استحي من صديقاتي ومدرساتي يشوفووون امي....

من , ومدرساتي , امي , استحي , يشوفووون , صديقاتي

استحي من صديقاتي ومدرساتي يشوفووون امي....

..السلام عليكم..

..كيفكم وكيف امهاتكم الله يطول باعمارهم ..

..ويخليهم لكــــــــم..

استحي من صديقاتي واستاذاتي يشوفون امي

كلمة سمعتها كثييييييير

في المدرسه..

وفي غير المدرسه...

بالبداية بتكلم عن امـــــــي
امي ربي يطول بعمرهاا دارسة بس ما كملت >>>تقر شوي وتكتب


بنص عمرها..ربي يخليها لنا

لبسها عاااادي

هيئتها لما تجيني بالمدرسة

عباية راس

ماعليها لاكلفة ولااشي

بعضكم يسميها الاسلامية

لابســه جلابيه عاديه..
صندل وانتم بكرامة

برضو عاادي لانها تلبس الطبية

وربي افرح اذاشفتها جاية المدرسة بالأحتفالات

وامشي بين صديقاتي واصارخ

امي جت امي جت امي جت

عند المعلمات تهاوشني
لما يشتكولها مني..ومن شطانتي


ومره كان عندي مجلس امهات بس كل صحباتي قالو ما بينادون امهاتهم قلت لا امي الحبيبه ولازم اناديها ... رحت للبيت وقلتلها عندي مجلس امهات تدرون ... انبسطت ...فديتها يا ناس
وفعلا راحت بس ما شفتها ..ولما رحت للبيت جري عندها...وش صار وايش قالوا...قالت المجلس مو مهم ومافي امهات كثير ..
قلتلها اهم شيء كنتي فيه يا الغلا ...ربي يخليها لي ولا يحرمكم من امهاتكم..
بنات والله شعور راااائـــــع لما تســـأل عنك امك

لما تمشين بين الزحمة وتقربين من استاذة وتقولين

ابلة هذي الوالدة بتسلم عليييك

لما تستلمين شهادة وينادون اسمك قداام عيونها

وتحس انها فعلا ربـــت بنـــــت وتربيتها مااخـــآبت

لييش تنحرجين وغيييرك كثثثير والله يتمنى
..ليش تنحرجين وهي امــك ايــــــــــه امــك الي ما تقدرين تجلسين يومك في البيت وهي مي موجوده بدون ما تسألين عنها...وين أمـــــي؟؟؟
..كيف تستــــــحيــــــن؟؟؟

هــــــذي امـــــــــــــــــــــــــــك

جنــــــــــتــك

تستحيين من جنتك؟؟

والاغلبية لما ســألتهم لييش تنحرجين؟؟

تقول من شكل امي
..وش فيه شكل امك..
..امك جابتك واكيد تشبهيها تستحين من نفسك ؟؟؟
..وش فيه شكلها؟؟

شكلهاا مررة عــآدي ومو كشخة

>>>ودي اذبحهم ذيك اللحظة

ويـــآحلاتهـ من شكل

لييش تبين امك تماشي اللي عمرهم بالعشريين

وتصير مصخرة >>>اعذروني ع الكلمة

اي وحدة تخجل من امها امام صديقاتها ومعلماتها

جربيها مــرة وحــدة وخليك وآآآآآثــــقة من نفسك

وقوليلها تجي مدرستك

حتى لو ماافية احتفال او مجلس امهات

قولي يمةابيك تسألين عني عند مدرساتي

واذا جت المدرسة امشي معاها

وعرفي صديقاتك عليها

و يمة هذي معلمة التاريخ
و ذيك الكيمياء
و ذيك الانجليزي

ادخلي معهم بالسوالف >>>>بين امك ومعلمتك

واتحداك بعدها اذا ماقلتي

انــــــــــآآآ كنـــــــت غبيــــــــــــــــــــــــــــــة


بتحسين بطعم الفرحة لما تمدحك المدرسة قدامها

ولما ترجعين البيت وتقولين ع الغدآ

امي اليوم جتني المدرسة وسألت عني

وشوووفي الاسئلة اللي بتجيها من اخوانك وخواتك

شقالو المدرسات

سبووهااا

امدحوهاااا

>>>>لزوم الاستجوااب

بناااااات بطلوو تفكييير

بيجـــي يوم وتتمنين انها تجيك وتسأل عنك
..ولما تصيري ام وتقلك بنتك ما ابيك تروحي المدرسه استحي صحباتي يشوفونك..وش بتسوين ذيك الحظه تتمنين الارض تنشق وتبلعك ولا تسمعين ذا الكلام..ولا تتمني يرجع الزمن ويتغير كل شيء..

مهمااا كانت هيئتها وشكلها وعطرهاااا

تبقى هي حبيتك وامـــــــــك
..تحزن لحزنــك ..
..وتفرح لفرحتك..

لاتحرمونها الفرحة ..

ولا تححرمون انفسكم شعـــور في قمــــة الروووعـــــــــــــه
..استغلو الفرصـه امكن يجي يوم وما تلاقيها موجوده >>> عسى هاليوم ما يجي يارب..
..ويجعل يومي قبل يومــك..



..آحـــــــــــــــــــــــــــــــبـــــــــ ـك يـــــــــآ يـــــــــــــــمــــــــه..
..وربـــــــــــــــــــــــــــــــــــــــــــــــ ـي آحــــــــــــــبــــــــــــــــــك..

..آنتــظر تفـــــــــآعــــــــــلكـــــم..

الموضوع الأصلي: استحي من صديقاتي ومدرساتي يشوفووون امي.... || الكاتب: يوسفية الملامح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

تسلمين يالغلا على الموضوع الراااااااااائع
أمي على العين والراس ليه استحي من كذا الله يخليها لي يارب
فديتها وفديت التراب التي تمشي عليه

يعطيك الف عافيه