|
๑۩۞۩๑ لـلأقـلأم الحـصريه ๑۩۞۩๑ ۞ قسم بختص بالاقلام الحصريه الخاصه لكلك غلا يمنع المنقول ۞ |
|
أدوات الموضوع | انواع عرض الموضوع |
#1
|
|||||||||
|
|||||||||
المرشح رقم 999
المرشح رقم 999 الفترة اللي راحت كنت متسدح بالصين .. و رجعت قبل يومين .. وانا داخل مع أول دوار لقيت لوحة كبييرة وصورة واحد ومدري وش كاتب قلت ما شاء الله تطورت الديرة الظاهر في محاضرة اليوم وفي نفس الدوار صورة ثانية وثالثة ..!! وش السالفة ..!! لما وصلت عند الإشارة ..!! إنتخابات ..!!! أفا مااحد قال لي ؟؟ على طووول اتصلت عليهم .. ليه مااحد قال لي عن الانتخابات ؟؟ أنا ابغى أترشح .. وبما أن التسجيل انتهى صار إجتماع على مستوى عااالي في حارتنا والحارات اللي جنبنا .. انتهى الإجتماع بقرار وضعي ضمن المرشحين ..>> ورقمي كان 999 كل المرشحين كانوا مستعدين من بدري وفرصة إني أفوز بالإنتخابات شي مستحيييييل ..!! وماعندي غير يومين أرتب فيها حملتي الإنتخابية حطيت خطة ولا أكبر راس يفكر فيها .. أول شي سويت رجعت لنفس الدوار .. وحطيت أكبر وأحلى لوحة بالدوار .. الحين الخطوة الثانية .. مسكت الجوال واتصلت مع إن علاقتي مع هذا الشخص كانت سيئة بآخر الأيام المهم اتصلت علية اوباما : هلو بقايا زمان ماسمعنا صوتك .. : هلا انت مداوم للحين ؟؟ اوباما : ايييه مداوم , و سمعت إنك دخلت الانتخابات . : من قالك ..!! المهم ضبطني بحملة انتخابية . اوباما : اترك الموضوع علي . دقايق وكان العالم كله ماعنده سالفة غير المرشح رقم 999 نجي للخطوة الثانية .. من يفكر في هذا ..!! بلاتر : هلو هلو بقايا . : هلا بك وينك يالقاطع ولا علشان منتخبنا صار دجة ماعدت تتصل ..؟؟ بلاتر : نو نو منتخبكم من زمان دجة بس علشانك مانزلته تحت المية في التصنيف .. : المهم أكيد دريت عن الحملة الانتخابية حقتي .. بلاتر : يس دريت آمر تبي فزعة . : أكيد يابو مايحتاج أوصيك شوف شغلك .. بلاتر : أوكي أبشر . ياااااسلام شوفوا الشغل .. للحين ماشي أوووكي .. باقي الخطوة الثالثة .. الإعلام .. مايجبها إلا هذا .. قرداحي : أهلييين خيو بقايا كيفاااك ؟ : منيح وينك ما عاد بينت من زمان ما شفنا لك برامج ؟؟ قرداحي : شو بدنا نعمل ياخيي الشغل واقف . : أفااا يعني قاعد بالبيت ..!! لاتشيل هم راح أضبطك .. بس ابغاك توقف معي بالانتخابات .. قرداحي : تأمر أمر ولو .. راح أعمل حلقة إستثنائية مشانك . : كفو بيضها ما ووصيك . قرداحي : شو أبيضها ...!! : ها ..!! شوف شغلك بس . بيضها قرداحي سوى حلقة إستثنائية في من سيربح المليون .. وانتهت فترة الحملة الإنتخابية ويوم النتايج مقدم الأخبار : وكان فوز بقايا جنون بالإنتخابات متوقعاً لما يملك من خبرة وعلاقات وواسطات .. والآن أترككم أعزائي المشاهين مع نتيجة التصويت التي إكتسحها بقايا جنون .. مقدم الأخبار : معنا بقايا جنون في إتصال هاتفي . مقدم الأخبار : أستاذ بقايا بالبداية أبارك لك هذا الفوز المستحق وماهي كلمتك للذين إنتخبوك . أولا أشكر كل من انتخبني وأقول لكم أنا طالع إجازة أرجو منكم عدم الازعاج .. *** أتمنى تكون أعجبتكم بقلم : بقايا جنون تحياتي للجميع ,, المصدر: منتديات كلك غلا hglvap vrl 999 hglvap |
أخر 5 مشاركات بقايا حب | |||||
المواضيع | المنتدى | المشارك الاخير | الردود | المشاهدة | آخر مشاركة |
كيف تسعد العالم ؟؟ | ๑۩۞۩๑ عـام .. مساحه حره ๑۩۞۩๑ | 12 | 1654 | 04-10-2012 09:00 PM | |
سؤال من القمر | ๑۩۞۩๑ النقاش الجاد ๑۩۞۩๑ | 15 | 1861 | 04-04-2012 09:57 PM | |
طفلة في الـ20 | ๑۩۞۩๑ لـلأقـلأم الحـصريه ๑۩۞۩๑ | 10 | 1787 | 03-27-2012 06:01 PM | |
المرشح رقم 999 | ๑۩۞۩๑ لـلأقـلأم الحـصريه ๑۩۞۩๑ | 17 | 3732 | 09-22-2011 06:19 AM | |
إمبراطورية بقايا جنون (قصة) | ๑۩۞۩๑ لـلأقـلأم الحـصريه ๑۩۞۩๑ | 14 | 6761 | 09-09-2011 03:37 AM |
مواقع النشر (المفضلة) |
الكلمات الدلالية (Tags) |
999, المرشح, رقم |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|