممم روان:اكره هالجهاااز نفسي اككسره<<تقصد جهاز الغسيل احمد طالع فيها بحنان وقال:ما عليه رورو ان شاء الله ترتاحين منه روان ما ردت وفقدة وعيها كليا الموضوع الأصلي: ®°•.¸. رفضت أسكن صدور الناس،،وجيت أسكن وسط صدرك ®°•.¸~من تأليفي~ || الكاتب: ضجة مشاعر ~ || المصدر: منتديات كلك غلا
المصدر: منتديات كلك غلا ®°•>¸> vtqj Hs;k w],v hgkhsKK,[dj ,s' w]v; ®°•>¸Zlk jHgdtdZ ls;k ,s' hgkhsKK,[dj jHgdtd vtqj w],v w]v; ®°•¸ 
|
|
أخر 5 مشاركات ضجة مشاعر ~
|
|||||
| المواضيع | المنتدى | المشارك الاخير | الردود | المشاهدة | آخر مشاركة |
|
®°•.¸. رفضت أسكن صدور الناس،،وجيت أسكن وسط صدرك...
|
كلك غـــلآ_ للروايات الطويلة | 24 | 9856 | 01-02-2013 12:41 PM | |
|
قررت ابتعد عن كل شخص يسبب لي. الصداع
|
๑۩۞۩๑ نـبض الـخواطر ๑۩۞۩๑ | 1 | 1060 | 01-02-2013 11:00 AM | |
|
موطننا الأبدي ... موثر جدا ارجو من الكل المرور..
|
๑۩۞۩๑ نفحات ايمانيه ๑۩۞۩๑ | 9 | 1267 | 09-14-2012 12:06 AM | |
|
حركات والله صرنا مشهورين يا أهل الجنوب هع هع ..
|
سوالف وصرقعة | 12 | 3426 | 09-13-2012 11:35 PM | |
| مواقع النشر (المفضلة) |
| الكلمات الدلالية (Tags) |
| مسكن, وسط, الناس،،وجيت, تأليفي, رفضت, صدور, صدرك, ®°•¸, ®°•¸من |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لا تخليني على الدنيا وحيد~||من تأليفي||~ | ضجة مشاعر ~ | كلك غـــلآ_ للروايات الطويلة | 41 | 09-13-2012 05:21 AM |
| مسكن قلمي .....وكتبت | أإميرأإلمشأإعر | ๑۩۞۩๑ عـام .. مساحه حره ๑۩۞۩๑ | 4 | 07-24-2012 06:57 PM |
| قصه من تأليفي | α7saS | ๑۩۞۩๑ القصص والروايات ๑۩۞۩๑ | 7 | 06-25-2011 10:22 AM |
| جيت قلب وجيت روح وجيت شوق | الحرف العنيد | ๑۩۞۩๑ للقصائد مـذاق ๑۩۞۩๑ | 4 | 05-11-2011 11:21 PM |
| لجنة الاستنئاف رفضت ضم الدوخي دون مواد نظامية | مشغول في حاله | ๑۩۞۩๑ عالم الرياضه ๑۩۞۩๑ | 0 | 09-14-2009 07:36 PM |
All times are GMT +3. The time now is 10:50 PM.