..* [[ تــاكــسـي .. أوووهـ ســعــوودي .. لاخـلاص شـكــراا ..*]]

لاخـلاص , أوووهـ , تــاكــسـي , ســعــوودي , شـكــراا

..* [[ تــاكــسـي .. أوووهـ ســعــوودي .. لاخـلاص شـكــراا ..*]]

اليوم بتكلم عن مششكله




اللي هي سائق التاكسي سعودي




الحين هذي ترا مشكلة العاطلين . .إنهم ما يصير عندهم وظايف . .عشانهم ما يلقون وظايف ..



فـ يدورون ع أي شيء يقدرون يطلعون منه فلوس .. وفلوس تسوى
ويروحون يا يصيرون تكآسي ..
يا يصيرون مفحطين . .
ودامهم اختارو شغله شريفه ليش ما ندعمهم في


هذآ الششي ؟ . .


ع العموم ودي آسآل البنات :


* ليه ما يركبون الناس مع التاكسي السعودي ؟

* وش الاسباب اللي تخليهم يخافون ومآ يركبون معه؟

* موقف صار لك مع تاكسي ؟
* وش الأشياء المقترحه أو المطلوبه اللي راح تغير هالنظرة ؟
* أنتي بالعاده لو اضطريتي تركبين مع تاكسي تركبين مع سعودي ولآ أجنبي ؟




وآسآل الشباب :


* ليه ما يركبون الناس مع التاكسي السعودي ؟


* وش الاسباب اللي تخليهم يخافون ومآ يركبون معه؟


* موقفصار لك مع تاكسي ؟؟
* وش الأشياء المقترحه أو المطلوبه اللي راح تغير هالنظرة ؟
* لو اضطرت أختك أو أمك تركب مع تاكسي . . وش تفضل تركب مع تاكسي سعودي أو أجنبي ؟
* إذا لآسمح الله اشتغلت بتاكسي وجت حرمه بتركب معك يوم شافتك سعودي . . قالت ما أبي أركب , ردت فعلك ايش راح تكون ؟

أنتظر أجوبتكم

الموضوع الأصلي: ..* [[ تــاكــسـي .. أوووهـ ســعــوودي .. لاخـلاص شـكــراا ..*]] || الكاتب: ‏【فـۈق مستہۈاگ】 || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

يسلمووووووووووووو


على الموضوع الجميل حبيبي

مو كل الي معهم اجره يكونوا محتاجي المال

لا في ناس معهم المال وكل شي مهيا لهم

بس ياخذون الاجره لامور ثانيه واكيد انت عرفتها والكل يعرفها الا وهي ( الترقيم )

وهذا الشي الي يخلي المحتاج ما يدعمونه السعوديين

وهذا وجهة نطري

اما بالنسبه للاسأله

* ليه ما يركبون الناس مع التاكسي السعودي ؟

اتوقع مثل ما قلت سافقآ يجيهم مضايقات من الي اخذي الاجره عشان الترقيم ويخافوا انه يكون من هذا النوع

هذا بالنسبه للبنات

اما الرجال

فيه البعض يحب الي الاجنبي عشان يبحث عن امور رديئه


* وش الاسباب اللي تخليهم يخافون ومآ يركبون معه؟

الاسباب كثيره

بس هذا الدارج عشان المضايقات من السعوديين الاي اخذين الاجره

لسبب في نفسه مو لكسب قوته

* موقفصار لك مع تاكسي ؟؟

بصراحه ما عمري طلعت مع اجره

احمد اللله اني معي سياره

>>>بعلمك ان معي سياره

هههههههههههههههههههههههههه

* وش الأشياء المقترحه أو المطلوبه اللي راح تغير هالنظرة ؟

ان الشباب الي مو محتاجين يتركوا الاجره للي محتاجين

* لو اضطرت أختك أو أمك تركب مع تاكسي . . وش تفضل تركب مع تاكسي سعودي أو أجنبي ؟

بصراحه ولا مره خليتهم يروحوا مع الاجره انا واخواني مو مخلينهم يحتاجو لها

بس من جد محتار لو اطروا لا سمح الله انهم يطلعوا معه

لان الاجنبي ما ينوثق فيه والسعودي بسبب المضايقات

* إذا لآسمح الله اشتغلت بتاكسي وجت حرمه بتركب معك يوم شافتك سعودي . . قالت ما أبي أركب , ردت فعلك ايش راح تكون ؟

اقولها الي خلقك خلق غيرك

انشاءالله تكون خيره لي

انشاءالله ما اكون اتعديت حدودي في الاجابه

بس هذا الواقع

مع خالص الاحترام والتقدير

مووووضوع رائع .. ومهم الصراحة ..

* ليه ما يركبون الناس مع التاكسي السعودي ؟

ماياخذون راحتهم مع السعودي .. الاجنبي غير اقدر اسولف واتكلم مع اللي جالسه جنبي بس سعودي مستحيل اقدر



* وش الاسباب اللي تخليهم يخافون ومآ يركبون معه؟

مو سالفة خووف سالفة مااخذ راحتي ..


* موقف صار لك مع تاكسي ؟

ايه اذكر انا واختي كنا محتاجيين نطلع بالسوق .. المهم وقفنا تاكسي يوم دريت طلع سعودي وااااااااو طارت عيوني

قالت اختي اقول اركبي وانتي ساكته .. ركبت وامري لله .. الرجال حس اننا خايفيين .. قال انتم ليه كذا انا ابن بلد.. واخاف

عليكم من الاجنبي .. يوم قال كذا خلاااص انشلت رجولي وحرمت اركب مع سعودي .. على انه مظلووم والله .. بالعكس


ابن البلد اضمن من الاجنبي بس احنا اتوقع فكرتنا غلط عنهم ..
* وش الأشياء المقترحه أو المطلوبه اللي راح تغير هالنظرة ؟

والله ماعندي مقترحات ..

* أنتي بالعاده لو اضطريتي تركبين مع تاكسي تركبين مع سعودي ولآ أجنبي ؟

اكيد مع الاجنبي .. بس اذا كنت بالحجاز احب اركب مع السعودي مادري ليه ..


يعطيك الف عافية يالغلآ ع الطرح ..


لاهنت

مشوول .. ماتهااب


لاهنتم ع ردودكم نوورتوو الصفحه فدديتكم

اوووووووووووووووه عند الاغلبيه للاسف التاكسي السعودي ابعدوا عنه مع اني اثق بالسعودي اكثرر

يعني بجد سولفت مع اغلب البنات مايركبون مع السعودي وش السبب مادري


نجاوب على الاسئله



* ليه ما يركبون الناس مع التاكسي السعودي ؟

بعضهم يخافون انه يرقم او يتحرش او يهج فيهم مع اني الى الحين ماسمعت اي سالفه الا اشياء بسيطه وعاديه جدا

* وش الاسباب اللي تخليهم يخافون ومآ يركبون معه؟

مثل ماقلت ومنها بعد يستحوون مع الاجنبي ياخذون راحتهم بالسوالف والمصارخ

* موقف صار لك مع تاكسي ؟

مواقف كثيره صارت لنا مع التاكسي مره صار لي موقف مع اجنبي كنت انا واخواتي نبي مشغل وهالاجنبي قال ابوديكم لمشغل حلو واتوقع ان نيته شينه لان وش معنى اختار هالمشغل وقعد يلف فينا بينا الحواري ال ماوصلنا المشغل يوم رجعنا ودخلنا النت لقينا هالمشغل سمعته زفت لدرجه انهم يمسكون البنات ويدخلونهم للاستراحه ورا المشغل فيها سهرات شباب بس الحمدلله اننا مادخلنا المشغل بالاستقبال وطلعنا هذا الاجنبي الي يثقون فيه الاغلبيه للاسف

ومع السعودي على كثر ماركبت مع سعوديين ماشفت ولاموقف شين بالعكس احس براحه الا مع واحد وشكله مو صاحي اصلن واصله مو من الرياض بعد هذا الي خوفني بس كان يسولف علينا من ركبنا الى مانزلنا بس الحمدلله عدت الروحه على خير



* وش الأشياء المقترحه أو المطلوبه اللي راح تغير هالنظرة ؟

والله مادري وش الاشياء كل واحد ونظرته صعب احد يغيرها له


* أنتي بالعاده لو اضطريتي تركبين مع تاكسي تركبين مع سعودي ولآ أجنبي ؟

لا طبعن مع سعودي اثق فيه اكثر من الاجنبي والحمدلله شباب هالايام فيهم خير يدورون رزقهم اكثر ويستاهلون والله كل خير

لاهنتي يامشرفتنا ع توااجدك نورتي

اعتقد ان النظره للسائق السعودي نظره بدات تختفي شوي شوي يبغالها وقت وبعدين معتقد ان اغلب من يسوف تاكسي يبحث عن الرزق وليس يبحث عن المشاكل او اي شي اخر اما الباقين فهم قله ستختفي وشكرا