مدري تفو مدح هي ولاشتيمه

مدح , مدري , هي , ولاشتيمه , تفو

مدري تفو مدح هي ولاشتيمه

حــتــى وردنـي تالـي الـليـل جــوال

وانا على شاهي وبسكـوت ديمـة

الرقم بايخ لكـن الــصــوت قــتـــــال

كنــه مثل صـوت المذيعـة حليمـــة

قــالت مساء الخير يـا طيّـب الفـال

قـلـت ارحــبـي تــرحيبـةٍ مستديمـة

بـالـعــود والصفـري ودلـة وفنجـال

واجـبـك يا بنت الأصـول الكريمــــــة

وردت بضحكة ثم قالت وش الحـال؟

قلت اشهد إن الحال عقبك سقيمــة

قالت وهي تضحك بعد مثل الأطفال

وانـــا بـعـــد كــنــي بــدونـك يتيمـــة

مـــن يـوم قـالـتهـا تزلزلـت زلـزال

مــن فجعتي كنـي مسـوي جريمــة

قلت ارفعي صوتك ترى مابه ارسال

كـــذاب لــكـنّ المصيبـة عظيمــــــــة

قالت أقول اسمع ترى هرجنـا طـال

مــمكـن تصاحبنـي ترانـي وسيمـــة

واسمي الحقيقي أول حروفـه الـدال

لــكـــن يسمّونـي البنـات الزعيمـة

صحيح أحب الفخفخة واعشق المال

لكـــن ترانـي طــاهــرة مستقيـمـة

ما عندي امغازل ولا( لعب يهّـال )

ما عندي إلا في الشرف والحشيمـة

بس الصراحة قلبي لشوفتـك مـال

واصبحت وحدك جالسٍ في صميمــــه

فكّر بعقلك واترك القيـل والقــــــــال

واحذر تطيع اهل العقـول العقيمـــــة

وارسل علي الحين خمسميـة ريـال

أشحن بهـا جـوال أختـي غنيمــــــــة

أو طقم غالي فيه خاتـم وسلسـال

أروح بـه فـي عـرس ولاّ عزيمــــــــة

قلت الحقيقة مانيب رجـل أعمـال

ولانـي بتاجـر والمـوارد عديـمــــة

أنا الصراحة شبـه عطّـال بطّـال

وعلاقتـي بالفــقـــر جـداً حميـمـة

والراتب الله يرحم الحـال مـا زال

محـدود والمصـروف ربـي عليمـه

والــديـن بـالآلاف والبنـك شغّـال

يــاكـل فـلـوسـي بالربـا والظليمـة

والسوق طايح والغلا ضيّـق البـال

والموت والله صايـر اكبـر غنيمــــــة

قالت تحمّل بـس والحمـل ينشـال

خلك شديد الباس صلـب العزيمــة

ياخي تصرّف جعلك اتصيـر نشّـال

أهـــــم شــي إن النوايـا سليـمـة

لابــد تـفـهمني علـى كـل الأحـوال

ما دمت من أهل العقـول الفهيمـة

قلت إيه والله فاهم اللي على البـال

لــكــن تــرى هـذي علينـا قديمـــة

يــا بـنت هـذا صايـر اليـوم مـوال

للي تبي تلعب علـى ابـن اللئيمـة

يا بـنــت ما تدرين كـم فيـه محتـال

يلعب على الحبلين وانتـي غشيمـة

يا بنت كم من جاهلة دمعها سـال

من عقب ما جات العواقب وخيمـــة

والبنت لا اقتفى عرضها بيد الأنـذال

والله مــا يــبـقـى لهـا أي قيـمــــــة

قالت تبي ولاّ فـ خـلّك علـى جـال

مهوب ناقصـني نصايـح حكيمــــــة

عز الله إنك للأسف منـت رجّـال

وانك قليل الذوق ما فيـك شيمــــة

يا لعنبو اللي مـا يسطّـرك بنعـال

حــتـى يـعـلمـك الغـزل يـا بهيمـــــة

تفو ) عليك وصكّت الخط في الحال

مدري ( تفو ) هي مدح ولاّ شتيمـة

الموضوع الأصلي: مدري تفو مدح هي ولاشتيمه || الكاتب: آسطوره || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

موضوع سارله قريب الشهر

الم يلفت انتبااهكم ؟؟

اشكرك ابتسااامت صمت على الطرح الراقي والمميز
واعتذر لكي عن عدم الرد في موضوعك المميز
سقط سهو ليسى قصدا
تتشرف اقلامنا بالرد على مواضيك الممميز والباهره
ابتسااامة صمت لا تحرمينا من جديدك وتميزك القااادم
ننتظر جديدك

هههههههههههههآآآآآآآآآآآآآآي



يسلــــــــــــــتمو بسومة جدا روعه >>> دمعت من الضحك



مدري هي دموع ضحك ولا حزينه >>>> تكملت الشعر من عندي هع هع

الرقم بايخ لكـن الــصــوت قــتـــــال

كنــه مثل صـوت المذيعـة حليمـــة

قــالت مساء الخير يـا طيّـب الفـال

قـلـت ارحــبـي تــرحيبـةٍ مستديمـة

تحيه لك من القلب معطره
بكل مايحمله هذا الكون من رائحه زكيه
ولك جزيل الشكر على هذا التميز والأبدآع
ومشــآركتـــك الأروع
دمتي لنـــآ ودآم تألقـــك