آخر 10 مشاركات
|
|
|||||||
| ๑۩۞۩๑ القصص والروايات ๑۩۞۩๑ ۞ قصص وروايات لتمتعو بها قلوبكم وعقولكم ۞ |
 |
|
|
أدوات الموضوع | انواع عرض الموضوع |
|
#1
05-24-2010, 04:43 PM
|
|||||||||||
|
|||||||||||
لو تحطم لك امل ....اعرف ان الله يحبك وابتسم
~ { مدخل ,,,, { لـۈ تحطّم لگ أمل إعرفـ أن الله يحبـگ ۈ أبتسمْ ِِِِِِ مدري كيف ابدا ,, او ايش اكتب .. كل اللي اعرفه بذي اللحظه اني بقمه فشــ......... لأ .... لأ ...... كل اللي اعرفه اني حاولت وربي ماكتب لي التوفيق جاهدت ,, ثابرت ,, تعبت ,, بس ربي ما كتب لي السداد ,, سبحان الله يمكن ربي يحبني ,!!, وشايف لي الخير ,, اللي انا مو عارفه وينه ؟,, *** بعد تفكير ,, وبعد شد وجذب مع مشاعري ,, ورغبتي ,, وكبتي لصرخاتي بداخل قلبي ,, قررت اكتب لكم ,, قصه فقدي لأهم فصل من فصول حياتي اللي انتهى بنص الطريق اللي هو ( فصل دراسه بحر وغروب ) لعلي مع سرد احداثها اولا ,,, تسليه قلبي والترويح عن كتل الحسره اللي بداخله ثانيا ,, لعلي القى منفذ يقنعني بنهايه القصه الحتميه يمكن لا كتبتها وقريتوها اقتنع تمااااما بالنهايه ,,, طبعا انا راضيه فيها كل الرضى ,, لكن الحزن لازال ملازمني ثالثا ,, واهم شي عشان كل واحد متكاسل او مو عارف مدى النعمه اللي هو فيها بعد مايقرأ قصتييحمد ربه ,,, ويحافظ على دراسته لان الدراسه كنز ثمين للأنسان وسلاح قوي ولابد منه بهالزمن ... *** ادري طولتها وهي قصيره ,,, بس بجد قاعده استرجع كل لحظه ,, ان كانت لحظه فرح ,, او لحظه حزن,, او لحظه وداع ,, او لحظه نجاح .. او لحظه دعاء ,, او لحظه ترقب ,, كلها باذن الله راح تعيشونها معايا بكل فصولها ,, واسأل الله ان يسلي قلبي ,,, وان يلهمني الصواب في كتابتها ,, ~ { لساتنا ماوصلنا للمخرج : ) لاتـقـول " الــحـــظ " عمــرهـ ما ~كــمــل .. قـل: أنـــا حااااولت.. و " الله " ..{ مــاقســم ..!! يتبع <<<<
 قبل كل شي ,,, اتمنى يكون شعارنا الامل ,,, وديدننا الرضا بما قسمه الله لنا ,, لعلنا نبلغ عنان السماء ,, بفضل الله ,,, ثم { بفضل صبرنا ورضانا يتبـــــــــــــــــــــــــع الموضوع الأصلي: لو تحطم لك امل ....اعرف ان الله يحبك وابتسم || الكاتب: ضيعتني العاطفه || المصدر: منتديات كلك غلا
المصدر: منتديات كلك غلا g, jp'l g; hlg >>>>huvt hk hggi dpf; ,hfjsl ,hfjsl hggi jp'l 
|
|
أخر 5 مشاركات ضيعتني العاطفه
|
|||||
| المواضيع | المنتدى | المشارك الاخير | الردود | المشاهدة | آخر مشاركة |
|
توبيكات ماسنجر جامده
|
๑۩۞۩๑ عالم الماسنجر والتوبيكآت ,وملحقات السكايب واليآهو ๑ | 1 | 1098 | 12-26-2019 06:57 PM | |
|
توبيكات ماسنجر شوق
|
๑۩۞۩๑ عالم الماسنجر والتوبيكآت ,وملحقات السكايب واليآهو ๑ | 1 | 1135 | 12-26-2019 06:57 PM | |
|
توبيكات ماسنجر حب
|
๑۩۞۩๑ عالم الماسنجر والتوبيكآت ,وملحقات السكايب واليآهو ๑ | 1 | 1191 | 12-26-2019 06:57 PM | |
|
توبيكات ماسنجرجراح
|
๑۩۞۩๑ عالم الماسنجر والتوبيكآت ,وملحقات السكايب واليآهو ๑ | 1 | 1272 | 12-26-2019 06:56 PM | |
|
احدث توبيكات الماسنجر
|
๑۩۞۩๑ عالم الماسنجر والتوبيكآت ,وملحقات السكايب واليآهو ๑ | 1 | 2363 | 12-26-2019 06:56 PM | |
|
05-25-2010, 03:53 PM
|
#2 | |
انا مثل ما انا ... لن يغيرني الزمن
|
كل كاتب ,, يبدأ بسرد قصصه فصل ورى فصل بدايته << رقم واحد ,, ونهايته << س من الارقام !! اما انا ,, ولأنني لا اجيد حرف الكُتاب ’’ سوى اني حبيت اخط قصتي باحرف دمي ,, وصدق شعوري ,, وذكرياتي اللي اتذكرها انا وامي وابي وكل من عايش فصولها عشان كذا سأبدأ بالفصل الاخير ,,, لانه بدايه لآلامـــــي ,, ِِِِِِ مقتطفات سريعه ما قبل الفصل الاخير !!! ,,, مراحلي اللي سبقت ,,, { ابتدائي ’’ متوسط ’’ ثانوي } كانت حافله الحمد لله بكل الانجازات ,, من تفوق ,, وتعب ,, ودراسه ,, وسهر الليالي الملاح خخخخخخ ,, والوناسه ,,, كنت شاطره ,, ومؤدبه ,,, ورسامه ......الخ اعتبرها مرحله فخر لامي وابوي على حد قولهم : ) كان دور الوالدين جدا قوي سواء علي او على اخواني كان ابوي شخصيه تربويه من الدرجه الاولى ,, بحكم عمله بمجال التعليم كان شديد ,,, صارم ,,, هيبه ,,, الكل يحسب له الف حساب ومنهم مدارسنا انا واخواني ومع هذي الشده كلها ( كان ومازال اطيب واحن قلب عرفته بحياتي ) على كثر عصبيته ,,, الا انه حليم باغلب الاحيان ,, على كثر ماكنا نخاف منه ,,, الا كان حنانه مغرقنا .. كنا نلجأ له بكل امورنا الدراسيه ,,, مذاكره ,, واجبات ,, كل شي لدرجه انه كان ينمي مواهبنا ويشجعنا ,,, << اتذكر كان ياخذ دورات في الخط العربي وكل عصريه بعد مانذاكر يسوي لنا حصص مكثفه للخط العربي : ) كان ماتفوته لا شارده ولا وارده الا ويوقف عندها بس بصراحه من شده اهتمامه صرنا اتكاليين درجــــــــــه اولى !!! اخواني يقولون لولا الله ثم الوالد وحرصه علينا ماكان كملنا كلياتنا ,, وبرضوا انا احس صرت ما اتخذ اي قرار الا والجأ له حتى وان كان هالقرار مايستاهل انه يذكر على سبيل المثال ( يوم دخلت الثانوي ما كنت اعرف ولا بنت من المدرسه وكنت مرررره متضايقه بدايه السنه ,, قام هو بدوره كلم واحد من اصحابه بنته معايا بالمدرسه وخلاها تتعرف علي ووصى ابوها انها تجلس تفطر معايا << دايم يلقى مصروفي كامل : ( الله يعطيه العافيه اقسم بالله لو اجلس اتكلم من هنا لبكره ماراح اوفيه حقه ,, نجي لدور ست الحبايب ربي يسعدها كانت اللي من وراء الكواليس تخطط ,, تسعى ,, تتعب واحنا ننفذ ’’ كانت دعواتها لنا ما تنقطع من كلامها ,, سبحاااان اللي خلقها حنونه وهااااديه زي النسمه وبمجرد ما تكون معانا نحس بالمان والاطمئنان وكنت لازم اخذ رايها بكل شي ,, فديتها والحمد لله مرت هالمراحل كلها بسلام ,, وكانت من احلى مايكون والفضل يرجع لله ثم وقفه امي وابوي معايا ,,,, يتبع >>>>>>>> |
|
|
|
|
05-25-2010, 03:54 PM
|
#3 | |
|
انا مثل ما انا ... لن يغيرني الزمن
|
في عـــــام 1425 هـ _ 1426 هـ
كانت اللحظه الحاسمه والفيصل في الموضوع ,,, { كانت اختبارات الثانويه العامه .... طبعا انواع الربكه ,,, القلق ,,, الاستهبال من جهتي محدثتكم والصرامه والجد من جهه ابوي خخخخ << كل يوم داخل علي بكتب تبسيط وارقام مدرسات خصوصيات وانا لا حيـــــــــــــــاه لمن تنادي ,,, جد ذيك السنه مدري كيف عدت على خير ,,, جاتني لا مبالاة ماحصلت لاحد ,, سبهلله ,,, كل اوقاتي كانت مزح بمزح والجد شاطبته من قاموسي ,, مع اني كنت علمي ويبغاله هز اكتاااااااف على قولهم بس كنت فالتها ,,, او على قولهم ابغى اعيش اخر ايامنا سوا انا واختي بغرفتنا لان كان باقي على زواجها اقل من شهر ,, وطبعا خساره كبيره جـــــــدا بالنسبه لي بس كنت اعامل نفسي كأني انا العروس من كثر اني ماودي استوعب انها بتروح لبيتها وما تصير معايا بالغرفه ,,,,, كنت دايم معاها بالسوق ,,, لا وايام اختبارات مدري ابوي كيف سكت لي ؟؟ لحد الان ودي القى اجابه ههههههههههههههه كنت عين عالكتاب ,,, وعين على مقاضيها وش اشترينا وش نسينا وش بقي ودوووشه وانواع الربكـــــــــــــه ,,, الحمد لله اخذت لي خصمه معتبره من ابوي ,,, وهجدت والتفت لعمري >> وياليت بفايده اقول انثبري بس بديت اذاكر واستوعب حجم المشكله والربشه اللي انا فيها سهرت ,,, ذاكرت ,,, ووكلت امري لله ,,, عدت الاختبارات على خير ,,, بس تركت لي انا واختي احلى الذكريات ,,, مممممممممممم بدت الاجازه ,,,,واول ناس يشترون الجريده ( عائلتي الموقره : ) وبعد انتظار دام قرابه الاسبوعين طلعت النتيجه ,,,,,,,, ناجحه ,,, جيد ,, 79,77% انواع الفشيله ,,, ومدري وين اودي وجهي من ابوي ,,, امي طيبه بلعتها وسكتت ولكن من حسن حظي انه بدا العد التنازلي لزواج اختي والكل مشغووووول واولهم انا ,,,, مر من الاجازه يمكن شهر ,,, والحمد لله تزوجت اختي ,,, وفرحنا فيها وجفت عنووووني من الدموع ,,, وجاتني حاله نفسيه مايعلم فيها الا ربي << اتوقع اكتئــــــاب جد عااانيت ذيك الفتره ,,, لقطت نص اخواتي من غرفتهم ورصيتهم ينامون جنبي بس برضوا ما غطوا مكانها ربي يسعدها ويوفقها ويخلي لها التحفتين حقينها : ) المهم بعد اسبوع من زواجها كان موعــــــــد التسجيل بكليه التربيه للبنات بجده ,, وهنـــــــــا جد تورطت ,,, وكأن احد صب فوق راسي مويه مثلجـــــــــه يتبع >>>>>>>> |
|
|
|
|
05-29-2010, 10:45 PM
|
#4 | |
|
انا مثل ما انا ... لن يغيرني الزمن
|
قرب وقت التسجيل بالكيه ,,,, وانا ما بين خايفه ومتوتره ,, ومتخوفه من خوض هالتجربه الجديده ما خليت احد الا واستشرته ,,,, واستخرت الله كثيــــــر بالقسم اللي حدخله كانت رغباتي ممزوجـــــه .. بين عشقي للرسم ,,, وهذا كان رأي الوالد ومابين تفكيري الجدي بدخول قسم حلو ليه وللزمن ويكون مضمون ,, وله مستقبل ,,, ومع كل هالمشاعر ,, قلبي يرقـــــع من الخوف ,,, اول مرررره بحياتي اروح مكان زي كذا لحالي : ( دايم اختي اللي تزوجت معايا ,,, مره كانت شايله عني حمل ثقيل ,, ومتحمله مسؤوليتي من كل النواحي واهمها ,,< تنفيـــــــــــذ قراراتي ><< تنفيذ مو اتخاذ بس المره من ســـــــــابع المستحيلات انها تجي معايا لانها خلاص صارت متزوجه وتوها عروسه ,, ولها زوجها ومملكتها الخاصه ,,, طول ذاك الاسبوع اللي قبل التسجيل وانا افكر ,, كيف بسجل ,, وهل راح اكون قد هالمسؤوليه ؟؟ وكيف بيكون تعاملي معاهم ؟؟ و هل بعرف اتكلم وبيقبلوني ؟؟ جد كانت ببالي اسـأله كثيــــره كله عشان اول مره اروح لحالي لموعد مهم زي هذا ,,, قربت الايام ,,, وانتهى الاسبوع ,,, وجات ليله ماقبل التسجيل كنت جالسه بالصاله ,,, وشــــــــــــارد ذهني بعيــــــــــــــد ,,, وجد مهمومه ,,,, جاني اخوي الكبير قالي ابوي قال اوديك بكره مركز القبول والتسجيل ...... وانا مو معاه طول ماهو يتكلم ,,,, قالي هيييييييييييييه ايش فيك مطنشه ,, قلت له لا مو مطنشه بس والله ميتــــــــــــه رعب : ( اول مره افتح له قلبي قال من ايش خايفه يا هبله حتصيرين جامعيه وتفتكين من المريول وسنينه << عارف نقطه ضعفي هههههههههه قلت له ادري بس عارف بروح لحالي بكره ...... وماقدرت اكمل من الغصه وسكتت .. استغرب من خوفي ,,, قال ولا يهمك انا معاك ... ومايصير خاطرك الا طيب ,,, قلت له طيب انا متعوده اختي هي كل شي تسويه ,,, تسجلني ,, تتكلم معاهم ,, انا ماتعودت على ذي الاجواء هي الله يسعدها كانت شايله عني هالحمل بعد الله ثم ابويه قال خلاص هي تزوجت الله يوفقها ويسعدها ماصارت من ممتلكاتنا خلاص يعني صارت مشغوله لها زوجها ,, وبيتها ,, وباذن الله بعد فتره تجيب عيال وصارت راعيه مسؤوليه ,,,,, لازم تتاقلمين وترضين بوضعها انا هنا خلاااااص استوعبت انه كلامه صح ,,, ماعادت تحت امرنا ,,, ومو كل مره نحتاجها بنلقاها جنبنا زي اول ,,, قلت له طيب شورك بكره وش اسوي ,,, او ما ادخل وين اروح ...... واسئله كثيــــــــــــــره مالها حصر الله يسعده ماقصر جلس يسولف معايا وجلسنا جلسه حصريه وماقام من عندي الا وانا متحمســـــــــه عالاخر ,,, وودي لو يوديني بنفس الوقت اسجل << يا شين التحمس خخخخخخخخخ الحمد لله ارتحت وقتها ,, وجالسه اسولف مع امي بسجل وبسوي وبفعل وبدخل ..... رجييييتها ,,, ودوشتها بكلامي وشده حماسي ,,, قالت لي ربي يوفقك ويسعدك ,,, هيا قومي نامي عشان اصحيك بدري قلت لها تم ,,,, واروح ابغى انام ,,,, ويطيــــــــــر النوم من الغرفه بكبرها ,, احاول ,, اتقلب ,, اغمض ,, اتلحف ,,, مــــــــــــا في فايده الارق كان سيد الموقف ,,, وكل تفكيري يوم التسجيل كيف راح يكون ,,, اختياري للقسم ماكان مدروس بس كل اللي مريحني اني استخرت الله ووكلت امري له وقلت بشوف الخيارات المتاحه يوم التسجيل واتوكل على الله واعقلها .. قمت جهزت ملفي ,,, وكل اوراقي ,,, جهزت ملابسي ,,, وشنطتي ,,, وعبايتي ,,,<< على فكره اول مره اشيل شنطه لانها كانت من مهام اختي اللي كانت مريحتني يالله قد ايش تعبتها حتى الشنطه مارحمتها فيها رتبت ,, احلامي ,, وامـــــــالي ,,, وطموحــــــــاتي ,,, رتبت لحظات الارتباك ,,, ويمكن وقتها سفطتها وحطيتها بدرج الذكريات ,, واستعدت كل لحظات التحدي ,,, والاصرار وحطيتها بين ملفي واوراقي بشنطتي وكله بفضل الله ,,,,,,,, ثم اخوي فديتــــــــــه ,,, اذن الفجر ,,, استعديت للصلاة ,,, وصليت ,,, دعيت ربي انه ما يخيب رجائي ,,, كنت بذيك اللحظات متفائله جدا وحاسه ان ربي بيفرحني ,,, ويطعم اهلي ثمره صبرهم ,,, قمت ابغى اتجهز ,,, مر الوالد على غرفتي يتطمن على الاوضاع و يعطيني كم نصيحه ,,, وكم كلمه حطها حلق باذني شجعني ,,, حمسني ,,, قالي يابنتي بيضي وجهي زي ما اختك بيضته شوفيها ما تزوجت الا لمن تخرجت من قسم الفيزيا واخذت شهادتها وارتاحت وريحتنا وجلس يوصيني ويقول لي الدراسه راس مال الانسان وكل ماتعلم وثقف من نفسه كل مازادت مكانته اول شي قدام نفسه وبعدين قدام الناس وان الشهاده سلاح و مو حق اي انسان انه يتخلى عنها .... المهم استاذن ,,, وخرج يصلي ,,, وبيوصي اخوي اللي بيوديني ,, وبعدها بيفطر وبيمر على مدرستـــه ... جا الوقت الحاسم ,,, لبست ,, وتجهزت من الى ,, ولبست عبايتي ,, ولقيت اخوي يستناني بالصاله <<< فديتــــــه مانام قالي هاااااا يللا مشينا << كانت نبرته فيها حماس وتحدي والله انه ريحني كثير باسلوبه هذا وخلاني اعتمد على نفسي ,,,, قلت له وش ورانا يللا نتوكل على الله ,,, ركبنا السياره ,,, سولفنا ,,, انبسطنا ,,, و مابغيت اخلص هذرتي وطبعا كان وضعي من جد ملخبط ومتخبط خايفه ,, ومو خايفه ,,, وفيني رجفه من طبيعيه بس كنت اتمالك نفسي واضبطها واحنا ماشيين بالطريق ,, الا واشوف لوحه قدامي يالله اقسم بالله انها غيرت فيني الكثيــــــر بعد الله لحد يومي هذا ,, احس جات بوقتها ,,, ربي رحمني يوم قريتها ,,, كان مكتوب عليها : { ومــــــــا توفيقــــــــــــــي الا بالله } ونعـــــــــــــم بالله ,, وربي وقت ماقريتها كأني طلعت البطاريات القديمه وبدلتها بوحده جديده فرحت .. تحمست ... ما وسعتني الدنيا من الفرحه والتفاؤل والامل برضوا انتبه لها اخوي وقال لي رددي هالايه اللي مكتوبه سبحان الله كأنهم عرفوا عن حالتك وحطوها لك <<< يقولها من باب ترطيب الجو قلت له والله ماتدري قد ايش اثرت فيني وحركت فيني اشياء عمرها ماتحركت الحمد لله ,,, وصلنا مركز التسجيل ,,, عاد رجلي تتصادم من الربكـــــه ويالله يالله عرفت انزل من السياره وامشي بعد ماكان اخوي يوصيني وسوي كذا ولا تسوين كذا وانا ماني معاه الا اني ودي اغمض وافتح والقى نفسي سجلت وخلصت وخرجت من هالمكان نزلت .. ودخلت المركز ,,, ومعايا ملفي .... وفي اوراق اخوي راح يصورها احتياط عند البوابه لقيت زحمـــــــــــه ,,, ودوشه ,,, وانواع واشكال من البنات ,,, متجمعين على وحده من المسؤولات مدري وش تعطيهم استمارات او اوراق مدري وش هي وقفت طالعت فيهم من بعيـــــد ,,, وجالسه اترقب واشاور نفسي اروح ادخل بالزحمه معاهم ,,, والا اسال لي وحده من البنات و الا ايش اسوي ؟؟ طبعا زحمه مستحيـــــــل اقرب منها وانا عارفه نفسي ,,, اسأل محد فاضي لأحد ,,, وانا مابين مترقب ,,, ومتوتر ,,, وما وقفت من تردديد { وما توفيقي الا بالله } شوي سبحان الله الا وتمر من جنبي وحده من الموظفات وسالتني ,,, كم نسبتك .. قلت لها انا ووجهي : ) قالت ااهااا ... طيب اوراقك كامله ,,, هزيت براسي من الربكه ,, قالت لي طيب اطلعي الدور الثالث ,,, بتلقين غرفتين لتسجيل الاقسام العلميه وسجلي عندهم واي شي يطلبونه منك وديه لهم بسرعه عشان مايفوتك التسجيل سبحان الله طمنتني بكلامها ,, واعجبني اسلوبها وكان دافع لي اني اكمل واكمل واكمل طلعت ثالث دور ,,,, واشوف ذيك الزحمه من بعيـــد الا ويرن جوالي ,,,, اخوي تحت يبغاني اخذ الاوراق المصوره منه نزلت اخذتها ,,,, وطلعت اسابق الزمن ,,, و اسابق كل الخطوات وبكل درجه اصعدها ,,, كان يقيني يزيد ... وثقتي في الله كل مالها تكبر بقلبي وصلت الدور 3 ,,, لقيت غرفتين مكتوب عليها للاقسام العلميه ,,, هنا احترت وش ادخل ؟؟؟ شوي الا ضحكت قلت كيف ادخل وامه لا اله الا الله متزاحمين هنا من زمااااان وكل وحده مستنيه دورها ؟؟ بدأ يدخل الملل و شي بسيييييط من الياس بقلبي بهاللحظه الا واتشجع واسال وحده من البنات عن هالغرفتين وطبيعه اللي صاير فيها قالت لي هذي الغرفه للي يبون يسجلون بكليه اعداد المعلمات << كنت اشوف كثيييير يدخلونها لكن مكرهين وغصب عنهم لان كان العدد فايض والبنات بازدياد وبرضو تحطمت قلت لها والغرفه الثانيه ؟؟ قالت لي هذي للي تبغى تسجل بكليه التربيه لكن انسيييييييي تلقي لك محل مررررره زحمه ويادوووب يطالعون بوجهك ,, واشرت لي تقول شوفي الطوابير لوين واصله وجلست تسرد معاناتها وانها جايه من بدري ولحد الان ماقدرت تدخل هنــــا دورولي ماتلقوووني ,,, خلاص ماعاد فيني ولا امل ,,, خلاص قررت وقلت قدر الله وماشاء فعل ,,, بنزل وبروح بيتنا استر لي لان مستحيييييل احد يطالع بوجهي <<< متعوده كل شي يوصلني جاهز على ايام اهتمام ابوي واختي فيني خلاص عقدت العزم ,,, وتوكلت على الله رغما عن رغبتي واحلامي وجيت بنزل ,,, الا واقول بنفسي بس بطل عليهم طله اخيـــــــــــره عشان بعدين ظميري ما يأنبني رجعت ,,,, وصلت عند الغرفه ,, طبعا كلمه زحمه قليــــــــــله ,,, كانت مقسمه الغرفه لـ 5 اقسام ,,, وفي 5 مكاتب عليها 5 موظفات يقومون بتسجيلنا وكان الترتيب على النحو التالي ( احياء نبات . احياء حيوان , فيزياء , كيمياء , رياضيات ) طبعا اول ماطليت كانت باينه لي طوابير طويييييييييله على كل قسم واصله للباب,, يا دوووووب دخلت راسي ابغى اخذ نظره اخيييره وشامله وقلبي مرررررره وصل حده من الياس الا واسمع وحده تنادي وتأشر بقلمها .. طلعت الموظفه حقت قسم احياء نبات,,, طالعت ورايا مافي احد تقصده ,,,, فتحت عيوني زييييييين لاحظت ان عند قسمها مافي الا بنتين بس !!! اشرت لي وقالت لي تبغين تسجلين باحياء نبات ؟؟؟ انا هنـــــــــا طرت من الفرحه ,,, اقسم بالله ماصدقت نفسي ,,, سبحان الله ربي مايترك احد ,,, ومايخيب رجاء اللي يتوكلون عليه ويستخيرونه بكل امورهم حمدت ربي الف مررررررره وانا طبعا طايره لها ورحت اجري لقسمها قلت لها ايوه الله يسعدك ابغى اسجل قالت طيب دحين بس اخلص من اللي قدامك بغضون دقيقتين الا ودوري جـــــــــا ,, وتحقق الحلم ,,, وقتها حسيت اني انتصرت على خوفي ,,, على ضعفي ,,, على الاتكاليه حقتي ,, حسيت اني ملكت الدنيا ومافيها بدقايق ,,, وعرفت انه الانسان يقدر يسوي كل اموره بنفسه بعد التوكل على الله يالله الموظفه تكتب ... وانا مع كل حرف تكتبه انتشي فرحه وكل اللي يدور بمخيلتي دحين كيف ابشر كل من وقف جنبي ( واولهم اخوي حبيبي وامي وابوي ... وكيف افرح اختي اني قد المسؤوليه و جبتها صح ولله الحمد الحمد لله تمت الامور على الف خير ,,, وسجلت ,,, واعطتني اوراق اعبيها وعبيتها وبرضوا اوراق الفحص الطبي ومن هالكلام والحمد لله نزلت اجري وطاااااااايره فرح وبيدي نتيجه انتصاري وتغلبي على خوفي كانت لحظات ما انساها ,,, لاني جد عانيييييت من التفكير والخوف قبلها نزلت ,, وتغطيت وخرجت الشارع وادور لاخوي ... هو قدامي ويأشر لي وانا مو معاااااااه انا فرحااااانه بعالم ثاااااااااااااني تيسرت لي الدنيا بعد ما كنت مصعبتها انتبهت له ,,, وركبنا السياره ,,, هو على باله قالوا لي تعالي بكره وقال لي عادي باذن الله من بكره بدرررري اجيبك ولا يهمك ,,,, قلت له لا يابابا خلااااااااااااااااااااااااااااااااااص بصير جاااااامعيه ما صدق ,,,, وفرح ,,, وقال لي شفتي انا ماقلت لك ان قدها بس انتي خواااافه حبتين من الوناسه فطرنا سوا ولفينا عالبحر لفتين ,,,, وقال لي لا تتصلي على امي لمن نوصل نفاجئها بالخبر هي وابوي وصلنا ,,,,, وامي وابوي منتظريني ,,, وامي مسكينه من القلق اخذت ملوخيه وجلست تقطفها هههههههههههه فديت عمرها حبيبتي ,,, دخلت ,,, سلمت ,,, وكلهم يقولون هاااااا بشري ,,,, وانا سااااكته ,, جلست مع امي واخذت غصن من الملوخيه وقلت خبيلي منها يا امي لاني بشرحها بيوم من الايام طالعت فيييييني ومستنيه الزبده ,,, قلت لها وبشرتها انهم قبلووووووني باحياء نبات وحكيت لها انه بدووووون تعب ربي سخر لي موظفه التسجيل وخلاها اول بدايات تحقيق حلمي يااا سبحاااان الله ,,,, صدق يوم قال في كتابه { ومـــــــا توفيقي الا بالله } فعلا لولا الله ,,, ماكان زانت لنا الامور ,,, لولا الله ما كان ذقنا طعم التوفيق والسداد ,,, لولا الله ما كان سخر لنا جنوده في الارض والسماء لتيسير رزقنا سبحــــــــــــــانك ربي ما اعظمك !!! يتبــــــــــــــــــــــــــــــــــع |
|
|
|
|
| مواقع النشر (المفضلة) |
| الكلمات الدلالية (Tags) |
| ....اعرف, وابتسم, الله, تحطم, يحبك |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ان أعطاك الله أحد هذه الأشياء فأعلم أنه يحبك | الشوق عطري | ๑۩۞۩๑ عـام .. مساحه حره ๑۩۞۩๑ | 6 | 07-22-2011 12:27 AM |
| كيف تجعل شخص يحبك.. | أفوق الوصف | ๑۩۞۩๑ عـام .. مساحه حره ๑۩۞۩๑ | 4 | 07-18-2011 10:37 PM |
| انصت يحبك الناس | عہِ‘ِـَذبة الہِ‘ِـَرووح | ๑۩۞۩๑ البحوث وتطوير الذات ๑۩۞۩๑ | 5 | 11-01-2010 08:08 PM |
| كيف تعرف من يحبك...؟؟ | شـيـخـة آلـغـيـد | ๑۩۞۩๑ البحوث وتطوير الذات ๑۩۞۩๑ | 7 | 10-06-2010 01:30 AM |
| قلب يحبك ولا قلب يفهمك | شمـوخ الـروح | ๑۩۞۩๑ النقاش الجاد ๑۩۞۩๑ | 10 | 08-21-2010 01:58 AM |
All times are GMT +3. The time now is 09:59 AM.