الاختلاف لايعنى خلاف

لايعنى , الاختلاف , خلاف

الاختلاف لايعنى خلاف

اول حاجة عشان نتصالح مع الحياة هي فهم الاختلاف بين البشر...انت مختلف عن اللي حواليك (سواء صاحب او زوج او ام او اب) واللي بيضايقك مش هو نفسه اللي بيضايقه
قيمكم مختلفة...اهتمامتكم مختلفة...وجهات نظركم مختلفة...حياتكم والظروف اللي مريتوا بيها والمعتقدات برضه مختلفة
فلما حد يتصرف تصرف مش عاجبك متاخدوش بشكل شخصي...ممكن يكون الشخص ده مش عامل كده عشان يضايقك انت بالذات...مقالش الكلمة دي عشان يحرق دمك...منساش يجيب اللي طلبتيه مخصوص عشان يغيظك
العيب في حياتنا بجد اننا عايشين في نظرية المؤامرة طول الوقت
اشمعنى انا بحافظ على مشاعرهم وهما محافظوش على مشاعري...ونقعد نعيط ونشوف اد ايه احنا مظلومين
طيب فكرت للحظة ان اللي ادامك مكنش يعرف!!! بمعنى ان الموقف ده بالنسبة له حاجة عادية لو حصلتله هو نفسه مش هيضايق وبناء على كده بيهملها مع كل البشر عادي...مش انت بس يعني مش استقصاد!!
ممكن انت تكون بتهتم بالتفاصيل واللي ادامك بيمشي بمبدأ شقلب واقلب
قبل ما تحكم عليه انه مهمل فكر في الاختلاف بينكم...فكر انها ممكن تكون حاجة مش مهمة بالنسبة له...راحته اهم عنده من وجع الدماغ اللي هو بالنسبة لك دقة وتفاصيل ومثالية
عايزين نبدأ نتقبل الاختلاف
جوزك لما مهتمش هو مكنش يعرف انه لازم يهتم او ممكن تكون طريقته في الاهتمام مختلفة عن اللي بتحبيه...عرفيه بطريقة لطيفة وتقبلي انه لسه هيتدرب عشان يعلي القيمة دي عنده
صاحبك لما راح مكان وسابك مكنش يعرف انك هتزعل...هو بس قيمة الحرية عنده عالية فمش بيحسب كل اموره انه لازم يعرف اللي حواليه ...في حين انك اجتماعي ومش بتروح مكان غير لما تقوله...وعلى فكرة مش شرط بتعمل كده جدعنة انت ممكن تكون بتعمل كده عشان مش بتحب تروح لوحدك 😃
حاولوا تبصوا لوجهة نظر اللي ادامك وتفهم وجهة نظرك انت شخصيا كويس اوي قبل ما تصدر اي حكم او تاخد موقف
{ اكيدفي ناس تانية بتقصد او بتكون نيتها سيئة بس الغرض من البوست هو اني محطش كل الناس في خانة النوايا السيئة ولما نفهم الموضوع اكتر عن طريق تغيير تفكيرنا هنعرف نفرق ساعتها بين طبيعة الشخص اللي قاصد يؤذينا وطبيعة الشخص المختلف عننا}

الموضوع الأصلي: الاختلاف لايعنى خلاف || الكاتب: ذابحني غلاك || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

موضوع
غاية فى الروعة