الجزء الثاني عشر
خرج أبو نواف من البيت وهو معصب واتجه لبيت أبو رهف وصل عند باب البيت وكانت الساعة 1:30 الضهر لقى حاتم أخو رهف الوحيد جالس بسيارته عند باب البيت فتح الشباك وقال له:حاتم
حاتم طالع بعمه وماوده يرد عليه وقال:نعم تبي شي
أبو نواف: أمك بالبيت
حاتم:تبي شي أنا موجود ما يحتاج تكلم أمي
أبو نواف قال بخاطرة:والله انك منعول وجه وقفى من يوم ما ما ت أبوك وأنت قال ادبك مع عمانك وقال له:طيب بس مالي كلام مع أمثالك حتى يعرفو مع مين يتكلمون ويحترمون أنفسهم قفل الشباك وجا بيمشي الا حاتم يقول:انا عارف مع مين أتكلم مع واحد ما عرف يربي ولده
وقف أبو نواف ونزل من السيارة وهودمه فاير والسكر مرتفع 220 درجه فتح باب سيارة حاتم ولطشه كفين وقال له:أنا مربيه زين بس انت الي مسيب أختك أبوك وصاك عليها ما قال خليها ع هواها
وركب سيارته ومشى وهو معصب ورجع البيت ونام
بيت أبو بندر
حمود جالس يتغدى مع أهله بالبيت ومبسوطين عشان نوال أختهم وقاعدين يعلقون عليها حمود:نوال الله الله بالطبخ والمحاشي ترى عزوز يحبها هههههههه ذاك النحيف طلعيه دب
نوال:ههههههههه حرام عليك
شوي الا جوال حمود يدق قام وأخذ الجوال من فوق المكتبه وشاف لقاه نواف رد وقال:هلا والله بنواف كيفك
نواف وصوته مبين انو مرة مهلوك:هلا فيك تمام انت كيفك
حمود:الحمد لله تمام بس صوتك مو عاجبني اشفيك
نواف:ما فيني شي بس اسمع
حمود:هلا
نواف:فاضي الحين
حمود عرف انو محتاجه حيل وقال:ايه حبيبي فاضي
نواف:زين تجهز بمرك
حمود:لالا خلاص انا بمرك
نواف:لاأنا بمرك لأني ماني في البيت
حمود:أوكي استناك فمان الله
نواف:فمان الله
دقايق إلا نواف عند الباب خرج حمود وشاف نواف باين من شكله مهلوك ركب معاه وقال: اشفيك مرا تعبان
نواف:أبوي زعل علي
حمود:أوف ليش
نواف:....................!
حمود:وش رايك أسوق انا وانت تستريح
نواف ما قدر يرفض طلبه لأنو محتاج هاشي من أول وقال:أوكي ونزل وتبادل هو وحمود الأماكن ومشى حمود وقال لنواف:وين تبي نروح
نواف وهو ساند راسه ع المقعد:أي مكان
حمود أتجه للتحليه وهم في الطريق نواف قال لحمود:اليوم امي قاعدة تسألني عن الكلام الي قالته رهف قبل خمس سنوات تذكرة
حمود:أي كلام
نواف:المهم تقول اني كنت أخرج من عندها وما أرجع الا الفجر
حمود:يلعن شكلها وش تبي هذي
نواف:المهم أمي قعدت تصارخ وتبكي وتقول لي صدق هالكلام ولالا وأبوي كان بمكتبه ويوم سمع صوت أمي خرج وناداني ورحت له وقال لي:ما ودك تتزوج تراك عذبتني انا وأمك وقلت له:لا وإذا ما تبوني بروح بشقه وحدي وأصرف ع نفسي
أبوي عصب وضربني وقعد يخاصمني وطردني وقال:لاعاد تدخل لي بيت
حمود:وانت وشوداك تقول له كذا
نواف:وربي شي يقهر يقلك بوجهك كذا ع الحاف بالله وش معناها عذبتني وعذبت أمك
حمود:طيب ليش انت منت ناوي تتزوج
نواف:لشيئين أول شي خلاص مليت كل البنات زي بعض كذابات ثاني شي مين بتوافق علي بعد الكلام الي قالته رهف
حمود:هههههههه والله صدقني مو كل البنات زي بعض انت تعقدت عشان رهف وبعدين مو شرط تتزوج من أقربك الي يعرفون ماضيك روح أخطب لك من برا العائله حقتكم
نواف:أوكي خطبت وتزوجت وخلفت بعد وعجزت الناس ما راح يعلمون زوجتي حمود أفهمني كذا ولا كذا ماني متهني بحياتي دام أقاربي ما عرفو الحقيقه
حمود:أجل وش ناوي تسوي
نواف:خلها ع ربك يفرجها
حمود:تقول خلها ع الله وتجلس لا زم تسوي شي
نواف:وش اسوي
حمود وهويوقف السياره:أنزل خلنا نتفاهم
نزلو وجلسو ع الجلسات عند الكورنيش وكمل حمود وهو يقول:أنت الحين روح اعتذر لأبوك وأمك ولأنو هم الي بيساعدوك هذا أول شي تسويه بعدين حاول تقنعهم ان رهف هي الغلطانه إذا أقتنعو أمك وأبوك ما راح تواجه صعوبه بالباقي أوكي
نواف:أمي مقتنعه بس أبوي لا
حمود:زين حاول انت وأمك تقنعه انت قول لأبوك بالشي ذاك وربي ليقتنع
نواف:كل ما أجي أقوله أتذكر زياد وأسكت
حمود بانفعال:شلون تتذكر زياد وتسكت وليش هي ما تتذكر زياد وتعترف ليش هي ماتحس وانت ذابح نفسك بعدين تذكر انو هالشي ما ينسكت عليه يعني المفروضش كان تكلمت من أول ليله تفهم ولالا
نواف:فاهم بس زياد مني ومنها
حمود:حبيبي الله يرحم زياد لو كان حي كان تبرى من أمه زي ما تبرا إبراهيم من أبوه لمتى بتجلس كذا
نواف سكت وصارت صورت ولده زياد تمر قدامه ويتذكرة وهو محمر وملفوف بالمنشفه وأثار الكدمات ع راسه ويدينه وتذكر يده المكسورة وقال:حمود زياد يو شفته كانت يدينه مكسره وجمجمته مكسوره وباين عليه آثار الكدمات شلون هذا كله وانا بس رفستها ع بطنها
حمود:إيه صح تتوقع إنو؟!!؟!؟؟!
نواف:مادري آآآآآآآخ يا راسي خلاص مابي أتذكر
لم راسه بين يدينه ودموعه صارت تنزل
الساعه 3:30
دق جوال نواف ع طول أخذة ورد وقال:هلا يمه
أم نواف:ولدي وينك؟
نواف:مع حمود
أم نواف:أسمع لاتزعل ع أبوك بس انت تعرف عنده السكر وأنت الله يهديك عصبته وسامحه عشاني
نواف:لالا عادي يمه أنا الغلطان هو الي يسامحني
أم نواف:طيب تعال الحين هو يبيك
نواف:أبوي يبيني
أم نواف:أيه الله يهداك
نواف:أوكي الحين جاي مع السلامه
أم نواف:مع السلامه
قفل ولف ع حمود وقال له:يلا قوم أوصلك أبوي يبيني
حمود:طيب يلا
ركبو السيارة وأتجه نواف لبيت حمود ولحظة وصوله عند الباب وقف حمود فتح الباب ونزل بعدين دخل راسه وقال لنواف:نسيت أقولك يادلخ انت معزوم رسميا لخطبه أختي لا زم تجي عيال عمي كلهم يبون يشوفوك ويتعرفون عليك من كثر ما أحكيهم عنك
نواف:ههههههههه أهم شي رسميا وين كرت الدعوة
حمود وهو يحك راسه:أممممممم ما طبعناه ههههه
نواف:أوكي متى
حمود:يوم الاثنين هذا ان شاء الله
نواف:مين المعرس
حمود:ههههههـ حلوه ـهههههه ولد عمي أسمه عبد العزيز
نواف:أخو عبد الرحمن
حمود:أيوه عليك نور
نواف:نور ولا هزازي هههههه
حمود وهو يقفل الباب:ههههههههـ ما تضحك ـههههههههه
أحلام وأسماء وبسمه جالسين بالصالون وجاهزين يستنون أحمد عشان يوديهم السوق يبون يشترون أغراض عشان الخطبة
جا أحمد وأخذهم وهم بالسياره قال لهم أي سوق تبون أحلام نطت من وراه وقالت:سوق........
أحمد:طيب شوي شوي ما بطير
أحلام:هههههههه الحماس يسوي أكثر
أحمد من بعد الي صار بينه وبين وجدان مزاجه قافل 24 ساعة قال:أوكي بحطكم بالسوق وبروح وإذا خلصتو دقو علي أحلام:لالا أجلس معانا
أحمد:ماني فاضي لك عندي موعد
أحلام بعصبيه:طيب مدامك منت فاضي ليش تودينا لو كنت خليت محمد يودينا خلاص حطنا بالسوق ودق ع محمد يجي يجلس معنا
بسمه:خلاص يا أحلام مايفرق
أحلام:ليش أنتي ما تخافين
أسماء:هههههه من أيش نخاف ياقلبي والله انك خوافه
أحمد:تبي كذا ولا بكيفك
أحلام عصبت وقالت:أصلا أنا وش طلعني معاكم وربي ما عاد أطلع إلا مع محمد
بسمه:كل هاذا عشان قال بيخلينا وحدنا سلامات
أحلام معصبه حيل وما تبي تتكلم أكثر والمشكله ما يمديها تقول لمحمد يجي معاهم لأن أبوها أرسله بأشغال الشركة
نزلو السوق وأحمد راح وهم بدو يشترون أغراضهم وخلصو نصها وراحو مقهي عشانهم عطشانين يبون يشربون جلسو بالمقهى وطلبو عصيرات شوي أحلام جالسه تطالع بالباب حق المقهى إلا تشوف في الطاوله القريبه من الباب أحمد جالس مع بنت وهالبنت ميييين جا بعقلها إنها رهف ما قدرت تتحمل شكل أحمد وهو باين عليه إنو يقول لها تبعد عنه وهي مبين إنو ترفض وما تبي قامت أسماء مسكت يدها وقالت لها:أحلام وين رايحة
أحلام: دقيقه في إكسسوار نسيت أشتريه وعاجبني بروح أشتريه وأجي
أسماء:أوكي بسرعه أحمد جاي الحين
أحلام:أوكي
مشت لين ما وصلت عند الطاوله حقتهم وسمعت أحمد يقول لها كيف جبتي رقمها
رهف:زي ما أجيب رقمك كل مرة مو أنا قلت لك بذوقك الخيانه شوفها وصلت
أحلام ما قدرت تصبر وقالت وهي تتضاهر إنها بتبكي ومصدومة: لالا أحمد مين هاذي
أحمد طالع في أحلام وقال:إنتي من متى هنا
أحلام وما تدري كيف نزّلت الدموع:ما يهمك من متى أناهنا ليش الخيانه
وغمزت له أحمد فهمها وقال:وجدان وربي ما بيني وبينها شي
أحلام:كيف ما بينكم شي آسفه خربت عليكم الجلسه الرومنسيه الله يهنيكم ببعض
وجات بتقفي إلا سمعت صوت رهف تقول:إنتي زوجته
لفت وقالت:كنت زوجته بس الحين تهني فيه
رهف:أصلا ما تستحقينه مو بس معي خانك مع بنات جده كلهم
أحمد ماقدر يتحمل ومسكها من عبايتها وقال لها:يالكذابه أنتي الخاينه أصلا أنتي منتي متربيه أنت مفلوته على وجهك ما حد يلومك قسم بالله يارهف لوعاد شفت رقمك يتصل بجوالي ليوصل لأهلك كل الي كنتي تسوينه قبل خمس سنوات وأضن انك ما نسيتي ولا راح تنسي
ودفها ع الكرسي ومسك أحلام وخرجو من المقهى لقيو أسماء وبسمه واقفين عند السيارة وأول ما شافوهم قالو:طولتو وين كنتو
أحلام ببرائه:ما لقيت الإكسسوار ورجعت المقهى وما لقيتكم ولقيت أحمد يدور لك وخرجنا بس
أحمد طالع فيها وقال بخاطره:تصريفاتك جاهزة ياليت لو تعطين خالد منها شوي هههههههههه
رجعو البيت وبدو يورن امهم الأغراض الي اشتروها أما أحلام خرجت عند أحمد بالحديقه وقالت له:هاه وش رايك فيني أنقذتك صح
أحمد:ههههههههه والنعم والله
أحلام:لحظة وش موديك عندها
أحمد:حيوانه جابت رقم وجدان وتهددني إنها تكلمها وتقول لها
أحلام:من وين جابته
أحمد:مادري والله
أحلام:كذابه بس تبي تستتفزك يعني من وين بتجيبه
أحمد:الله يعين أهلها عليها هاه متجهزين للخطبه
أحلام:إيه وين محمد باقي ما رجع
أحمد:ليش كم الساعه
أحلام
30 أحمد:دقي عليه وشوفي
أحلام طلعت جوالها ودقت وتستنى متى يرد شوي الا ردوهويقول:وحشتيييييييييييييييينييييييييييييييييييي ي
أحلام:هههههههههههههههههههههههه طيب استنى أتنفس
محمد:هههههههههههه يلا تنفسي
أحلام تنهدت بقوه وقال:وينك
محمد:جاي الحين تبين شي
أحلام:لا بس أشتقت لك
محمد:وأنا بعد رحتو السوق
أحلام:إيه
محمد:كيف ركبتي ورا ولا قدام
أحلام:ههههه لا أركب قدام بس معاك بس معاهم ما يخلوني
محمد:هههههه ما يلامون تجننيهم
أحلام شهقت وقالت:لييييييييييييش
محمد:هههههههههه أنا وياك نفهم بعض وبس ههههههههه
أحلام:أسمع يا غبي أبي أقلك شي بسرعه تعال
محمد:طيب الحين شوفيني وصلت أفتحي الباب
أحلام وهي تفتح الباب:هلا
وقفلت الجوال دخل محمد وقال هاه وش عندك
أحلام:ما عندي شي بس ابي أحمسك هههههههههه
محمد:تصدقي تحمست ههههههههه
دخلو البيت وجلسو يتفرجون في التلفزيون
٠٠/"أبشر"/٠٠
بقلب" مايبي غير طرياك
٠٠/"وأبشر"/٠٠
بعين" ماتبي غير شوفك
٠٠/"وأبشر"/٠٠
بحب" لوقسى الوقت يرعاك..
٠٠/"وأبشر"/٠٠
بروح" من غلاها تحوفك
٠٠/"أبشر"/٠٠
وكل اللي تبي يالغلا جاك
%آآآآمر%
عسى درب المنايا يعوفك
هذي رساله أرسلها عبد العزيز لنوال نوال قرتها وردت برساله هي:
@أترك جمالك ياحبيبي على جنب@
@غير الحلى تعجبني بزود طيبتك@
@كلك على بعضك تجنن وتنحب@
@حظي كبير الي جعلني نصيبك@
@إن كان حبي في نضر بعضهم ذنب@
@ يا مرحبا والله بذنب يجيبكم@
@ما أقول إلا الله يخليك يارب@
@ويعمي عيون من حسدها تصبيبك@
عبد العزيز قراها وأبتسم وهو يقول فديييييييتك
عبد الرحمن بغرفته وما سك جواله ما يدري يدق يرسل وش يسوي يبي يقول شي بس ما يدري وشو أخيرا كتب لها رساله وقال فيها:
ماكل من يضحك بوجه البشر حي؟!!؟
بعض البشر تضحك وبعيونها الموت؟؟؟!!!
وما كل ساكت ما على خاطرة شي؟؟!!
وما كل صرخات الحناجر لها صوووت؟!!
لا تهتمين بس أفضفض
وأرسلها لها وصلت الرساله لأحلام مسكت جوالها وشافت ويوم شافتها منه قفلت الجوال وحطته جنبها ما تبي تفتحة شوي مسكت الجوال مرة ثانيه وفتحته وفتحت الرساله وقرتها وأنصدمت ونزلت دموعها عطول وصارت تقول بخاطرها:أدري بقلبك شي تبي توصله لي بس أنا أتضاهر إني ما أفهمك كثير علي يا تنفذ الكلام الي قلت لك يا تصبر علي آآآآآآآآآآآآآآآآآه
أرسلت له:
تمون بس صاير بالحييييييييييييييل يوجعني كلامك
ترددت وهي تضعط ع زر الارسال تبي ترسل وما تبي ترسل في النهايه أرسلتها وهي تبكي وللأسف ما وصلت إلا وعبد الرحمن قد نااااام
بندر منسدح ع سريرة وسبحان الله طول اليوم ما يفكر بشي وإذا أنسدح ع سريره بالذات تجيه الأفكار قاعد يقول بخاطرة:الحين عبد العزيز خطب نوال ليش ما أخطب أسماء قدني مخلص كل شي متخرج ومتوضف وصالح للزواج هع هع بس أسوم باقي لها سنتين بالجامعه ياربييي ما عاد فيني صبر أوكي بس أخطبها بعدين أملّك وأتزوج ياربييي مسك جواله وأرسل لأسماء رساله كتب فيها" أسوم ممكن سؤال بس سؤال واحد"
أسماء كان النوم مسيطر عليها وكانت تراسل وحدة من صحباتها بعدين قفلت الجوال وحطته جمبها وغطت نفسها باللحاف وغمظت عيونها شوي ونور قوي فتحت عيونها لقت الجوال به رساله فتحتها وأنصدمت يوم لقيتها من بندر وطار النوم من عيونها فتحت الرسالة بسرعه زي سرعة نبضات قلبها وقرت الرساله وقالت وش هالسؤال كتبت له وهي ترتجف من الإرتباك"إيه عادي إسئل"
بندر قرى الرساله وضحك وكتب لها"أوكي بس أمااااااااااانه تردين لأني بحيرة من أمري ولا تاخذينها مزح وربي جد ولا أستهبل أوكي حبيبتي"
أسما يوم قرت الرسالة زاد ارتباكها وفضولها تبي تعرف وش السوال الي عملها ربشه<<هع
كتبت له"ههههههه أوكي أتفقنا إسئل"
بندر قرى وحس إنو ارتاح وكتب لها"لو خطبتك الحين توافقين ولالا"
أسماء قرت الرسالة10 مرات وباقي ما أستوعبة وما عرفت إيش ترد له وتقول وخافت يكون يلعب عليها ما تدري وش ترد المهم تأخرت وايد في الرد تصنمت عيونها في الجوال وعقلها يدور للرد وشوي الا رساله منه تقول"أشفيك ما أتفقنا إنك تردين أسوم بليز جاوبيني وربي من جد وربي ما أستهبل"
أسماء ردت وقالت"ياشيخ وش دافع هالسؤال الغريييييييب إذا إنك صدق تبي تخطبني أخطبني من أبوي وذاك الوقت تلقى الجواب"
بندر خاف إنها زعلت وكتب لها"يابقرة إلحين ليش تزعلين قلت لك بس سؤال"
أسماء عصبت وكتبت"والجواب مو عندي"
بندر"أسوم من جد زعلتي لا تستهبلي قسم بالله ما قصدي شي"
أسماء"لالا ما صارشي إنتهى الموظوع تصبح ع خييير"
رمت الجوال وغمضت عيونها وقالت بخاطرها:ياربيييي أحسه يلعب علي مدري ليش غبي غبي هالإنسان بالله بيخطب وحدة يروح عندها ويقول لها لو خطبتك توافقين يعني وش المغزي أهبل ولا يستهبل
أووووووووووووووووووف
غطت راسها باللحاف ونامت أما هو قرى ردها وقال:الحين ليش هالعصبيه يالله عطنا خيرها هع قلت شي غلط رجع يراجع رسايله ومالقى فيها شي قعد يضحك وقال صدق إني دلخ وأهبل ههههههههههههههه وقال زين إنها قالت لي تصبح ع خير
وحط راسه ع المخدة ونااااااااااااااااااااااااااام
عبد العزيز ونوال بسهرتهم يتراسلون الرسايل الرومنسيه وبكرة بتكون الخطبه
نواف منسدح ع سريرة ومو قادر ينام يتذكر كلام حمود ويقول:زين كيف أقنع أبوي الله يحاسبني عليك يارهف شوي إلا أنفتح باب الغرفه ودخلة أم نواف وجلست تبكي عند ولدها
نواف قام وجلس وقال:يمه أشفيك
أم نواف وهي تشاهق:أبوك
نواف بقلق:أشفيه أبوي
أم نواف:أبوك بيموت ألحقه
نواف قام بسرعه ولبس الثوب وقال:وينه يمه بسرعه تكلمي
أم نواف: جا حاتم ولد عمك وقعد يخاصمه ماأدري ليش وكانت أصواتهم عاليه وأبوك ضرب حاتم وقام حاتم ماأدري وش قال لبوك وخرج قام أبوك ولحقه
خرج نواف بسرعه وهو يدري إنو وحدة ماراح يقدر وهو بعد يدري وش مغزى حاتم من إستدراج أبوه قال لأمه:يمه خليك هنا ولا تدقين ع أحد وإذا ماجيت للفجر دقي ع خالي ياخذك لا تطلعين مع أي أحد من أهل أبوي تفهمين
أم نواف:طيب بس لاتتأخر
نواف:طيب
مسك جواله ودق ع حمود حمود رد وقال:هلا نواف
نواف:حمود وينك
حمود:بالبيت أشفيك
نواف:بسرعه تعال
حمود:نواف وشفيك
نواف:حمود تكفى تعال حاتم أخو رهف يستدرج أبوي وأبوي لحقه بسرعه عجل
حمود:أوكي وينك
نواف:تعال البيت بسرعه
حمود قام ولبس الثوب وخرج وأخذ جواله ومحفظته من الصاله ودخل ع فاديه لقاها باقي ما نامت وقال لها وهو مستعجل:فاديه قولي لأمي ترى بخرج نواف يبيني
خرج وبسرعه ع بيت نواف أخذنواف وأتجهو لبيت أبو رهف وصلو لقيو سيارة أبو نواف موقفه عند باب البيت وأبوابها مفتوحة وباب البيت بعد مفتوح دخلو البيت وسمعو صوت صراخ بالمجلس الخارجي نواف عرف الصوت وقال لحمود:حمود خلك أستناني برا رهف موجوده حمود خرج وجلس يستناه برا وهو دخلوشاف رهف جالسه تبكي وحاتم يخاصم أبوه وأبوة باين عليه حيييل تعبان وبالحيييل يخاصم نواف عرف إنو السكر أرتفع من كثر ما عصب أبوه وقال:ممكن أعرف وش جاب أبوي هنا
حاتم لف وطالع فيه وقال:إنت إلي وشدخلك البيت وأبوك هو الي جا
نواف:مسك أبوه وقال له يبه خلهم أنا نصحتك منه طويل لسان بس بيعصبك تعال نروح البيت
أبو نواف ما سار يقدر يتكلم نواف ساعد أبوه وخرجه وركبه في السيارة وقال لحمود يزديه البيت أما هو كمل الحوار العنيف مع حاتم لأنو حاتم طلب حاتم قال لنواف:وين بتودي أبوك خله يكلمني
نواف:إذا بتتكلم عن السالفه الي صارت قبل خمس سنوات فهالموضوع يهمني وأبوي ما له دخل بهالسالفه إذا إنك رجال كلم الي قدك ويقدرون عليك لا تكلم شايب تعبان من السكر فاهم ولالا
حاتم:أسمع الكلام يوصلك ويتعداك أختي لا عاد تتعرض لها فاهم ولالا
نواف:عن أي شي تتكلم من خمس سنوات أنتهى الي بيني وبينها وأنا ما تعرضت لها لا تجي تهلوس علي
حاتم:أنا ما أهلوس إنت مقابلها اليوم ومهددها بس بإيش هددتها قال قال تقول لها بقول لأهلك بالي سويتيه قبل خمس سنوات قلي وش سوت لو كان فيك خير
نواف:أول شي أنا ما قابلتها ولا هددتها شكله خويها إلي كانت تكلمه صار الحين يهددها بالفضيحه ولف في رهف وقال:تتذكرين الي كنتي تترجينه يتزوجك شكله هو المهم ماني مطول مع جهّال الله يستر علينا وعلكم وأبوي أغسل يدك منه عشان تلقى الخير ولا تحاول تتعرض له وأنا حي تفهم ولالا وأختك هذي أعرف مع مين تروح ومع مين تجي ولا تسيّبها وتذكر وصية أبوك إلي أعتمد عليك فيها وإنتي يارهف ترى أحمد ماراح يفيدك يلا سلام