آلْعُـــمْر...فُرصة !!

آلْعُـــمْرفُرصة

آلْعُـــمْر...فُرصة !!

...



العمر فرصه والحيـاه ايـام والدنيـا ظـروف
والمشتبه بالامر ما بين الحـرام مـن الحـلال

والشعر ديوان العرب وانا بشعـري فيلسـوف
اترك ادقاق الشعر وانقا مـن معانيـه الجـلال

والبارحه صدر الجنوب يضيق واسوق الحسوف
وين انت يا صدر الشمال احتجت للفزعه تعـال

وردت مجاهيم الليال احيـام ورياحـي شعـوف
من يوم وقفني بدرب العشـق يسالنـي سـؤال

واقوله بيني وبينه يـا عسـا الحـب مخلـوف
ان مارجع ربحـه علـي الله يـرده راس مـال

كم لي وانا تكويني الدنيا علـى روس الكتـوف
واشيل ما لا اطيق من شانك واحملهـا الجبـال

وياما على شانك تحملت الخناجر والسيوف
وياما على شانك ليا ضقت شديت الرحال

وقفتني في الشارع الضيّق وممنـوع الوقـوف
مسار واحـد والمصيبـه لا يميـن ولا شمـال

تقول طوّفها معـي واقـول عيـت لا تطـوف
اجيبهـا منـا تجـي منـا و لا فيهـا مـجـال

والحب ما ينفع معـه فزعـه ولا واو معطـوف
والحب لو زالت جبـال الارض ذكـره لا يـزال

يرقا على حبل الوصال ويخدمه نبـض الحـروف
اشوي من نسج الغلا واشوي من نسج الخيـال

وش عاد لو غنيت طاروقك وصفيت الصفـوف
صفٍ يبا ياقف معي وصفٍ اليا من رحت شـال

والله لتبطي ما وصلت ادنى مواصيـل الهنـوف
الجادل اللي دمعهـا لارحـت والا جيـت سـال

الجادل اللي طيفهـا عنـدي ولا كـل الطيـوف
ام الـحـلا ام الـغـلا ام الـدلـع ام الــدلال

اللي هداياهـا ملـت كـل الزوايـا والرفـوف
ويطلع ابطلتها بـدر ويغيـب لا غابـت هـلال

وانـا اقدرهـا مثـل تقديـر حاتـم للضيـوف
واطرب على فيّة غلاها كـل مـا مـال الظـلال

واعيشها عيشة عمر مابين امن وبيـن خـوف
وازرع لها شعري وهي تسقيه من غيث الوصال

حتى خذتني عشق وانا اخذتها رغـم الانـوف
واسكنتها روحٍ عن اهروج البشر منفى اعتقـال

والا انت قربك ما يشجعني وفرقـاك امعـروف
اقلط على نزف الشعـر والفـال يقفـاه العقـال

حتى لو انت الذ من تمـر المدينـه والهفـوف
ارحل ترى ايامك خضر لكن ترى اسنينك اهزال

وفر ادموعك دام دمعك مر والـدرب امحفـوف
جعلك فدا من هلت ادموعـه علشـان ابتهـال








ودمتــم سالميــن

الموضوع الأصلي: آلْعُـــمْر...فُرصة !! || الكاتب: مسريها || المصدر: منتديات كلك غلا

https://www.klk-gla.com/vb

كلمات البحث

العاب ، برامج ، سيارات ، هاكات ، استايلات

قمة الروووووووعه

تسلم اياديك

الاروع مرورك اختي

واعيشها عيشة عمر مابين امن وبيـن خـوف
وازرع لها شعري وهي تسقيه من غيث الوصال

حتى خذتني عشق وانا اخذتها رغـم الانـوف
واسكنتها روحٍ عن اهروج البشر منفى اعتقـال

والا انت قربك ما يشجعني وفرقـاك امعـروف
اقلط على نزف الشعـر والفـال يقفـاه العقـال

حتى لو انت الذ من تمـر المدينـه والهفـوف
ارحل ترى ايامك خضر لكن ترى اسنينك اهزال

وفر ادموعك دام دمعك مر والـدرب امحفـوف
جعلك فدا من هلت ادموعـه علشـان ابتهـال


.
رــآق لي مآتصفحت هنآــا
سلمت يدــآك خيوو ,
واجزل عليك من عظيم عطآيأه
بانتظار جديدك القآدم ..
كل الشكر والتقدير لك ..

طرح رائع بروعتك دائماً أجد التميزهو عنوانك
يعطيك ربي العافية على روعة طرحك
لروحك السعادة