يوم ضاقت ..~ قلت وينك يالفرج

وينك , يوم , يالفرج , ضاقت , قلت

يوم ضاقت ..~ قلت وينك يالفرج

يوم ضاقت ..~

قلت وينك يالفرج ..؟
قال : جيت ..
وشفت حولك ألف صاحب ..
وخفت أسبب لك حرج !!

إرتكيت ..!
بس وين اللي يشيل الحِمل وينه ..!
وين ذاك اللي ذخرته للظما قطرات .. وينه ؟
وين أبو الفزعات عني ..
ما قدرت ألقاه وينه ؟
من لمحني فوق كفّ الموج .. فضّ
كسَّر ألواح الرجا بيني وبينه !!

حزّ نفسي ..
غصّ في حلقي .. ورضّ
كل ضلعٍ لي معاه .. وغضّ عينه !!
يحسب إني مِتّ همّ ..
ولا درى إني حيّ لكن ..
مِتّ من خنقة يدينه !!

يالفرج ..!
صاحبي ما شفت زوله ....!؟
من فقدته فيوم شِدَّه ..
بس لو جاني على قلعة عيوني ..
حالف إني ما أردَّه ..
والمودَّه يالفرج .. هيِّ المودَّه ..
صاحبي .. مالي بصدَّه ..
صاحبي .. روحي عرينه ..
ولو نصاني والنواصي عشب قبري ..
والله إني غصب لآحيا .. ثم أعينه.. !!

إرتكيت ..!
وطحت ..
والجلمود .. ناخ ..!
آه يا كذب الليالي البيض ..
آه يا ظلم السباخ ..
من مشاها ولا وراه زنود تبري الكبد .. داخ .
يا كثر ما خيِّبتّ .. ظنّ اللبيب ..
ويا كثر ما غيِّبتّ .. وجهٍ قريب ..
ويا كثر ما شاف منها ..
صافي النيَّه .. وشاخ ..!

إرتكيت ..
و أثر ظِلِّي ما يمون ..
و أثرني كومة طعون ..
من غلاة أصحابها ..
ما قدرت أقول : آآآآخ ..~

لي مبادي ..
وصاحبي .. لوجار منه الجور .. عادي
وصاحبي .. لو هو قتل ذكراي .. عادي
وصاحبي .. لو هو بِخل بِرضاي .. عادي
وصاحبي ..
يبقى العزيز الناصع اللي له ودادي ..!

ودام أنا ستره وثوبه ..
صاحبي .. ما أقول : عنه أبداً ، وتوبه ..
يا هلا به ..
وبعيوبه ..
وبذنوبه ..
يا هلا .
إن وصلني .. ياهلا .
وإن قطعني .. يا هلا .
صاحبي وإلا فلا .
والغلا نعمة كريم ..
وساقها لكلّ الملا .

ويالفرج .. حاول تحبّ .
دام لآهل الأرض ربّ .
ولو تشوف .. أصحاب واجد حول قلبي ..
لا تعاندّ .
السواعدّ من سراب !
والحصايدّ من يَـباب !
والشِعرّ .. كذَّاب !

خلّ فِتَّال الشوارب .. عن يمينك ..
ولا تخاف من الحرج .. لو قيل وينك ؟
كلّهم مثلي تراهم .. باالنهاية ..
طالبينك .. طالبينك
طالبينك .. يالفرج !!

ويوم ضاقت ..
قلت وينك يالفرج ؟
قال : جيت ..:
وشفت حولك ألف صاحب ..
وخفت أسبب لك حرج ..!

الموضوع الأصلي: يوم ضاقت ..~ قلت وينك يالفرج || الكاتب: يوسفية الملامح || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

خاطره راائعه رااقت لي .
انتقاء مميز يدل على ذاائقه عذبه .
لقلبك السروور

عَآشتْ الآيآدِي على هذَآ الآبْدآعْ الرَّآقِي
بِكُلِّ شّغفٍ ننْتظِرُ جدِيدْ
عَبِيرَ عِطْرِكٌ المُقدَّسْ
ودِّي +
يآسمَينَة تُطوِّقْ قَلبَكْ ,*|

ممتن لحضوركم يأا نقياء
ويشرفني توآجد بصمتكم
ولآ حرمني آلمولى هذآ آلحضور آلمخملي