اليوم أبرحل عنك وأتحداك

أبرحل , وأتحداك , اليوم

اليوم أبرحل عنك وأتحداك

ماجيت أطلبك ترد لي واترجاك
ولا جيت اطلب الرضا من عيونك



جيتك أقول اليوم أنا ما ابغاك
رد لي قلبي وخلك بكونك


لي عزة نفس وقيمه تعداك
ولي رجاحة عقل ما تطاوع جنونك


ولي قدر يا صغير القدر يعلاك
ولي هامه اكبر من ظنونك


أنا أبرحل وتركك واتناساك
وأتركك مع ناس تحسبهم يبونك


ولا تحسب إني بيوم بحن لذكراك
والله مارجع للجروح وطعونك


ولا تحسب إني ما اقدر أعيش بلياك
ولا اقدر أكمل رحله العمر بدونك


غرك نداء الحساد هذا وذاك
وهزت رياح الجفاء عالي غصونك


يا كيف تبيع اللي بالغالي شراك
وارخص المال والروح من دونك


خمس سنين وقلبي في وسط يمناك
تلعبه على كيفك وأقول مفتونك


ايام وليالي منيتي بس رضاك
تطلب وتآمر وأقول يا عونك


لكن جرحتني بقولتك بنساك
ودور لك ارض تلتقي مزونك


وبانت لي يا لردي خافي نواياك
ولا صنت قلب دايم يصونك


والله ثم والله لحرق حشاك
وارد لك كل الجروح وطعونك


اعرف أنا طبك واعرف دواك
واعرف اذوقك العذاب باقي سنونك


واليوم أبرحل عنك وأتحداك
ما تحن لشوفتي وتدمع عيونك

الموضوع الأصلي: اليوم أبرحل عنك وأتحداك || الكاتب: ريناد بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

المصدر: منتديات كلك غلا

---

hgd,l Hfvpg uk; ,Hjp]h; ,Hjp]h;