أبدل نظرتك فيني وأجيلك كل يوم بحال
بكون أقرب من ثيابك عليك ولا تهيالك
بلمك وانثرك واجمعك وارجع وانثرك بهمال
بخونك وازعلك وارضيك وزعل منك ورضالك
ابرسم بالثرى وجهك وبدفن صورتك برمال
ابشكي للعرب فرقاك واضحك عند عذالك
ابهديك الوصال فراق واهديك الفراق وصال
بسوي مثل ماشوفك تسوي وفعل افعالك
عشان تعرف من فينا الزعول ومن وسيع البال
ابيك تذوق فنجالي وانا بذوق فنجالك
نصيحة واحتفظ فيها قصر معك الزمن او طال
ابي تسمع كلامي زين وتحطه على بالك
اذا حبك هبال اطفال لك عندي هبال اطفال
لا وابشر بعد بهبال حبن ماهو بهبالك
واذا قصدك تهين اسمي عشان تشمت العذال
حشى لانت ولاغيرك ولا عشر من اشكالك