تعلم من غروب الشمس وش معنى الوداع

معنى , الوداع , الشمس , تعلم , غروب

تعلم من غروب الشمس وش معنى الوداع

من بغى الفرقا لقى له عذر واسباب ودليل
خل عنك العذر والاسباب دام الحب ضاع

كان ودك بالفراق ..... ابشر عسى عمرك طويل
لا تردد وانت لك كلمه ولك أمر مطـــــــــــــاع

لي عليك أنك تبت بكلمه تشفي الغليـــــــــــل
ولك علي اني لأوقف وقفة الرجل الشجاع

لا تجاملني مخافه " قال " مدري خوف " قيل
عمر .. هرج الناس.. مايسمن ولا يغني جياع

كان قصدك " سر حبك " أوعدك لأ صبح بخيـــــل
واحمل أسرارك معي للموووت قدر المستطــاع

بس قلها "" قل أحبك "" وابشر بصبر جميـــــــــل
لا تحسب اني مثل من طبعهم لوي الذراع !!

صاحبك ماهو كذا ياصاحب القد النحيـــــــــــــــــــــل
صاحبك طبعه غريب وغربته غربة طبــــاع

في الهوى مايقبل الحل الوسط ولا القليــــــــــــل
مثل ماهو لاشرى يشري ... ليا منه باع باع

ثابت لو هي تميل الأرض حدره ... مايميــــــــــــل
يدري ان الفقر ماهو عيب والدنيا متـــــــاع

ماعشق لذة حياته كثر عشق المستحيــــــــــــــل
ولا كره حتى مماته .. كثر كره الانصيـــــــاع

كم تعلم من شديد البدو وش معنى الرحيــــــــــــــل
كم تعلم من غروب الشمس وش معنى الوداع

وكم تعلم من سحاب الصيف وش معنى الحصيل
وكم تعلم من ليال البرد وش معنى الضيــــــــاع

ايه انا هذا طريقي << موحش.. وصعب ... وطويل >>
وانت لامنك تعبت .... العالم فجوجه وســـــــاع

اعتبرني في بداية سكتك عابــــــــــــــــــــــر سبيل
ورح وانا قلبي معك من وين وجهت الشراع

يكفي اني لا تذكرت في سالفة عشاق ... قيل
عاشر احبابه شجاع ... وفارق احبابه شجاع

الموضوع الأصلي: تعلم من غروب الشمس وش معنى الوداع || الكاتب: ريناد بنت خالد || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

كلمات رووعه
لشاعر معروف
لاهنتي على النقل
الرائع
دمت بود ...