تفضلو
هذا الجزء الرابع
باليوم الثاني الكل صاحي وجالسين يفطرون الا ريهام باقي ما صحيه ماجد فقدها وقال:يمه وين ريهام؟
امه:ما صحيت باقي
ماجد:صحيتيها؟
امه:ايه بس مو راضيه تقوم
ماجد:قام وراح يصحيها
دخل الجناح لقى سريرها فاضي وعرف انها قامت شوي الا خرجت من الحام وهو كان يفرفر بجواله ويستناها واول ما شافها قال:يلا رهووم الفطور
ريهام ما ردت عليه ولا حتى طالعت فيه وهو استغرب منها وقال بخاطرة:يعني كل ذا عشان خاصمتك بشي لمصلحتك ولا عشاني اهتميت فيك قام ووقف قدامه وقال:انا اقول يلا الفطوور
ريهام من دون ما تطالع فيه وهي ماسكه جوالها قالت:خلااص
ماجد:طالع فيها بقهر وضييق وقال وهو يخرج:استناك خلصي وتعالي
ريهام ما ردت عليه وهو خرج وراح يكمل فطورة
شوي وجات وجلست وصارت تفطر
بعد الفطور ماجد مقهوور منها وما يكلمها وهي نفس الشي
هي كانت جالسة بالصاله مع جيهان ويسولفون
وهو كان مع وليد برا راحو يجيبون اغراض لأم وليد
كان الجو حاااار حييل وماجد ووليد موقفين عند المحل
ماجد:انزل انت ما راح انزل حرر خليني اتبرد بالسيارة
وليد:اقول بسرعه انزل حتى بالمحل مكيفات
ماجد:مابي انت روح خلاص ما بطير
وليد ضحك وقال اووكي
وفتح الشباك شويه وقفل السياره واخذ المفتاح معاه والمكيف مقفل
ماجد:وليد افتح ياخبل حرام عليييك
وليد وهو يروح:مو مطول حبيبي انشوي شوي خلييك تسمر
راح وليد وتأخر حييل
وماجد بالصياره صار معرررق وحران وحالته حاله
بالنهيه نزل من السيارة وراح لكفي قريب وجلس فيه يشرب قهور
وليد رجع وما لقاه بالسيارة ودق عليه وراح له وهم راجعين للبيت
ماجد:وليد وربي انك نذذل
وليد:ههههه توك تدري
ماجد:اوف منك وربي ابراهيم اهون منك بالنذاله
وليد:هههههههههههههههه شقصدك
ماجد:ياحلاة جده متى نرجع بس
وليد:ع تراااب اتحداك اصلا انت ما تقدر بدوني ابد
ماجد بضحك:ايه مرة انا اشهد
وليد:هههههههههه
شوي قال وليد:ايه صح وش كنت تبي امس
ماجد:متى
وليد:يوم جيت عندي بالغرفه
ماجد:آها لا بس كنت متضايق وانت ما عطيتني وجه
وليد:ههههههههههههه يا مسكيين ليش طيب
ماجد:رهووم زعلت عشان خاصمتها وللحين ما تكلمني
وليد:من حقها وربي
ماجد طالع بوليد وقال:ليش طيب انا كنت خايف عليها كانت بتطيح يعني ذي جزاتي عشان اهتميت فيها
وليد:هههههه اصلا طول عمرك مهتم برهووم بس كلامك لها كان قوي حييل لو انا منها ما اكلمك سنه
ماجد:اوف اصلا مو فاكر وش قلت كنت معصب وفارط لساني متر
وليد:ههههههههه زين افكرك
ماجد:هههههههه لا بس ما قلت لها شي غلط
وليد:راجع حساباتك ولا شكل عندك زهايمر
ماجد:وجع بعيد الشر عني ياخبل
وليد:ههههههههههههههه
وصلو للبيت ونزلو وماجد حرااان حييل اول ما نزل راح للغرفه وريهام كانت فيها ترتبها وانسدح ع السرير ووجه المكيف عليه وعلى درجته
ريهام طالعت فيه وجهه محمممر باين انه حران وكان معرق وخافت انه يمرض بس ما تبي تكلمه هي
رتبت الغرفه وخرجت شوي هو قام واخذ ملابسه ودخل الحمام عشان يتروش
بعد ما تروش خرج وكان يبي ينام ونام ع سريره من دون ما يرفع المكيف
ريهام جلست مع جيهان بالمطبخ وجيهان مشغوله بالغدا مع الشغاله ويسولفون
شوي قالت جيهان:اليوم بنروح السوق
ريهام:جد؟
جيهان:يب وليد قال بيودينا
ريهام:اها
جيهان:ماجد بيجي؟؟
ريهام بضيق:مادري عنه مع نفسه
جيهان:حبت تغير الجو يوم شافتها تضايقت وقالت:يلا بس قومي قطعي السلطه خليني اخلص
ريهام:هههههه
وقامت تقطع السلطه معاها
*******************
وليد قاعد بالصالة ويتفرج بالتلفزيون شوي صاح وقال:جيهاان
جيهان:نعـــــــــــــــم
وليد:وين الغدا بمووت جووع بسررعه
جيهان:خلاص ثواني واحطه
شوي خلص الغدا وحطته وجلسو كلهم بيتغدون شوي ام ماجد قالت لريهام:رهوم روحي صحي ماجد
ريهام تضايقت وقالت لعمتها:عمة مابي اكلمه
عمتها طالعت فيها وقالت بصوت واطي:باقي متخاصمين
ريهام بضيق:ايه
ضحكت عمتها وقالت:حبيبتي انتو اخوان بالنهايه لازم تتفاهمون
ريهام ابتسمت وسكتت وعمتها قامت تصحي ماجد
صحته وجا يتغدا وبدو كلهم ياكلون
بعد الغدا جلسو بالصاله ووليد وجيهان يتناقرون وريهام تضحك ع اشكالهم اما ماجد كان جالس بعيد عنهم ويفرفر بجواله شوي سكتو وريهام صارت تطالع بماجد شوي ماجد عطس وصار يكحكح
ريهام قالت بخاطرها وهي تلف وجهها عنه:الله يستر لا يكون مرض من هالمكيف اوووف
شوي سكت ماجد ووليد ضربه وقال:يرحمك الله
ماجد من دون ما يرفع عيونه من الجوال:الحمد لله
وليد:تعبان؟؟
ماجد:لا
وليد:صدق؟
ماجد:مدري
وليد:هههههههههههههههه
شوي سكت وقال:بتروح السوق معنا
ماجد وعيونه ع الجوال:مين انتو ؟
وليد:جيهان ورهوم وانا
ماجد طالع بوليد وقال:رهوم بترووح!
وليد:مادري بس اكيد جيهان بتاخذها
ماجد:غريبة ما قالت لي؟!
وليد:هههههههه بوجهك انت متخاصمين وبتقول لك ههههههه والله انك توحفه
ماجد ما رد عليه وكمل بجواله
شوي وليد قال:وش تسوي بجوالك؟؟
ماجد:اكلم اياد
وليد:لاحوول وش يبي لا تقول يعزمك
ماجد:هههههههه لا نسولف
وليد وهو يسحب الجوال:اشوف
ماجد:سحب الجوال وقال:بس يالملقووف شدخلك
وليد:ههههههههه عادي اموون
ماجد:مو علي يا خبل هههههه
وليد:هيا مالي دخل اليوم بتخرج معاي المول مو يعزمك الحين وتروح معه
ماجد:طيب خلاص اجل هو بكرة قلت له
وليد:الله وين!!
ماجد:مدري يقول نطلع كلنا
وليد:كلنا يعني حتى انا
ماجد:هههههه ايه
**********************
بعد المغرب ريهام جالسه مع جيهان بالغرفه وجيهان تتجهز عشان بيروحون السوق
ومبين عليها طفشانه متضايقه قالت:مابي اروح
جيهان لفت وقالت:ايش وربي لتروحين خييير
ريهام سكتت شوي وقالت :ماجد بيروح
جيهان:اضن شفت وليد يكلمه
ريهام تنهدت وقالت:ياربيي
جيهان:ما تبينه يروح؟
ريهام:مو كذا بس
سكتت ونزلت راسها وما عاد تكلمت
ريهام قالت لها:قومي تجهزي وربي لتروحين ولا والله ما عاد اكلمك حرام عليك كم لنا ما شفنا بعض وتتنكدين الحين ما عليك من ماجد
ريهام:مو عشان ماجد انا مالي خلق ابد
جيهان انقهرت وقالت وهي ترمي عبايتها ع السرير:وانا مو رايحه الا عشان نتمشى انا وياك مو انا وحدي يجلس وليد ينكد علي رهووم قومي وربي لأزعل
ريهام قامت بضيق وراحت للجناح تتجهز
تجهزو كلهم ووليد قال لجيهان وهو خارج:يلا انا بالسيارة بسرعه
جيهان وهي تلبس عبايتها طيب يلا جايين
شوي نزل ماجد وقال:استنى وليد مو بسيارتك
وليد:نعم لا ما اعرف اسوق الا سيارتي
ماجد:لا تفششل سيارتك مغبببرة خل نروح بسيارة ابوي
وليد:ياهووه
ماجد:هيا اقول خرج ومعاه مفتاح سيارة ابوه وركبو فيها شوي وجو ريهام وجيهان وركبو معاهم وراحو للسوق
*******************
وهم بالسوق صارو يلفلفون ويشترون كل شي يعجبهم
شوي قالو بيوقفون بمقهى ويشربون لهم شي وجيهان تبي تروح تشتري شوز عجبها
وقفو عند المقهى وجلسو وطلبو وجيهان تقول لوليد:وليد خلنا نروح نشتريه انا ورهوم
وليد:وحدكم لا معليش بعدين اروح انا وانتي
جيهان:وليد قريب ما بنطول
وليد:لا اجلسي
ماجد وريهام جلسو وجيهان ووليد يتناقرون ع الشوز
شوي جيهان قالت:تعالي رهوم
ريهام:همم وش تبين
جيهان:نروح نشتري الشوز ما بنطول
وليد:جيهان قلت مافي ما بتروحون وحدكم
جيهان:وليد خلاص
وليد:لا
ريهام:زين روحو الحين
وليد طالع فيها وقال:خليها مو رايح
جيهان:ولييد بلا نكد
وليد طالع فيها وقال:زين قومي اصلا انتي النكد بعينه
قامو وصقعها ع راسها وهي صارت تضحك وراحو
ماجد وريهام جالسين ويستنونهم
ماجد من يوم ما خرجو ما تكلم كثير وبس ساكت ويحس انه تعبان ومصدع
طالع بريهام الي لافه وجهها عنه كان يبي يقول لها بس كانت صاده عنه
طنش ولف وما تكلم شوي حس ان حرارته ارتفعت ويبي يسألها عندها بندول ولا أي شي وقال:ريهام
ريهام لفت وقالت:هممم
ولاحظت وجهه محمممر ومبين انه تعبان وهو وقال:معاك بندول
ريهام خافت عليه وقربت منه وحطت يدها ع جبهته وحسته مسخن مررة وقالت:ايه
فتحت شنطتها وطلعت البندول واعطته ايها
هو شربها وصار ساند كوعه ع الطاوله وماسك راسه
وريهام تطالع فيه وتذكرته يوم وجه المكيف عليه ونام ومسكت يده وصارت تخاصمه وهو يطالع فيها لين ما خلصت وقال:يصير ازعل؟!
ريهام طالعت فيه باستغراب وهو كمل:مو انتي قاعده تخاصميني؟!
ريهام فهمت قصده وصارت تطالع فيه والدموع بعيونها ومقهووره منه وقالت بضيق وهي تلف عنه:انا خاصمتك ما جرحتك
ماجد طالع فيها وهو مستغرب وهي مسحت دموعها ولفت وجهها عنه
هو تذكر كلام وليد بالسيارة وصار يتذكر وش قال لها وهو يخاصمها شوي طالع فيها وهي صارت دموعها تتجمع بعيونها وتحاول ما تبينها ولا تنزلها وتمسحها
تقطع قلبه عليها ومسك يدها وقال:رهوم قولي بإيش جرحتك طيب؟؟!
ريهام مسحت دموعها وطالعت فيه وقالت:مو مجبوووور تربط نفسك فيني وسكتت شوي وهي تحاول تمنع دموعها وقالت:اذا ثقيلة عليك ترى ما عليه اروح!
ماجد استغرب من كلامها وتذكر يوم قال لها:{لا عاد ترجعين عندي مرة ثانيه} ويوم قال لها{مو فاضين لك تطلعين لنا بعله جديده}
وقال بذهوول:رهوم وش قاعده تقولين ووشلون تفكرين كذا رهووم شيلي هالفكرة من رااسك حتى لو قلت كلام يجرح صدقيني ما اقصده من يوم حنا صغار مع بعض وبالنهايه تقولين ثقيله!! شدعوة
ريهام نزلت دموعها ومسحتها بضيق وهي تطالع فيه وهو كمل:رهووم لا تفكرين كذا اببد
ريهام ردت بقهر:مو تفكيري ذا معنى كلامك
ماجد شد ع يدها بقوه وقال:صدقيني مو قاصد انتي مثل توأمي رهوم وما اتضايق منك اببد
شوي جا وليد وجيهان وريهام باين بوجهها الضيق جيهان يوم شافتها قالت:شفيك رهوم
ريهام وهي تقوم :خلااص خلونا نروح
جيهان:ليش باقي بدري
ريهام وهي تأشر ع ماجد:ماجد تعبان خلاص مرة ثانيه نروح
جيهان طالعت بماجد وقالت:شفيه
ريهام:مسخن ومصدع
وليد قال لماجد:سلامات يالله خلنا نروح عشان ترتاح
ماجد هام بتعب ومسك يد ريهام وخرجو من السوق رايحين للسيارة
رجعو للبيت وماجد ع طول ع فراشه يحس انه مككككسر حييل وعضامه تعوورة
حطو العشى وريهام قامت بتنادي ماجد
دخلت الجناح وشافته وهو ممدد ع السرير وباين عليه مهلوووك
قومته وقالت:ماجد يلا العشا
ماجد قام بتعب وراح يتعشى معاهم
بعد العشى كلهم جالسين يتفرجون فيلم الا ماجد راح ونام وريهام جالسه مع جيهان تتفرج
ماجد نسي جواله بالصاله شوي دق
قامت ريهام وشافت لقيته اياد وقالت:اياد يدق
جيهان بضحك:يالبييه
ريهام:هههههههههههه
اخذت الجوال وراحت لماجد بس لقيته ناااايم وامه عنده تكمده
قالت:عمه اياد يدق ع ماجد
عمتها:خليه لا تردي ماجد اذا قام بيكلمه
ريهام حطت الجوال عند ماجد وراحت تتفرج مع جيهان
بعد الفيلم كلهم راحو نامو
وريهام منسدحه ع سريرها وتسولف مع سمر ع البيبي
وباين انها متضايقه وما تبي تسولف معها
وسمر تحاول فيها تجي تسكن عندهم وهي تصرف كعادتها
بعد ما خلصت من سمر حطت الجوال جنبها
ونااامت
************